ನಾಗಪ್ಪ ನಾಗನಾಯಕನಹಳ್ಳಿ ಬೆಂಗಳೂರು
ಬೆಂಗಳೂರು ಮಹಾನಗರ ಸಾರಿಗೆ ಸಂಸ್ಥೆ(ಬಿಎಂಟಿಸಿ)ಯು ಅತಿ ಶೀಘ್ರದಲ್ಲೇ ಎಲೆಕ್ಟ್ರಿಕ್ ಬಸ್ಗಳನ್ನು ರಾಜಧಾನಿಯ ರಸ್ತೆಗಳಲ್ಲಿ ಓಡಿಸಲಿದೆ. ಕೇಂದ್ರ ಸರಕಾರವು ಮೊದಲ ಕಂತಿನಲ್ಲಿ 14 ಕೋಟಿ ರೂ. ಸಬ್ಸಿಡಿ ಬಿಡುಗಡೆ ಮಾಡುತ್ತಿದ್ದು, ಅಕ್ಟೋಬರ್ನಲ್ಲಿ ಇ-ಬಸ್ಗಳು ಸಿಲಿಕಾನ್ ಸಿಟಿಗೆ ಲಗ್ಗೆ ಇಡಲಿವೆ.
ಹೈದರಾಬಾದ್ ಮೂಲದ ಗೋಲ್ಡ್ ಸ್ಟೋನ್ ಕಂಪೆನಿಯು ಗುತ್ತಿಗೆ ಆಧಾರದ ಮೇಲೆ ಒಟ್ಟು 80 ವಿದ್ಯುತ್ ಚಾಲಿತ ಇ-ಬಸ್ಗಳನ್ನು ಒದಗಿಸಲಿದೆ. ಹವಾನಿಯಂತ್ರಿತ (ಎಸಿ) ಮತ್ತು ಹವಾನಿಯಂತ್ರಣ ರಹಿತ ಬಸ್ಗಳನ್ನು ಪೂರೈಸುತ್ತಿದೆ. ಸುಮಾರು 8-10 ವಿನ್ಯಾಸದ ಬಸ್ಗಳನ್ನು ಬಿಎಂಟಿಸಿಗೆ ನೀಡಲು ಕಂಪೆನಿಯು ಮುಂದಾಗಿದೆ. ಆದರೆ, ಬಿಎಂಟಿಸಿಯು ಬಿಳಿ ಮತ್ತು ನೀಲಿ ಮಿಶ್ರಿತ ಬಣ್ಣದೊಂದಿಗೆ ವಿನ್ಯಾಸಗೊಂಡ ಬಸ್ಗಳನ್ನು ಒದಗಿಸುವಂತೆ ಸೂಚಿಸಿದೆ.
ಕೇಂದ್ರ ಸರಕಾರವು ಎಸಿ ಬಸ್ಗಳಿಗೆ 1 ಕೋಟಿ ರೂ. ಮತ್ತು ಎಸಿ ರಹಿತ ಬಸ್ಗಳಿಗೆ 73 ಲಕ್ಷ ರೂ. ಸಬ್ಸಿಡಿ ನೀಡುತ್ತಿದೆ. ಬಿಎಂಟಿಸಿಯು 60 ಎಸಿ ಮತ್ತು 20 ಎಸಿರಹಿತ ಮಿಡಿ ಬಸ್ಗಳನ್ನು ಪಡೆದುಕೊಳ್ಳುತ್ತಿದೆ. ಕೇಂದ್ರವು ಈ ಮೊದಲು ಗುತ್ತಿಗೆ ಆಧಾರದ ಮೇಲೆ ಪಡೆಯುವ ಬಸ್ಗಳಿಗೆ ಸಬ್ಸಿಡಿ ನೀಡುವುದಿಲ್ಲವೆಂದು ಕೊಕ್ಕೆ ಹಾಕಿತ್ತು. ಸಂಸ್ಥೆಯ ಅಧಿಕಾರಿಗಳು ಮನವರಿಕೆ ಮಾಡಿದ ಬಳಿಕ ಸಬ್ಸಿಡಿ ನೀಡಲು ಒಪ್ಪಿಗೆ ನೀಡಿತು. ಬಿಎಂಟಿಸಿ ಮತ್ತು ಗೋಲ್ಡ್ ಸ್ಟೋನ್ ಕಂಪೆನಿಯ ಜಂಟಿ ಮಾಲೀಕತ್ವದಲ್ಲಿ ಬಸ್ಗಳನ್ನು ಪಡೆಯಬೇಕೆಂಬ ಷರತ್ತಿನೊಂದಿಗೆ ಸಬ್ಸಿಡಿ ನೀಡಲು ಕೇಂದ್ರ ಸರಕಾರ ಒಪ್ಪಿದೆ.
