ಬಿಜೆಪಿ ತಂತ್ರಕ್ಕೆ ಕಾಂಗ್ರೆಸ್‌ ಪ್ರತಿ ತಂತ್ರ:
ಬೆಂಗಳೂರು: ಇಂಧನ ಸಚಿವ ಡಿ.ಕೆ. ಶಿವಕುಮಾರ್‌ ವಿರುದ್ಧ ಹೋರಾಡಲು ನಿರ್ಧರಿಸಿದ ಬಿಜೆಪಿ ನಾಯಕರ ವಿರುದ್ಧದ ಹಗರಣ ಕೆದಕಿ ತಿರುಗೇಟು ನೀಡಲು ಕಾಂಗ್ರೆಸ್‌ ಮುಂದಾಗಿದೆ.
ಹೈಕಮಾಂಡ್‌ ಇಶಾರೆಯಂತೆ ಈ ಪ್ರತಿತಂತ್ರ ಹೂಡಲು ಪ್ರದೇಶ ಕಾಂಗ್ರೆಸ್‌ ತೀರ್ಮಾನಿಸಿದೆ. ಜತೆಗೆ ಈ ಹೊರಾಟದ ಉಸ್ತುವಾರಿಯನ್ನು ಸಚಿವ ಶಿವಕುಮಾರ್‌ ಅವರೇ ವಹಿಸಿಕೊಳ್ಳಲಿದ್ದಾರೆ. ಈ ಉದ್ದೇಶಕ್ಕೆ ನಿವೃತ್ತ ಐಪಿಎಸ್‌ ಅಧಿಕಾರಿಗಳು, ಸಾಮಾಜಿಕ ಮತ್ತು ಮಾಹಿತಿ ಹಕ್ಕು ಕಾರ್ಯಕರ್ತರನ್ನು ಒಳಗೊಂಡ ಸಮಿತಿಯನ್ನು ಶಿವಕುಮಾರ್‌ ರಚಿಸುತ್ತಾರೆ. ದಾಖಲೆ ಸಂಗ್ರಹದ ಬಳಿಕ ಡಿಕೆಶಿ ಮತ್ತು ಕಾಂಗ್ರೆಸ್‌ ನಾಯಕರು ಫೀಲ್ಡಿಗೆ ಇಳಿಯಲಿದ್ದಾರೆ ಎಂದು ಹೇಳಲಾಗುತ್ತಿದೆ. ಬಿಜೆಪಿ ಸರಕಾರದ ಅವಧಿಯ ಅಕ್ರಮಗಳನ್ನು ಮತ್ತೆ ಅಗೆದು ತೆಗೆಯುವುದು ಕಾಂಗ್ರೆಸ್‌ನ ಕಾರ್ಯತಂತ್ರವಾಗಲಿದೆ.
ಯಾರ್ಯಾರ ದಾಖಲೆ ಸಂಗ್ರಹ?:
ಅನಂತ್‌ ಕುಮಾರ್‌, ಯಡಿಯೂರಪ್ಪ, ಶೋಭಾ ಕರಂದ್ಲಾಜೆ, ಆರ್‌. ಅಶೋಕ್‌, ಕೆ.ಎಸ್‌. ಈಶ್ವರಪ್ಪ ಸಹಿತ ಬಿಜೆಪಿ ಪ್ರಮುಖರು.