ಬೆಂಗಳೂರು: ಮನೆಯ ಟೆರೇಸ್‌ನಲ್ಲಿ ಹೂವಿನ ಕುಂಡದೊಂದಿಗೆ ಗಾಂಜಾ ಬೆಳೆಯುತ್ತಿದ್ದ ಖತರ್ನಾಕ್ ಬಂಧನ

ಬೆಂಗಳೂರು: ಹೂವು ಮತ್ತು ಅಲಂಕಾರಿಕ ಗಿಡಗಳ ನಡುವೆ ಗಾಂಜಾ ಸೊಪ್ಪಿನ ಗಿಡಗಳನ್ನು ಬೆಳೆದಿದ್ದ ಕಿರೀಟ್‌ ಚಕ್ರವರ್ತಿ ಎಂಬಾತನನ್ನು ಹೆಬ್ಬಾಳ ಪೊಲೀಸರು ಬಂಧಿಸಿದ್ದಾರೆ. ರೇಸ್‌ಕೋರ್ಸ್‌ನಲ್ಲಿ ಕೆಲಸ ಮಾಡುತ್ತಿದ್ದ ಚಕ್ರವರ್ತಿ, ಗಾಂಜಾ ವ್ಯಸನಿಯಾಗಿದ್ದ. ಪತ್ನಿಯಿಂದ ದೂರವಾಗಿ ಹೆಬ್ಬಾಳದಲ್ಲಿ ವಾಸವಿದ್ದ.

ಗಾಂಜಾ ಸೇವನೆ ಜೊತೆಗೆ ಟೆರೇಸ್‌ ಮೇಲೆ ಗಿಡಗಳ ಜೊತೆಗೆ ಗಾಂಜಾ ಗಿಡ ಹಾಕಿದ್ದ. ಕೆಲ ವಾರಗಳ ಹಿಂದೆ ಚಕ್ರವರ್ತಿಯ ಸಂಬಂಧಿಯೊಬ್ಬರು ಮನೆಗೆ ಹೋಗಿದ್ದರು. ಆತನ ಗಾಂಜಾ ವ್ಯಸನದ ಬಗ್ಗೆಯೂ ತಿಳಿದಿದ್ದರು. ಟೆರೇಸ್‌ ಮೇಲೆ ಹೋಗಿದ್ದಾಗಿ ಗಾಂಜಾ ಗಿಡಗಳು ಕಾಣಿಸಿವೆ. ಅವರೇ ಪೊಲೀಸರಿಗೆ ದೂರು ನೀಡಿದ್ದರು. ಪ್ರಕರಣ ದಾಖಲಿಸಿಕೊಂಡ ಪೊಲೀಸರು, ಆರೋಪಿಯನ್ನು ಬಂಧಿಸಿದ್ದಾರೆ.

ಮತ್ತೊಂದು ಪ್ರಕರಣ: 6 ಕೆ.ಜಿ ಗಾಂಜಾ ಜಪ್ತಿ!
ಗಾಂಜಾ ಮಾರುತ್ತಿದ್ದ ಇಬ್ಬರು ಆರೋಪಿಗಳನ್ನು ಬಂಧಿಸಿರುವ ಇಂದಿರಾನಗರ ಪೊಲೀಸರು, 1.20 ಲಕ್ಷ ರೂ. ಮೌಲ್ಯದ 6 ಕೆ.ಜಿ. ಗಾಂಜಾ ಮತ್ತು 2 ಮೊಬೈಲ್‌ ಫೋನ್‌ ವಶಪಡಿಸಿಕೊಂಡಿದ್ದಾರೆ. ಇಂದಿರಾನಗರ 100 ಅಡಿ ರಸ್ತೆ ಹಾಪ್‌ಕಾಮ್ಸ್‌ ಸಮೀಪ ಗಾಂಜಾ ಮಾರುತ್ತಿರುವ ಮಾಹಿತಿ ಆಧರಿಸಿ ಸ್ಥಳಕ್ಕೆ ತೆರಳಿದ ಪೊಲೀಸರು.

ಡಿಸೆಂಬರ್‌ 21ರಂದು ಯಶವಂತಪುರ ಎಪಿಎಂಸಿ ಬಂದ್‌ಗೆ ಕಾರ್ಮಿಕರ ಒಕ್ಕೂಟ ನಿರ್ಧಾರ

ಛತ್ತೀಸ್‌ಗಢದ ಪಾಲಾಶ್‌ ಕುಮಾರ್‌(23) ಮತ್ತು ಮುರುಗೇಶಪಾಳ್ಯದ ಸಿದ್ಧಾರ್ಥ (27) ಎಂಬುವರನ್ನು ಬಂಧಿಸಿದ್ದಾರೆ. ಸ್ಯಾಂಡಲ್‌ವುಡ್‌ ಡ್ರಗ್ಸ್‌ ಪ್ರಕರಣ ಬೆಳಕಿಗೆ ಬಂದ ನಂತರ ಕೋಟಿ ಮೌಲ್ಯದ ಮಾದಕ ವಸ್ತುಗಳನ್ನು ಪೊಲೀಸರು ವಶಕ್ಕೆ ಪಡೆದಿದ್ದಾರೆ. ಮಾದಕ ವ್ಯಸನಿಗಳು ಹಾಗೂ ವಸ್ತುಗಳ ಮೇಲೆ ಪೊಲೀಸರು ತೀವ್ರ ನಿಗಾ ಇರಿಸಿದ್ದಾರೆ.