ಕೇಂದ್ರವು ಒಟ್ಟು 74.60 ಕೋಟಿ ರೂ.ಗಳ ಪೈಕಿ ಸದ್ಯ 14 ಕೋಟಿ ರೂ. ಬಿಡುಗಡೆ ಮಾಡುತ್ತಿದೆ. ಬಿಎಂಟಿಸಿಯು ಈ ಸಬ್ಸಿಡಿಯನ್ನು ಗೋಲ್ಡ್ ಸ್ಟೋನ್ ಕಂಪೆನಿಗೆ ಪಾವತಿ ಮಾಡಲಿದ್ದು, ಇದಕ್ಕಾಗಿ ಬ್ಯಾಂಕ್ ಗ್ಯಾರಂಟಿ ಪಡೆದುಕೊಳ್ಳುತ್ತಿದೆ. ಹಣ ಪಾವತಿಯಾದ ಕೂಡಲೇ 5-10 ಬಸ್ಗಳನ್ನು ಪೂರೈಸಲಿದೆ. ಮುಂದಿನ ತಿಂಗಳು ಅಥವಾ ಅಕ್ಟೋಬರ್ನಿಂದ ಎಲೆಕ್ಟ್ರಿಕ್ ಬಸ್ಗಳು ನಗರದ ರಸ್ತೆಗಳಲ್ಲಿ ಸಂಚರಿಸಲಿವೆ. ಬಳಿಕ ಉಳಿದ ಬಸ್ಗಳನ್ನು ಮೂರು ತಿಂಗಳ ಅವಧಿಯೊಳಗೆ ಸರಬರಾಜು ಮಾಡಲಿದೆ. ಒಟ್ಟು 10 ವರ್ಷಗಳ ಅವಧಿಗೆ ಬಸ್ಗಳನ್ನು ಗುತ್ತಿಗೆಗೆ ಪಡೆಯಲಾಗುತ್ತಿದೆ.
ನಗರದ ಎಚ್ಎಸ್ಆರ್ ಲೇಔಟ್, ಎಲೆಕ್ಟ್ರಾನಿಕ್ ಸಿಟಿ ಬಳಿಯ ಸೂರ್ಯ ಸಿಟಿ ಡಿಪೊದಲ್ಲಿ ಚಾರ್ಜಿಂಗ್ ಘಟಕಗಳನ್ನು ಸ್ಥಾಪಿಸಲು ನಿರ್ಧರಿಸಲಾಗಿದೆ. ಅಲ್ಲದೇ ಕೆಂಪೇಗೌಡ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ ಚಾರ್ಜಿಂಗ್ ಘಟಕ ನಿರ್ಮಾಣಕ್ಕೆ ಅನುಮತಿ ಕೋರಿ ಬಿಎಂಟಿಸಿಯು ಪತ್ರ ಬರೆದಿದೆ. ಇದಕ್ಕೆ ಕೆಐಎಎಲ್ ಸಕಾರಾತ್ಮಕವಾಗಿ ಸ್ಪಂದಿಸಿದೆ. ಘಟಕಕ್ಕೆ ತಗಲುವ ವೆಚ್ಚವನ್ನು ಕಂಪೆನಿಯೇ ಭರಿಸಲಿದೆ. ವಿದ್ಯುತ್ ಶುಲ್ಕವನ್ನು ಟೆಂಡರ್ ಷರತ್ತಿನಂತೆ ಬಿಎಂಟಿಸಿಯೇ ಪಾವತಿ ಮಾಡಲಿದೆ.
ಎಸಿಗೆ 37.45, ನಾನ್ ಎಸಿಗೆ 24.03 ರೂ.:
ಎಲೆಕ್ಟ್ರಿಕ್ ಬಸ್ಗಳನ್ನು ಗುತ್ತಿಗೆಗೆ ನೀಡುತ್ತಿರುವ ಗೋಲ್ಡ್ ಸ್ಟೋನ್ ಕಂಪೆನಿಯು ಕಿ.ಮೀ ಲೆಕ್ಕದಲ್ಲಿ ಕಾರ್ಯಾಚರಣೆಗೊಳಿಸಲಿದೆ. ಅದಕ್ಕೆ ಅನುಗುಣವಾಗಿ ಬಿಎಂಟಿಸಿಯು ಶುಲ್ಕ ಪಾವತಿಸಲಿದೆ. ಪ್ರತಿ ಬಸ್ ನಿತ್ಯ 200 ಕಿ.ಮೀ ಓಡಲಿದೆ. ಹವಾನಿಯಂತ್ರಿತ ಬಸ್ಗಳಿಗೆ ಪ್ರತಿ ಕಿ.ಮೀ ಗೆ 37.45 ರೂ. ಮತ್ತು ಹವಾನಿಯಂತ್ರಿತ ರಹಿತ ಬಸ್ಗಳಿಗೆ 24.03 ರೂ. ನಂತೆ ಪಾವತಿ ಮಾಡಲಿದೆ.
