ಬೆಂಗಳೂರು: ಫೇಸ್‌ಬುಕ್, ಇನ್‌ಸ್ಟಾ ಗ್ರಾಂ ಸೇರಿದಂತೆ ಯಾವುದೇ ಸಾಮಾಜಿಕ ಜಾಲತಾಣಗಳಲ್ಲಿ ಚಾಟ್ ಮಾಡುವಾಗ, ವಿಡಿಯೋ ಕಾಲ್ ಮಾಡುವಾಗ ಎಚ್ಚರಿಕೆ ವಹಿಸಿ ಎಂದು ಪೊಲೀಸರು ಹಾಗೂ ಸೈಬರ್ ಕ್ರೈಂ ಪರಿಣಿತರು ಎಷ್ಟೇ ಬುದ್ದಿವಾದ ಹೇಳಿದರೂ ಜನರಿಗೆ ಅರ್ಥವಾದಂತೆ ಕಾಣುತ್ತಿಲ್ಲ. ಮೇಲಿಂದ ಮೇಲೆ ಈ ರೀತಿಯ ಪ್ರಕರಣಗಳು ವರದಿಯಾಗುತ್ತಲೇ ಇವೆ. ಅದರಲ್ಲೂ ಹನಿಟ್ರಾಪ್‌ ಹಾಗೂ ಲೈಂಗಿಕ ಸುಲಿಗೆ ಪ್ರಕರಣಗಳಿಗೆ ಕಡಿವಾಣವೇ ಇಲ್ಲದಂತಾಗಿದೆ. ಬಹುತೇಕ ಸಂದರ್ಭಗಳಲ್ಲಿ ಮೋಸ ಹೋದವರು ಮರ್ಯಾದೆಗೆ ಅಂಜಿ ಪೊಲೀಸರಿಗೆ ದೂರು ನೀಡೋದೇ ಇಲ್ಲ. ಜನತೆಯ ಈ ದೌರ್ಬಲ್ಯವೇ ದುಷ್ಟರಿಗೆ ವರದಾನವಾಗಿದೆ. ಅಂಥದ್ದೇ ಮತ್ತೊಂದು ಪ್ರಕರಣ ಇದೀಗ ಬೆಂಗಳೂರಿನಲ್ಲಿ ವರದಿಯಾಗಿದೆ.
ಬೆಂಗಳೂರಿನ ಗೊಟ್ಟಿಗೆರೆ ನಿವಾಸಿ ಬಿ ಕಾಂ ವಿದ್ಯಾರ್ಥಿ 23 ವರ್ಷ ವಯಸ್ಸಿನ ವಿಷ್ಣು ಅಲಿಯಾಸ್ ರುತೀಕ್ ಈ ಪ್ರಕರಣದ ಮಾಸ್ಟರ್ ಮೈಂಡ್! ಈತ ತನ್ನ ಸಹಪಾಠಿ ಶಶಾಂಕ್ ಎಂಬಾತನನ್ನು ಹನಿ ಟ್ರ್ಯಾಪ್‌ನ ಬಲೆಗೆ ಬೀಳಿಸಲು ಸಂಚು ರೂಪಿಸಿದ್ದ. ಹಣ, ಒಡವೆ, ಐಫೋನ್ ಸೇರಿದಂತೆ ಬೆಲೆ ಬಾಳುವ ವಸ್ತುಗಳನ್ನು ಹೊಂದಿದ್ದ ಶಶಾಂಕ್‌ನ ಮೇಲೆ ಬಹಳ ದಿನಗಳಿಂದ ಕಣ್ಣಿಟ್ಟಿದ್ದ ಆರೋಪಿ ವಿಷ್ಣು, ಆತನನ್ನು ಹನಿಟ್ರ್ಯಾಪ್ ಬಲೆಗೆ ಕೆಡವಲು ತನ್ನ ಗೆಳತಿಯ ನೆರವು ಕೋರಿದ!
