ರಾಜಧಾನಿಯಲ್ಲಿ ಮತ್ತೆ ಡ್ರಗ್ ಸುದ್ದಿ, 1.39 ಕೋಟಿ ರೂ. ಮೌಲ್ಯದ ಡ್ರಗ್ಸ್ ಜತೆ 27.50 ಲಕ್ಷ ರೂ. ನಗದು ಜಪ್ತಿ!

ಬೆಂಗಳೂರು: ವಿದೇಶದಿಂದ ಮಾದಕವಸ್ತುಗಳನ್ನು ತರಿಸಿಕೊಂಡು ಅಂಚೆ ಮೂಲಕ ಸ್ಥಳೀಯವಾಗಿ ಡೆಲಿವರಿ ನೀಡುತ್ತಿದ್ದ ಮಾದಕವಸ್ತು ಜಾಲ ಪತ್ತೆ ಹಚ್ಚಿರುವ ಕುಮಾರಸ್ವಾಮಿ ಲೇಔಟ್‌ ಪೊಲೀಸರು, 1.39 ಕೋಟಿ ರೂ. ಮೌಲ್ಯದ ಎಲ್‌.ಎಸ್‌.ಡಿ. ಸ್ಟ್ರಿಫ್ಸ್‌ ಮತ್ತು 27.50 ಲಕ್ಷ ರೂ. ನಗದು ಜಪ್ತಿ ಮಾಡಿದ್ದಾರೆ.

ಬಿಟಿಎಂ ಲೇಔಟ್‌ ನಿವಾಸಿ ರಾಹುಲ್‌ ತುಳಸಿರಾಮ್‌ ಶರ್ಮಾ (28) ಹಾಗೂ ತಮಿಳುನಾಡಿನ ಸೇಲಂ ಮೂಲದ ಸಿ.ಬಾಲಾಜಿ (48) ಬಂಧಿತ ಆರೋಪಿಗಳು. ಜ.18ರಂದು ಕುಮಾರಸ್ವಾಮಿ ಲೇಔಟ್‌ನ ದಯಾನಂದ ಸಾಗರ್‌ ಆಸ್ಪತ್ರೆ ಬಳಿ ಮಾದಕವಸ್ತು ಮಾರಾಟಕ್ಕೆ ಬಂದಿರುವ ಮಾಹಿತಿ ಆಧರಿಸಿ ರಾಹುಲ್‌ನನ್ನು ಬಂಧಿಸಲಾಗಿತ್ತು. ಈತ ನೀಡಿದ ಮಾಹಿತಿ ಆಧರಿಸಿ ಬಾಲಾಜಿಯನ್ನು ಬಂಧಿಸಿ 1.39 ಕೋಟಿ ರೂ. ಮೌಲ್ಯದ 9,310 ಎಲ್‌.ಎಸ್‌.ಡಿ ಸ್ಟ್ರಿಫ್ಸ್‌, ಮಾದಕವಸ್ತು ಮಾರಾಟ ಮಾಡಿ ಗಳಿಸಿದ 27.50 ಲಕ್ಷ ರೂ. ನಗದು, ಗ್ರಾಹಕರ ಸಂಪರ್ಕಕ್ಕೆ ಬಳಸುತ್ತಿದ್ದ ಮೊಬೈಲ್‌ ಫೋನ್‌ಗಳು ಮತ್ತು ಲ್ಯಾಪ್‌ಟಾಪ್‌ಗಳನ್ನು ವಶಪಡಿಸಿಕೊಳ್ಳಲಾಗಿದೆ ಎಂದು ದಕ್ಷಿಣ ವಿಭಾಗದ ಡಿಸಿಪಿ ಹರೀಶ್‌ ಕುಮಾರ್‌ ಪಾಂಡೆ ತಿಳಿಸಿದರು.

ವೃತ್ತಿಪರ ಕೋರ್ಸ್‌ ಮಾಡಲೆಂದು ಬೆಂಗಳೂರಿಗೆ ಬಂದಿದ್ದ ರಾಹುಲ್‌ ಅರ್ಧಕ್ಕೇ ಶಿಧಿಕ್ಷಣ ನಿಲ್ಲಿಸಿದ್ದ. ಈ ವೇಳೆ ತಮಿಳುನಾಡು ಮೂಲದ ವೃತ್ತಿಪರ ಡ್ರಗ್ಸ್‌ ಮಾರಾಟಗಾರ ಬಾಲಾಜಿ ಸಂಪರ್ಕಕ್ಕೆ ಬಂದಿದ್ದ. ಇಬ್ಬರು ಸೇರಿ ವಿದೇಶದಿಂದ ಡ್ರಗ್ಸ್‌ಗಳನ್ನು ಬೆಂಗಳೂರಿಗೆ ಪೋಸ್ಟ್‌ ಮೂಲಕ ತರಿಸಿಕೊಳ್ಳುತ್ತಿದ್ದರು ಎಂದು ಪೊಲೀಸ್‌ ಅಧಿಕಾರಿ ತಿಳಿಸಿದರು.

ಸ್ಯಾಂಡಲ್‌ವುಡ್‌ ಡ್ರಗ್ಸ್‌ ಪ್ರಕರಣ: ನಟಿ ರಾಗಿಣಿಗೆ ಸುಪ್ರೀಂ ಕೋರ್ಟ್‌ನಿಂದ ಕಡೆಗೂ ಸಿಕ್ತು ಜಾಮೀನು!

