ಬೆಂಗಳೂರು ಲಾಕ್‌ಡೌನ್‌ Live: ನಗರದಲ್ಲಿ ಸಕ್ರಿಯ ಕೊರೊನಾ ಪ್ರಕರಣಗಳು 72; 84 ಮಂದಿ ಗುಣಮುಖ

ಬೆಂಗಳೂರು: ಮಹಾಮಾರಿ ಕೊರೊನಾ ವೈರಸ್‌ ಸೋಂಕಿತರ ಸಂಖ್ಯೆ ಭಾರತ ಸೇರಿ ವಿಶ್ವದೆಲ್ಲೆಡೆ ಹೆಚ್ಚುತ್ತಲೇ ಇದೆ. ರಾಜ್ಯ ರಾಜಧಾನಿಯಲ್ಲಿ ಈವರೆಗೆ 163 ಕೊರೊನಾ ಸೋಂಕಿತರು ಪತ್ತೆಯಾಗಿದ್ದು, ಬೆಂಗಳೂರು ನಗರ ಜಿಲ್ಲೆ ರೆಡ್‌ ಝೋನ್‌ ವ್ಯಾಪ್ತಿಯಲ್ಲಿ ಇದೆ.

- ಬೆಂಗಳೂರಲ್ಲಿ ಈವರೆಗೆ 163 ಕೊರೊನ ಸೋಂಕಿತರು ಪತ್ತೆಯಾಗಿದ್ದು, ಈ ಪೈಕಿ ಸಕ್ರಿಯ ಕೊರೊನಾ ಪ್ರಕರಣಗಳು 72, ಇನ್ನು 84 ಮಂದಿ ಗುಣಮುಖ ಆಗಿದ್ದಾರೆ ಎಂದು ಶುಕ್ರವಾರ ಸಂಜೆಯ ಹೆಲ್ತ್‌ ಬುಲೆಟಿನ್‌ನಲ್ಲಿ ರಾಜ್ಯ ಸರಕಾರ ತಿಳಿಸಿದೆ. ಇನ್ನು, 6 ಜನ ಮಹಾಮಾರಿ ಸೋಂಕಿಗೆ ಬಲಿಯಾಗಿದ್ದರೆ, ಇನ್ನೊಬ್ಬರು ಕೊರೊನಾ ಅಲ್ಲದ ಕಾರಣಗಳಿಗಾಗಿ ಸಾವಿಗೀಡಾಗಿದ್ದಾರೆ ಎಂದೂ ರಾಜ್ಯ ಸರಕಾರ ಮಾಹಿತಿ ನೀಡಿದೆ.

- ಚಿಕ್ಕ ಬಾಣಾವರ ರೈಲ್ವೆ ನಿಲ್ದಾಣದಿಂದ ಶ್ರಮಿಕ್‌ ವಿಶೇಷ ರೈಲು ಶುಕ್ರವಾರ ಸಂಜೆ ಹೊರಟಿದ್ದು, ಉತ್ತರ ಪ್ರದೇಶದ ಲಖನೌಗೆ ತಲುಪಲಿದೆ.

- ವಿಪಕ್ಷ ನಾಯಕರ ಜತೆ ಸಿಎಂ ಯಡಿಯೂರಪ್ಪ ಶುಕ್ರವಾರ ಸಭೆ ನಡೆಸಿದ್ದು, ರಾಜ್ಯದಲ್ಲಿ ಕೊರೊನಾ ವೈರಸ್‌ ಪರಿಸ್ಥಿತಿ ಬಗ್ಗೆ ಚರ್ಚೆ ನಡೆಸಿದ್ದಾರೆ.

- ಶುಕ್ರವಾರ ಬೆಂಗಳೂರು ನಗರದಲ್ಲಿ 7 ಕೊರೊನಾ ಸೋಂಕಿತರು ಪತ್ತೆಯಾಗಿದ್ದು, ಪ್ರಕರಣಗಳ ಸಂಖ್ಯೆ 163 ಕ್ಕೆ ಏರಿಕೆಯಾಗಿದೆ. 7 ಜನರ ಪೈಕಿ ಐವರು ಪುರುಷರು ಹಾಗೂ ಇಬ್ಬರು ಮಹಿಳೆಯರಿಗೆ ಸೋಂಕು ತಗುಲಿದೆ. ಈ ಪೈಕಿ ಮೂವರಿಗೆ ಕೊರೊನಾ ಸೋಂಕು ಹೇಗೆ ಬಂದಿದೆ ಎನ್ನುವುದನ್ನು ಇನ್ನೂ ಪತ್ತೆ ಹಚ್ಚಲಾಗುತ್ತಿದೆ.

