ಡ್ರಗ್ಸ್ ಮಾಫಿಯಾ: ಸಿಸಿಬಿ ತನಿಖೆ ಚುರುಕು, ಮತ್ತಷ್ಟು ಮಂದಿಗೆ ನೋಟಿಸ್ ‌ ಜಾರಿಗೊಳಿಸಲು ಸಿದ್ದತೆ?

ಬೆಂಗಳೂರು: ಡ್ರಗ್ಸ್ ಮಾಫಿಯಾಗೆ ಸಂಬಂಧಿಸಿದಂತೆ ಸಿಸಿಬಿ ಪೊಲೀಸರ ತನಿಖೆ ಚುರುಕುಗೊಂಡಿದ್ದು ನಟ ನಟಿಯರು ಸೇರಿದಂತೆ ಪ್ರಕರಣ ಜೊತೆಗೆ ಲಿಂಕ್‌ ಹೊಂದಿರುವ ಮತ್ತಷ್ಟು ಮಂದಿಗೆ ನೋಟಿಸ್‌ ಜಾರಿಗೊಳಿಸಲು ಚಿಂತನೆ ನಡೆಯುತ್ತಿದೆ.

ಎನ್‌ಸಿಬಿಯಿಂದ ಬಂಧಿತ ಆರೋಪಿಗಳು ನೀಡಿರುವ ಮಾಹಿತಿ ಆಧಾರದಲ್ಲಿ ಪೊಲೀಸರು ನಟಿ ರಾಗಿಣಿಯವರನ್ನು ಬಂಧನಕ್ಕೆ ಒಳಪಡಿಸಿದ್ದಾರೆ. ರಾಗಿಣಿ ವಿಚಾರಣೆ ನಡೆಯುತ್ತಿದ್ದು ಅವರು ನೀಡಿರುವ ಮಾಹಿತಿಯ ಆಧಾರದಲ್ಲಿ ತನಿಖೆ ಮುಂದುವರಿದಿದೆ.

ಮಾದಕ ವಸ್ತುಗಳನ್ನು ಯಾಕೆ ಸೇವಿಸ್ತಾರೆ ಗೊತ್ತಾ?: ಡ್ರಗ್ಸ್‌ ವ್ಯಸನದ ಬಗೆಗೆ ಸಮಾಜದ ಗ್ರಹಿಕೆ ಬದಲಾಗುತ್ತಿದೆ!

ಡ್ರಗ್ಸ್ ಮಾಫಿಯಾದ ಜೊತೆಗೆ ಮತ್ತಷ್ಟು ಮಂದಿ ಲಿಂಕ್‌ ಹೊಂದಿರುವುದು ಪತ್ತೆಯಾಗಿದ್ದು ಈ ನಿಟ್ಟಿನಲ್ಲಿ ಸಿಸಿಬಿ ಅಧಿಕಾರಿಗಳು ಮಾಹಿತಿ ಕಲೆ ಹಾಕುತ್ತಿದ್ದಾರೆ. ರಾಗಿಣಿ ಜೊತೆಗೆ ಯಾರೆಲ್ಲಾ ಲಿಂಕ್‌ ಹೊಂದಿದ್ದಾರೆ ಎಂಬುವುದನ್ನು ಪತ್ತೆ ಹಚ್ಚಲು ಮುಂದಾಗಿದ್ದಾರೆ.

ರಾಗಿಣಿ ಬೆನ್ನಲ್ಲೇ ಡ್ರಗ್ಸ್ ಮಾಫಿಯಾ ಜೊತೆಗೆ ನಟಿ ಸಂಜನಾ ಅವರು ಲಿಂಕ್ ಹೊಂದಿದ್ದಾರಾ ಎಂಬ ನಿಟ್ಟಿನಲ್ಲಿ ಚರ್ಚೆಗಳು ನಡೆಯುತ್ತಿದೆ. ಆದರೆ ಇದಕ್ಕೆ ಇದುವರೆಗೂ ಅಧಿಕೃತವಾದ ಸಾಕ್ಷಿಗಳು ಸಿಕ್ಕಿಲ್ಲ. ಸಂಜನಾ ಆಪ್ತ ಪೊಲೀಸ್ ವಶದಲ್ಲಿ ಇದ್ದರೂ ಆತನ ಅಪರಾಧ ಕೃತ್ಯಗಳಲ್ಲಿ ಸಂಜನಾ ಭಾಗಿದಾರಿಕೆ ಬಗ್ಗೆ ಪೊಲೀಸರು ಮಾಹಿತಿ ಕಲೆ ಹಾಕುತ್ತಿದ್ದಾರೆ.

ಮಾದಕ ವಸ್ತು ದಂಧೆಗೆ ಸಂಪೂರ್ಣ ಕಡಿವಾಣ; ಒತ್ತಡ, ಪ್ರಭಾವಕ್ಕೆ ಮಣಿಯಲ್ಲ-ಬೊಮ್ಮಾಯಿ

ಒಂದು ವೇಳೆ ಸಾಕ್ಷಾಧಾರಗಳು ದೊರಕಿದ್ದಲ್ಲಿ ಸಂಜನಾ ಅವರಿಗೂ ನೋಟಿಸ್‌ ನೀಡುವ ಸಾಧ್ಯತೆ ಇದೆ ಎಂಬ ಮಾಹಿತಿ ಮೂಲಗಳಿಂದ ತಿಳಿದುಬಂದಿದೆ. ಇನ್ನು ಡ್ರಗ್ಸ್ ಜಾಲದಲ್ಲಿ ರಾಜಕಾರಣಿಗಳ ಮಕ್ಕಳ ಪಾತ್ರದ ಬಗ್ಗೆ ಹೆಸರುಗಳು ಕೇಳಿಬಂದರೂ ಯಾವುದೂ ಅಧಿಕೃತಗೊಂಡಿಲ್ಲ. ಪೊಲೀಸ್ ಇಲಾಖೆ ಎಲ್ಲಾ ಆಯಾಮದಲ್ಲಿ ತನಿಖೆ ಮುಂದುವರಿಸಿದ್ದು ಡ್ರಗ್ಸ್ ಮಾಫಿಯಾದ ಮೂಲ ಪತ್ತೆ ಹಚ್ಚಲು ಶ್ರಮಿಸುತ್ತಿದೆ.