ಕಂಪೆನಿಯೇ ಚಾಲಕರನ್ನು ನೇಮಿಸಲಿದ್ದು, ವಾಹನಗಳ ನಿರ್ವಹಣಾ ವೆಚ್ಚವನ್ನೂ ಭರಿಸಲಿದೆ. ಬಿಎಂಟಿಸಿಯು ವಿದ್ಯುತ್ ಶುಲ್ಕವನ್ನು ಕಟ್ಟಲಿದೆ. ಜತೆಗೆ ಸಂಸ್ಥೆಯಿಂದಲೇ ನಿರ್ವಾಹಕರನ್ನು ನೇಮಕ ಮಾಡುತ್ತದೆ. ಎಲೆಕ್ಟ್ರಿಕ್ ಬಸ್ಗಳು ಒಂದು ಕಿ.ಮೀ ಕ್ರಮಿಸಲು 1.2 ಕಿಲೋ ವ್ಯಾಟ್ ವಿದ್ಯುತ್ ಬೇಕಾಗುತ್ತದೆ.
''ಬಿಎಂಟಿಸಿಯು ಒಟ್ಟು 150 ಎಲೆಕ್ಟ್ರಿಕ್ ಬಸ್ಗಳನ್ನು ಗುತ್ತಿಗೆಗೆ ಪಡೆಯಲು ಟೆಂಡರ್ ಕರೆದು, ಗೋಲ್ಡ್ ಸ್ಟೋನ್ ಕಂಪೆನಿಗೆ ಗುತ್ತಿಗೆಗೆ ನೀಡಿದೆ. ಆದರೆ, ಕೇಂದ್ರ ಸರಕಾರವು ಕೇವಲ 80 ಬಸ್ಗಳಿಗಷ್ಟೇ ಸಬ್ಸಿಡಿ ನೀಡುತ್ತಿದೆ. ಉಳಿದ 70 ಬಸ್ಗಳಿಗೂ ಸಹಾಯಧನ ನೀಡುವಂತೆ ಕೋರಲಾಗಿದೆ. ಆದರೆ, ಸಕಾರಾತ್ಮಕ ಸ್ಪಂದನೆ ದೊರೆತಿಲ್ಲ. ಮುಂಬೈ, ಹಿಮಾಚಲ ಪ್ರದೇಶ, ಆಂಧ್ರಪ್ರದೇಶದಲ್ಲಿ ಎಲೆಕ್ಟ್ರಿಕ್ ಬಸ್ಗಳ ಕಾರ್ಯಾಚರಣೆ ಆರಂಭವಾಗಿದೆ,'' ಎಂದು ಅಧಿಕಾರಿಯೊಬ್ಬರು ಮಾಹಿತಿ ನೀಡಿದರು.
500 ಎಲೆಕ್ಟ್ರಿಕ್ ಬಸ್ಗಳಿಗೆ ಟೆಂಡರ್:
ಬಿಎಂಟಿಸಿಯು ಹೊಸದಾಗಿ 500 ವಿದ್ಯುತ್ ಚಾಲಿತ ಬಸ್ಗಳನ್ನು ಗುತ್ತಿಗೆ ಆಧಾರದ ಮೇಲೆ ಪಡೆಯಲು ಮುಂದಾಗಿದೆ. ಇದಕ್ಕಾಗಿ ಟೆಂಡರ್ ಆಹ್ವಾನಿಸಲು ಸಿದ್ಧತೆ ಮಾಡಿಕೊಳ್ಳುತ್ತಿದೆ. ಈ ಬಸ್ಗಳಿಗೆ ಕೇಂದ್ರ ಮತ್ತು ರಾಜ್ಯ ಸರಕಾರದಿಂದ ಯಾವುದೇ ರೀತಿಯ ಸಬ್ಸಿಡಿ ಅಪೇಕ್ಷಿಸುತ್ತಿಲ್ಲ. ಸಂಸ್ಥೆಯು ಕೂಡ ಬಂಡವಾಳ ಹೂಡಿಕೆ ಮಾಡುತ್ತಿಲ್ಲ. ಟೆಂಡರ್ ಪಡೆಯುವ ಕಂಪೆನಿಗಳೇ ಬಸ್ಗಳನ್ನು ಒದಗಿಸಲಿವೆ. ಎಲೆಕ್ಟ್ರಿಕ್ ಬಸ್ಗಳಿಂದ ಕಿ.ಮೀ ಗೆ 8-10 ರೂ. ಲಾಭ ಸಿಗಲಿದೆ. ಹಾಗಾಗಿಯೇ, ಹೆಚ್ಚಿನ ಸಂಖ್ಯೆಯ ಎಲೆಕ್ಟ್ರಿಕ್ ಬಸ್ಗಳನ್ನು ಕಾರ್ಯಾಚರಣೆಗೊಳಿಸಲು ತೀರ್ಮಾನಿಸಲಾಗಿದೆ.
