ಒಬ್ಬರಿಗೆ ಎರಡೆರಡು ಸ್ಮಾರ್ಟ್‌ ಕಾರ್ಡ್‌: ''ನಮ್ಮ ಮೆಟ್ರೋ ಪ್ರಾರಂಭವಾದಾಗ ಪ್ರಯಾಣಿಕರು ತಲುಪಬೇಕಾದ ಸ್ಥಳವನ್ನು ಬೇಗ ತಲುಪಬಹುದು ಎಂದು ಮೆಟ್ರೋ ಪ್ರಯಾಣದ ಮೊರೆ ಹೋದೆವು. ಪ್ರಾರಂಭದಲ್ಲಿ ಹೊಸ ಕಾರ್ಡ್‌ ಖರೀದಿಸಿ ಪೋನ್‌ ಪೇ ಮೂಲಕ ರಿಚಾರ್ಜ್ ಮಾಡಿಕೊಂಡಿದ್ದೆ. ಮರುದಿನ ಮತ್ತೆ ರಿಚಾರ್ಜ್ ಮಾಡಲಾಗುತ್ತಿಲ್ಲ. ಕೆಲಸಕ್ಕೆ ತೆರಳಬೇಕಾಗಿರುವುದರಿಂದ ವಿಧಿ ಇಲ್ಲದೆ ಹೊಸ ಕಾರ್ಡ್‌ಕೊಳ್ಳಬೇಕಾಗಿ ಬಂದಿತು. ಇದರಿಂದಾಗಿ ನನ್ನಲ್ಲಿ ಎರಡು ಸ್ಮಾರ್ಟ್‌ ಕಾರ್ಡ್‌ ಇದೆ'' ಎಂದು ಐಟಿ ಉದ್ಯೋಗಿ ಕುಮಾರ್‌ ಹೇಳಿದರು.
''ಮೊಬೈಲ್‌ನ ತಾಂತ್ರಿಕತೆ ಬಗ್ಗೆ ಅಷ್ಟಾಗಿ ತಿಳಿದಿಲ್ಲದ ಕಾರಣ ಎರಡು ಮೂರು ದಿನಗಳ ಹಿಂದೆ ಮೆಟ್ರೊ ಸಿಬ್ಬಂದಿಗೆ ಮೊಬೈಲ್‌ ನೀಡಿ ಡಿಜಿಟಲ್‌ ಆ್ಯಪ್ ಮೂಲಕ ಸ್ಮಾರ್ಟ್‌ಕಾರ್ಡ್‌ ರಿಚಾರ್ಜ್ ಮಾಡಿಸಿಕೊಂಡಿದ್ದೆ. ಇಂದು ಬೇರೆಯವರ ಸಹಾಯ ಪಡೆದು ಬಿಎಂಆರ್‌ಸಿಎಲ್‌ ವೆಬ್‌ಸೈಟ್‌ ಮೂಲಕ ರಿಚಾರ್ಜ್ ಮಾಡಿಸಲು ಯತ್ನಿಸಿದೆ. ಆದರೆ, ಸರ್ವರ್‌ ಸಮಸ್ಯೆಯಿಂದ ಆಗಲಿಲ್ಲ. ಹಾಗಾಗಿ ಮೊಬೈಲ್‌ ಅನ್ನು ಮೆಟ್ರೊ ಸಿಬ್ಬಂದಿಗೆ ನೀಡಿ ರಿಚಾರ್ಜ್ ಮಾಡಿಕೊಡಿ ಎಂದರೆ ಹಳೇ ಕಾರ್ಡ್‌ ರಿಚಾರ್ಜ್ ಮಾಡಲಾಗುವುದಿಲ್ಲ ಎಂದು ಹೇಳುತ್ತಿದ್ದಾರೆ'' ಎಂದು ನಿವೃತ್ತ ಗುಮಾಸ್ತ
ರಾಮಕೃಷ್ಣ ದೂರಿದರು.
ನೆಟ್‌ವರ್ಕ್ ಸಮಸ್ಯೆ:
ನ್ಯಾಷನಲ್‌ ಕಾಲೇಜ್‌, ಸಿಟಿ ಮಾರ್ಕೆಟ್‌, ಚಿಕ್ಕಪೇಟೆ, ಮಂತ್ರಿಮಾಲ್‌ ಸೇರಿದಂತೆ ಅನೇಕ ಮೆಟ್ರೋ ನಿಲ್ದಾಣಗಳಲ್ಲಿ ಬಹುತೇಕ ಮೊಬೈಲ್‌ ನೆಟ್‌ವರ್ಕ್ ಸರಿಯಾಗಿ ಸಿಗುತ್ತಿಲ್ಲ. ನಗದು ಹಣ ಕೊಟ್ಟು ಟೋಕನ್‌ ಖರೀದಿಗೆ ಅವಕಾಶ ಇಲ್ಲದ ಕಾರಣ, ಸ್ಮಾರ್ಟ್‌ಕಾರ್ಡ್‌ನಲ್ಲಿ ಹಣ ಇಲ್ಲದಿದ್ದರೆ ಪ್ರಯಾಣಿಸಲಾಗುವುದಿಲ್ಲ. ಅದರಲ್ಲೂ ರಾತ್ರಿ ವೇಳೆ ಮೆಟ್ರೋ ರೈಲನ್ನೇ ನೆಚ್ಚಿಕೊಂಡು ಬರುವ ಪ್ರಯಾಣಿಕರು ರಿಚಾರ್ಜ್, ನೆಟ್‌ವರ್ಕ್ ಸಮಸ್ಯೆಗೆ ಸಿಲುಕಿ ದಿಕ್ಕುತೋಚದಂತಾಗಿ ನಿಲ್ಲುತ್ತಾರೆ.