ವಿಷ್ಣು ಗೆಳೆತಿ ಶಶಾಂಕ್‌ಗೆ ಇನ್‌ಸ್ಟಾ ಗ್ರಾಂ ಮೂಲಕ ಉದ್ರೇಕಕಾರಿ ಮೆಸೇಜ್‌ಗಳನ್ನು ಮಾಡಿ ಆತನನ್ನು ತನ್ನ ಬಲೆಗೆ ಬೀಳಿಸಿಕೊಂಡಳು. ಬನ್ನೇರುಘಟ್ಟ ರಾಷ್ಟ್ರೀಯ ಉದ್ಯಾನವನಕ್ಕೆ ಬರಲು ಶಶಾಂಕ್‌ಗೆ ಆಹ್ವಾನಿಸಿದಳು. ಆಕೆಯ ಆಹ್ವಾನದ ಮೇರೆಗೆ ಆಕೆಯನ್ನು ಸೇರುವ ತವಕದಲ್ಲಿ ಶಶಾಂಕ್ ಬನ್ನೇರುಘಟ್ಟ ಝೂ ಬಳಿಯ ನಿರ್ಜನ ಪ್ರದೇಶಕ್ಕೆ ಬಂದಾಗ ವಿಷ್ಣು ತನ್ನ ನಾಲ್ವರು ಗೆಳೆಯರ ಮೂಲಕ ಶಶಾಂಕ್ ಮೇಲೆ ದಾಳಿ ನಡೆಸಿದ್ದ. ದೊಣ್ಣೆಗಳಿಂದ ಶಶಾಂಕ್ ಮೇಲೆ ಹಲ್ಲೆ ನಡೆಸಿದ ವಿಷ್ಣು ಮತ್ತು ಆತನ ಸಹಚರರು, ಶಶಾಂಕ್ ಬಳಿ ಇದ್ದ ಹಣ, ಮೊಬೈಲ್ ಫೋನ್, ಚಿನ್ನಾಭರಣ ಸಮೇತ ಹಲವು ಬೆಲೆ ಬಾಳುವ ವಸ್ತುಗಳನ್ನು ದೋಚಿದರು ಎಂದು ಪೊಲೀಸರಿಗೆ ದೂರು ನೀಡಲಾಗಿತ್ತು.
ಕೂಡಲೇ ಕಾರ್ಯಾಚರಣೆ ನಡೆಸಿದ ಪೊಲೀಸರು ಶಶಾಂಕ್‌ನಿಂದ ವಿಷ್ಣು ಹಾಗೂ ಆತನ ಸಹಚರರು ದೋಚಿದ್ದ ಚಿನ್ನಾಭರಣ, ಐಫೋನ್ ಹಾಗೂ ಹಣವನ್ನು ವಶಕ್ಕೆ ಪಡೆದಿದ್ದಾರೆ. ಐಫೋನ್ ಜೊತೆಯಲ್ಲಿ 68 ಗ್ರಾಂ ತೂಕದ ಚಿನ್ನಾಭರಣವನ್ನು ದುಷ್ಕರ್ಮಿಗಳು ದೋಚಿದ್ದರು. ಕಿವಿಯೋಲೆ, ಉಂಗುರ, ಚಿನ್ನದ ಸರವನ್ನು ದೋಚಿದ್ದ ದುಷ್ಕರ್ಮಿಗಳು ಶಶಾಂಕ್‌ನ ಬೈಕ್ ಕೂಡಾ ತೆಗೆದುಕೊಂಡು ಪರಾರಿಯಾಗಿದ್ದರು. ಇದೀಗ ಅವೆಲ್ಲವನ್ನೂ ವಶಕ್ಕೆ ಪಡೆದಿರುವ ಪೊಲೀಸರು, ಆರೋಪಿ ಬಳಿ ಇದ್ದ ಸ್ಕೂಟರ್ ಅನ್ನೂ ವಶಕ್ಕೆ ಪಡೆದಿದ್ದಾರೆ.
ವಿಷ್ಣು ಜೊತೆಗೆ ಇದ್ದ ಆರೋಪಿಗಳ ಮಾಹಿತಿಯನ್ನೂ ಪೊಲೀಸರು ಮಾಧ್ಯಮಗಳಿಗೆ ನೀಡಿದ್ದಾರೆ. ಜೆಪಿ ನಗರದಲ್ಲಿ ಎಸಿ ಟೆಕ್ನೀಶಿಯನ್ ಆಗಿರುವ 22 ವರ್ಷ ವಯಸ್ಸಿನ ಮೊಹಮ್ಮದ್ ಆಸೀಫ್, ಬೊಮ್ಮನಹಳ್ಳಿ ನಿವಾಸಿ ವಾಹನಗಳ ಮೆಕಾನಿಕ್ 20 ವರ್ಷ ವಯಸ್ಸಿನ ಯಾಸಿನ್ ಪಾಶಾ ಹಾಗೂ ಡಿಲೆವರಿ ಬಾಯ್ ಆಗಿದ್ದ 21 ವರ್ಷ ವಯಸ್ಸಿನ ಸಮೀರ್ ಅಲಿಯಾಸ್ ಇರ್ಫಾನ್‌ನನ್ನು ಪೊಲೀಸರು ವಶಕ್ಕೆ ಪಡೆದಿದ್ದಾರೆ.