ಹಳೆ ಆರೋಪಿಯಾಗಿರುವ ಬಂಧಿತ ಆರೋಪಿ ರಾಹುಲ್‌ ಕಳೆದ ವರ್ಷವೂ ಮಾದಕವಸ್ತು ಮಾರಾಟ ದಂಧೆಯಲ್ಲಿಭಾಗಿಯಾಗಿದ್ದ. ಈ ಸಂಬಂಧ ಕೋಣನಕುಂಟೆ ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

ಬಗೆದಷ್ಟು ಬಯಲಾಗ್ತಿವೆ ಹ್ಯಾಕರ್‌ ಶ್ರೀಕೃಷ್ಣನ ಲೀಲೆ..! ಸಿಸಿಬಿಯಿಂದ 9 ಕೋಟಿ ರೂ. ಮೌಲ್ಯದ ಬಿಟ್‌ಕಾಯಿನ್‌ ವಶ

ವಾಸನೆ ಇಲ್ಲದ ಕಾರಣ ಅನುಮಾನ ಬಾರದು
ಎಲ್‌.ಎಸ್‌.ಡಿ ಸ್ಟ್ರಿಫ್ಸ್‌ ಪೇಪರ್‌ನಂತಿದ್ದು, ವಾಸನೆ ಬರುವುದಿಲ್ಲ. ತೆಳ್ಳಗಿರುವ ಕಾರಣ ಅದನ್ನು ಪೇಪರ್‌ ಪಾರ್ಸೆಲ್‌ ಹೆಸರಿನಲ್ಲಿಗ್ರಾಹಕರಿಗೆ ಪೋಸ್ಟ್‌ ಮೂಲಕ ಕಳುಹಿಸಿ ಮಾರಾಟ ಮಾಡಲಾಗುತ್ತಿತ್ತು.

ಡ್ರಗ್‌ ಪೆಡ್ಲರ್‌ ವಿರೇನ್‌ ಖನ್ನಾಗೆ ಹೈಕೋರ್ಟ್‌ನಿಂದ ಜಾಮೀನು; ಆದರೆ ಜೈಲೇ ಗತಿ..!

ಇನ್‌ಸ್ಟಾಗ್ರಾಂ ಮುಂತಾದ ಜಾಲತಾಣಗಳ ಮೂಲಕ ಗ್ರಾಹಕರನ್ನು ಸಂಪರ್ಕಿಸುತ್ತಿದ್ದ ಆರೋಪಿಗಳು, ಆನ್‌ಲೈನ್‌ ಮೂಲಕ ಹಣ ಕಟ್ಟಿಸಿಕೊಂಡು ಎಲ್‌.ಎಸ್‌.ಡಿ ಸ್ಟ್ರಿಫ್ಸ್‌ಗಳನ್ನು ಅಂಚೆ ಮೂಲಕ ಕಳುಹಿಸುತ್ತಿದ್ದರು. ಗ್ರಾಹಕರು ಆನ್‌ಲೈನ್‌ನಲ್ಲಿಅನುಮಾನಗೊಂಡರೆ ನೇರವಾಗಿ ತೆರಳಿ ಹಣ ಪಡೆದು ಡ್ರಗ್ಸ್‌ ನೀಡುತ್ತಿದ್ದರು ಎಂದು ಹರೀಶ್‌ಕುಧಿಮಾಧಿರ್‌ ಪಾಂಡೆ ತಿಳಿಸಿದರು.

ಬೆಂಗಳೂರು: ಹೊಸ ವರ್ಷಕ್ಕೆ ನಶೆ ಏರಿಸಲು ತಂದಿದ್ದ 1 ಕೋಟಿ ರೂ. ಮೌಲ್ಯದ ಡ್ರಗ್ಸ್‌ ವಶ

ಜಾಲತಾಣಗಳ ಮೂಲಕ ಡ್ರಗ್ಸ್‌ ವ್ಯವಹಾರ ನಡೆಯುತ್ತಿದೆ. ದಂಧೆಯಲ್ಲಿರುವವರ ಕುರಿತು ಜಾಲತಾಣಗಳು ಮತ್ತು ವೆಬ್‌ಸೈಟ್‌ಗಳು ನಾವು ಕೋರುವ ಮಾಹಿತಿಯನ್ನು ಶೀಘ್ರದಲ್ಲಿಹಂಚಿಕೊಂಡರೆ ಬೇಗ ಪ್ರಕರಣಗಳನ್ನು ಪತ್ತೆ ಮಾಡಬಹುದು ಎಂದು ಪಾಂಡೆ ಮಧಿನವಿ ಮಾಡಿದರು.

ಜಾಲತಾಣಗಳ ಮೂಲಕ ಡ್ರಗ್ಸ್‌ ಮಾರಾಟ, ಖರೀದಿ ವ್ಯವಹಾರ ನಡೆಯುತ್ತಿದೆ. ಆರೋಪಿಗಳ ಕುಧಿರಿತು ಮಾಹಿತಿ ಕೋರಿ ಪತ್ರ ಬರೆದಾಗ ಜಾಲತಾಣ ಕಂಪನಿಗಳು ಶೀಘ್ರದಲ್ಲೇ ಸ್ಪಂದಿಸಿದರೆ ಡ್ರಗ್ಸ್‌ ಜಾಲ ನಿಯಂತ್ರಿಸಬಹುದು.
- ಹರೀಶ್‌ ಕುಮಾರ್‌ ಪಾಂಡೆ, ಡಿಸಿಪಿ ದಕ್ಷಿಣ ವಿಭಾಗ