ನಮ್ಮ ಮೆಟ್ರೋ ಪ್ರಯಾಣಿಕರೇ ಗಮನಿಸಿ : ಸ್ಮಾರ್ಟ್‌ಪೋನ್‌ ಇಲ್ಲದವರಿಗೆ ಪ್ರಯಾಣಕ್ಕೆ ತೊಂದರೆ!
ಪ್ರಯಾಣಿಕರಿಗೆ ಹೊರೆ :
ಒಂದು ಸ್ಮಾರ್ಟ್‌ಕಾರ್ಡ್‌ ಖರೀದಿಸಬೇಕೆಂದರೆ ನೂರು ರೂಪಾಯಿಗಿಂತ ಹೆಚ್ಚು ಖರ್ಚು ಮಾಡಬೇಕಾಗುತ್ತದೆ ( ಹೊಸ ಸ್ಮಾರ್ಟ್‌ ಕಾರ್ಡ್‌ ಖರೀದಿಗೆ 50 ರೂ. ಹಾಗೂ ಕನಿಷ್ಠ ಹಣ 50 ರೂ. ಜತೆಗೆ ಪ್ರಯಾಣದ ವೆಚ್ಚ ). ಒಮ್ಮೆ ಖರೀದಿ ಮಾಡಿದ ಕಾರ್ಡ್‌ನಲ್ಲಿ ಸುಲಭವಾಗಿ ರಿಚಾರ್ಜ್ ಮಾಡಲಾಗದೆ ಕೆಲವರು ಮತ್ತೊಂದು ಸ್ಮಾರ್ಟ್‌ಕಾರ್ಡ್‌ ಖರೀದಿ ಮಾಡುವಂತಾಗಿದೆ. ಇದು ಪ್ರಯಾಣಿಕರಿಗೆ ಹೊರೆಯಾಗುತ್ತಿದೆ.
ಸೆ.9ರಿಂದ ಹಸಿರು ಮಾರ್ಗದಲ್ಲೂ ಮೆಟ್ರೊ ಸಂಚಾರ: 5 ನಿಮಿಷಕ್ಕೆ ಒಂದು ರೈಲು
ಆ್ಯಪ್ ಬಗ್ಗೆ ಪ್ರಚಾರವಿಲ್ಲ
ರಿಚಾರ್ಜ್ ಗೊಂದಲದ ಬಗ್ಗೆ ಹಲವರು ಸಿಬ್ಬಂದಿಯಲ್ಲಿ ದೂರುತ್ತಿದ್ದಾರೆ. ಕೆಲವೊಮ್ಮೆ ವಾಗ್ವಾದವೂ ಆಗುತ್ತಿದೆ. ಸುಲಭವಾಗಿ ರಿಚಾರ್ಜ್ ಮಾಡಿಕೊಳ್ಳಬಹುದಾದ ಬಿಎಂಆರ್‌ಸಿಎಲ್‌ ಆ್ಯಪ್ ಬಗ್ಗೆ ಸಂಸ್ಥೆ ಸಾರ್ವಜನಿಕರಿಗೆ ಸಮರ್ಪಕ ಮಾಹಿತಿ ನೀಡಿಲ್ಲ. ಕನಿಷ್ಠ ನಿಲ್ದಾಣದ ಬೋರ್ಡ್‌ಗಳಲ್ಲೂ ಮಾಹಿತಿ ನೀಡಿಲ್ಲ. ಗೂಗಲ್‌ ಪ್ಲೇಸ್ಟೋರ್‌ನಲ್ಲಿ ಆ್ಯಪ್ ಲಭ್ಯವಿಲ್ಲದ ಕಾರಣ ಆ್ಯಪ್ ಹೆಚ್ಚಾಗಿ ಚಾಲ್ತಿಗೆ ಬಂದಿಲ್ಲ. ಬಿಎಂಆರ್‌ಸಿಎಲ್‌ ವೆಬ್‌ಸೈಟ್‌ಗೆ ತೆರಳಿ ಆ್ಯಪ್ ಡೌನ್‌ಲೋಡ್‌ ಮಾಡಿಕೊಳ್ಳಬಹುದಾಗಿದೆ.