ತನ್ನ ಸಹಪಾಠಿಯಾಗಿದ್ದ ವ್ಯಕ್ತಿಯೇ ಯುವತಿಯೊಬ್ಬಳನ್ನು ಬಳಸಿಕೊಂಡು ತನ್ನ ಮೇಲೆ ದಾಳಿ ಮಾಡಿದ ವಿಚಾರ ತಿಳಿದು ಶಶಾಂಕ್ ಶಾಕ್‌ನಲ್ಲಿದ್ದಾನೆ!
ಸುಲಿಗೆ ಮಾಡಲು ಸ್ನೇಹಿತೆಯನ್ನು ಬಳಸಿಕೊಂಡ ದುಷ್ಟ!
ಬೆಂಗಳೂರಿನ ಗೊಟ್ಟಿಗೆರೆ ನಿವಾಸಿ ಬಿ ಕಾಂ ವಿದ್ಯಾರ್ಥಿ 23 ವರ್ಷ ವಯಸ್ಸಿನ ವಿಷ್ಣು ಅಲಿಯಾಸ್ ರುತೀಕ್ ಈ ಪ್ರಕರಣದ ಮಾಸ್ಟರ್ ಮೈಂಡ್! ಈತ ತನ್ನ ಸಹಪಾಠಿ ಶಶಾಂಕ್ ಎಂಬಾತನನ್ನು ಹನಿ ಟ್ರ್ಯಾಪ್‌ನ ಬಲೆಗೆ ಬೀಳಿಸಲು ಸಂಚು ರೂಪಿಸಿದ್ದ. ಹಣ, ಒಡವೆ, ಐಫೋನ್ ಸೇರಿದಂತೆ ಬೆಲೆ ಬಾಳುವ ವಸ್ತುಗಳನ್ನು ಹೊಂದಿದ್ದ ಶಶಾಂಕ್‌ನ ಮೇಲೆ ಬಹಳ ದಿನಗಳಿಂದ ಕಣ್ಣಿಟ್ಟಿದ್ದ ಆರೋಪಿ ವಿಷ್ಣು, ಆತನನ್ನು ಹನಿಟ್ರ್ಯಾಪ್ ಬಲೆಗೆ ಕೆಡವಲು ತನ್ನ ಗೆಳತಿಯ ನೆರವು ಕೋರಿದ!
ವಿಷ್ಣು ಗೆಳೆತಿ ಶಶಾಂಕ್‌ಗೆ ಇನ್‌ಸ್ಟಾ ಗ್ರಾಂ ಮೂಲಕ ಉದ್ರೇಕಕಾರಿ ಮೆಸೇಜ್‌ಗಳನ್ನು ಮಾಡಿ ಆತನನ್ನು ತನ್ನ ಬಲೆಗೆ ಬೀಳಿಸಿಕೊಂಡಳು. ಬನ್ನೇರುಘಟ್ಟ ರಾಷ್ಟ್ರೀಯ ಉದ್ಯಾನವನಕ್ಕೆ ಬರಲು ಶಶಾಂಕ್‌ಗೆ ಆಹ್ವಾನಿಸಿದಳು. ಆಕೆಯ ಆಹ್ವಾನದ ಮೇರೆಗೆ ಆಕೆಯನ್ನು ಸೇರುವ ತವಕದಲ್ಲಿ ಶಶಾಂಕ್ ಬನ್ನೇರುಘಟ್ಟ ಝೂ ಬಳಿಯ ನಿರ್ಜನ ಪ್ರದೇಶಕ್ಕೆ ಬಂದಾಗ ವಿಷ್ಣು ತನ್ನ ನಾಲ್ವರು ಗೆಳೆಯರ ಮೂಲಕ ಶಶಾಂಕ್ ಮೇಲೆ ದಾಳಿ ನಡೆಸಿದ್ದ. ದೊಣ್ಣೆಗಳಿಂದ ಶಶಾಂಕ್ ಮೇಲೆ ಹಲ್ಲೆ ನಡೆಸಿದ ವಿಷ್ಣು ಮತ್ತು ಆತನ ಸಹಚರರು, ಶಶಾಂಕ್ ಬಳಿ ಇದ್ದ ಹಣ, ಮೊಬೈಲ್ ಫೋನ್, ಚಿನ್ನಾಭರಣ ಸಮೇತ ಹಲವು ಬೆಲೆ ಬಾಳುವ ವಸ್ತುಗಳನ್ನು ದೋಚಿದರು ಎಂದು ಪೊಲೀಸರಿಗೆ ದೂರು ನೀಡಲಾಗಿತ್ತು.