- ಕರ್ನಾಟಕ ರಾಜ್ಯ ರಸ್ತೆ ಸಾರಿಗೆ ನಿಗಮ (ಕೆಎಸ್‌ಆರ್‌ಟಿಸಿ) ಬೆಂಗಳೂರಿನಿಂದ ರಾಜ್ಯದ ಇತರ ಭಾಗಗಳಿಗೆ ತೆರಳಬೇಕಿದ್ದ ಬಸ್ ಸೇವೆಗಳನ್ನು ಶುಕ್ರವಾರದಿಂದ ಸ್ಥಗಿತಗೊಳಿಸಿದೆ.

ಯಥಾಸ್ಥಿತಿ ಕಾಯ್ದುಕೊಂಡ ಪೆಟ್ರೋಲ್‌, ಡೀಸೆಲ್‌ ದರ: ಶುಕ್ರವಾರದ ಬೆಲೆ ವಿವರ ಇಲ್ಲಿದೆ..

- ಬೆಂಗಳೂರಿನಿಂದ ತಮ್ಮ ತವರು ರಾಜ್ಯಗಳಿಗೆ ವಲಸೆ ಬರುವ ಕಾರ್ಮಿಕರಿಗಾಗಿ ಶ್ರಮಿಕ್ ವಿಶೇಷ ರೈಲುಗಳನ್ನು ರದ್ದುಗೊಳಿಸಿರುವ ಟೀಕೆಗೆ ಗುರಿಯಾದ ಕರ್ನಾಟಕ ಸರ್ಕಾರ ಶುಕ್ರವಾರದಿಂದ ಸೇವೆಗಳನ್ನು ಶುಕ್ರವಾರದಿಂದ ಪುನಾರಂಭಿಸಿದೆ.

ಕೊರೊನಾಘಾತದ ಚೇತರಿಕೆಗೆ ಬೃಹತ್‌ ಪರಿಹಾರ ಸೂತ್ರ ಅಗತ್ಯ: ಬೇಕಿದೆ ಕೇಂದ್ರದ ಬಿಗ್‌ ಪ್ಯಾಕೇಜ್‌

- ಬೆಂಗಳೂರಿನ 5-ಸ್ಟಾರ್, 3-ಸ್ಟಾರ್ ಮತ್ತು ಸಾಮಾನ್ಯ ದರ್ಜೆಯ 80 ಹೋಟೆಲ್‌ಗಳಲ್ಲಿ ಸುಮಾರು 7,000 ಕೊಠಡಿಗಳನ್ನು ವಿದೇಶದಿಂದ ಭಾರತಕ್ಕೆ ವಾಪಸ್‌ ಬರುತ್ತಿರುವ ಭಾರತೀಯರನ್ನು ಕ್ವಾರಂಟೈನ್‌ನಲ್ಲಿಡಲು ಗುರುತಿಸಲಾಗಿದೆ.

ಬಿಎಸ್‌ವೈ ಸರಕಾರದಿಂದ ಅಲೆಮಾರಿಗಳ ನಿರ್ಲಕ್ಷ್ಯ! ವಿಶೇಷ ಪ್ಯಾಕೇಜ್‌ ಘೋಷಣೆಗೆ ಒತ್ತಾಯ

- ಕರ್ನಾಟಕ ಸರ್ಕಾರ ಗುರುವಾರ ಒಂಬತ್ತು ರಾಜ್ಯಗಳಿಗೆ ಪತ್ರಗಳನ್ನು ಕಳುಹಿಸಿದ್ದು, ಇಂದಿನಿಂದ ಮೇ 15 ರವರೆಗೆ ಶ್ರಮಿಕ್‌ ವಿಶೇಷ ರೈಲು ಸೇವೆ ಪುನಾರಂಭಗೊಂಡಿದೆ.