ಗ್ಲೋಬಲ್‌ ಸೈನ್ಸ್‌ ಕಂಟೆಸ್ಟ್‌: ಸೆಮಿಫೈನಲ್‌ಗೆ ಬೆಂಗಳೂರು ವಿದ್ಯಾರ್ಥಿಗಳು

ಬೆಂಗಳೂರು: ನಗರದ ಇಬ್ಬರು ವಿದ್ಯಾರ್ಥಿಗಳು ಸೇರಿದಂತೆ ಗ್ಲೋಬಲ್‌ ಸೈನ್ಸ್‌ ಕಂಟೆಸ್ಟ್‌ನಲ್ಲಿ ಭಾರತದ ಐವರು ವಿದ್ಯಾರ್ಥಿಗಳು ಸೆಮಿಫೈನಲ್‌ ಹಂತಕ್ಕೆ ತಲುಪಿದ್ದಾರೆ.

ಈ ಬ್ರೇಕ್‌ ಥ್ರೋ ಜ್ಯೂನಿಯರ್‌ ಚಾಲೆಂಜ್‌ನಲ್ಲಿ ಸೆಮಿ ಫೈನಲ್‌ ಹಂತ ತಲುಪಿದ ಸಮಯ್‌ ಗೋಡಿಕಾ ಮತ್ತು ನಿಕಿಯಾ ಶಂಷೇರ್‌ ಬೆಂಗಳೂರಿನ ವಿದ್ಯಾರ್ಥಿಗಳಾಗಿದ್ದು, ಭುವನೇಶ್ವರದ ಅಪೇಕ್ಷಿಕ್‌ ಪಾಣಿಗ್ರನಿ , ವಡೋದರಾದ ಪ್ರಾನ್ಶು ದವೆ, ದಿಲ್ಲಿಯ ಕಾವ್ಯ ಸೆಮಿಫೈನಲ್‌ನಲ್ಲಿದ್ದಾರೆ. ಸಮಯ್‌ ಮತ್ತು ನಿಕಿಯಾ ಪಬ್ಲಿಕ್‌ ಸ್ಕೂಲ್‌ , ಗ್ರೀನ್‌ಹುಡ್‌ ಹೈ ಇಂಟರ್‌ ನ್ಯಾಷನಲ್‌ ಸ್ಕೂಲ್‌ನ ವಿದ್ಯಾರ್ಥಿಗಳು.

ಅಮೆರಿಕ, ಫ್ರಾನ್ಸ್‌ , ರಷ್ಯಾ ಸೇರಿದಂತೆ ನಾನಾ ರಾಷ್ಟ್ರಗಳ ಒಟ್ಟು 29 ವಿದ್ಯಾರ್ಥಿಗಳು ಸೆಮಿಫೈನಲ್‌ನಲ್ಲಿದ್ದಾರೆ. ಅಂತಿಮ ಸ್ಪರ್ಧೆಯಲ್ಲಿ 15 ಮಂದಿ ಸ್ಪರ್ಧಿಸಲಿದ್ದು, ಅಂತಿಮ ಸ್ಪರ್ಧೆಯ ವಿಜೇತರ ಹೆಸರನ್ನು ಸೆಪ್ಟಂಬರ್‌ 21ರಂದು ಘೋಷಿಸಲಾಗುತ್ತದೆ. ವಿಜೇತರು ದೊಡ್ಡ ಮೊತ್ತದ ವಿದ್ಯಾರ್ಥಿವೇತನ ಪಡೆಯಲಿದ್ದಾರೆ. ಸ್ಪರ್ಧೆಗೆ 190 ದೇಶಗಳ 12,000 ಕ್ಕೂ ಹೆಚ್ಚು ಮಂದಿ ಹೆಸರು ನೋಂದಾಯಿಸಿದ್ದರು.