ಕೂಡಲೇ ಕಾರ್ಯಾಚರಣೆ ನಡೆಸಿದ ಪೊಲೀಸರು ಶಶಾಂಕ್‌ನಿಂದ ವಿಷ್ಣು ಹಾಗೂ ಆತನ ಸಹಚರರು ದೋಚಿದ್ದ ಚಿನ್ನಾಭರಣ, ಐಫೋನ್ ಹಾಗೂ ಹಣವನ್ನು ವಶಕ್ಕೆ ಪಡೆದಿದ್ದಾರೆ. ಐಫೋನ್ ಜೊತೆಯಲ್ಲಿ 68 ಗ್ರಾಂ ತೂಕದ ಚಿನ್ನಾಭರಣವನ್ನು ದುಷ್ಕರ್ಮಿಗಳು ದೋಚಿದ್ದರು. ಕಿವಿಯೋಲೆ, ಉಂಗುರ, ಚಿನ್ನದ ಸರವನ್ನು ದೋಚಿದ್ದ ದುಷ್ಕರ್ಮಿಗಳು ಶಶಾಂಕ್‌ನ ಬೈಕ್ ಕೂಡಾ ತೆಗೆದುಕೊಂಡು ಪರಾರಿಯಾಗಿದ್ದರು. ಇದೀಗ ಅವೆಲ್ಲವನ್ನೂ ವಶಕ್ಕೆ ಪಡೆದಿರುವ ಪೊಲೀಸರು, ಆರೋಪಿ ಬಳಿ ಇದ್ದ ಸ್ಕೂಟರ್ ಅನ್ನೂ ವಶಕ್ಕೆ ಪಡೆದಿದ್ದಾರೆ.
ವಿಷ್ಣು ಜೊತೆಗೆ ಇದ್ದ ಆರೋಪಿಗಳ ಮಾಹಿತಿಯನ್ನೂ ಪೊಲೀಸರು ಮಾಧ್ಯಮಗಳಿಗೆ ನೀಡಿದ್ದಾರೆ. ಜೆಪಿ ನಗರದಲ್ಲಿ ಎಸಿ ಟೆಕ್ನೀಶಿಯನ್ ಆಗಿರುವ 22 ವರ್ಷ ವಯಸ್ಸಿನ ಮೊಹಮ್ಮದ್ ಆಸೀಫ್, ಬೊಮ್ಮನಹಳ್ಳಿ ನಿವಾಸಿ ವಾಹನಗಳ ಮೆಕಾನಿಕ್ 20 ವರ್ಷ ವಯಸ್ಸಿನ ಯಾಸಿನ್ ಪಾಶಾ ಹಾಗೂ ಡಿಲೆವರಿ ಬಾಯ್ ಆಗಿದ್ದ 21 ವರ್ಷ ವಯಸ್ಸಿನ ಸಮೀರ್ ಅಲಿಯಾಸ್ ಇರ್ಫಾನ್‌ನನ್ನು ಪೊಲೀಸರು ವಶಕ್ಕೆ ಪಡೆದಿದ್ದಾರೆ.
ತನ್ನ ಸಹಪಾಠಿಯಾಗಿದ್ದ ವ್ಯಕ್ತಿಯೇ ಯುವತಿಯೊಬ್ಬಳನ್ನು ಬಳಸಿಕೊಂಡು ತನ್ನ ಮೇಲೆ ದಾಳಿ ಮಾಡಿದ ವಿಚಾರ ತಿಳಿದು ಶಶಾಂಕ್ ಶಾಕ್‌ನಲ್ಲಿದ್ದಾನೆ!