250 ಕಿ.ಮೀ ಚಲಿಸುವ ಬಸ್ಗಳು
ಎಲೆಕ್ಟ್ರಿಕ್ ಬಸ್ಗಳನ್ನು 4 ತಾಸುಗಳ ಕಾಲ ಚಾರ್ಜ್ ಮಾಡಿದರೆ, 250 ಕಿ.ಮೀ ದೂರ ಕ್ರಮಿಸಲಿವೆ. ಬಸ್ಗಳಲ್ಲಿ ಒಂದೇ ಚಾರ್ಜಿಂಗ್ ಬ್ಯಾಟರಿ ಇರಲಿದೆ. ಪ್ರತಿದಿನ 200 ಕಿ.ಮೀ ಕಾರ್ಯಾಚರಣೆಗೊಳಿಸಿದ ಬಳಿಕ ಬಸ್ಗಳು ಡಿಪೊಗಳಿಗೆ ವಾಪಸ್ಸಾಗಲಿವೆ. ರಾತ್ರಿ ವೇಳೆ ಚಾರ್ಜಿಂಗ್ ಮಾಡಲಾಗುತ್ತದೆ. ಎಸಿ ಬಸ್ 12 ಮೀಟರ್ ಉದ್ದವಿರಲಿದ್ದು, 35 ಆಸನಗಳು ಇರುತ್ತವೆ. 9 ಮೀಟರ್ ಉದ್ದದ ಎಸಿ ರಹಿತ ಮಿಡಿ ಬಸ್ಗಳಲ್ಲಿ 25 ಸೀಟುಗಳನ್ನು ಅಳವಡಿಸಲಾಗಿರುತ್ತದೆ. ಹವಾನಿಯಂತ್ರಿತ ಬಸ್ಗಳಲ್ಲಿ ಒಮ್ಮೆಗೆ 70-80 ಮಂದಿ ಪ್ರಯಾಣಿಸಬಹುದಾಗಿದೆ.
ಬೆಂಗಳೂರು ಮಹಾನಗರ ಸಾರಿಗೆ ಸಂಸ್ಥೆ(ಬಿಎಂಟಿಸಿ)ಯು ಅತಿ ಶೀಘ್ರದಲ್ಲೇ ಎಲೆಕ್ಟ್ರಿಕ್ ಬಸ್ಗಳನ್ನು ರಾಜಧಾನಿಯ ರಸ್ತೆಗಳಲ್ಲಿ ಓಡಿಸಲಿದೆ. ಕೇಂದ್ರ ಸರಕಾರವು ಮೊದಲ ಕಂತಿನಲ್ಲಿ 14 ಕೋಟಿ ರೂ. ಸಬ್ಸಿಡಿ ಬಿಡುಗಡೆ ಮಾಡುತ್ತಿದ್ದು, ಅಕ್ಟೋಬರ್ನಲ್ಲಿ ಇ-ಬಸ್ಗಳು ಸಿಲಿಕಾನ್ ಸಿಟಿಗೆ ಲಗ್ಗೆ ಇಡಲಿವೆ.
ಹೈದರಾಬಾದ್ ಮೂಲದ ಗೋಲ್ಡ್ ಸ್ಟೋನ್ ಕಂಪೆನಿಯು ಗುತ್ತಿಗೆ ಆಧಾರದ ಮೇಲೆ ಒಟ್ಟು 80 ವಿದ್ಯುತ್ ಚಾಲಿತ ಇ-ಬಸ್ಗಳನ್ನು ಒದಗಿಸಲಿದೆ. ಹವಾನಿಯಂತ್ರಿತ (ಎಸಿ) ಮತ್ತು ಹವಾನಿಯಂತ್ರಣ ರಹಿತ ಬಸ್ಗಳನ್ನು ಪೂರೈಸುತ್ತಿದೆ. ಸುಮಾರು 8-10 ವಿನ್ಯಾಸದ ಬಸ್ಗಳನ್ನು ಬಿಎಂಟಿಸಿಗೆ ನೀಡಲು ಕಂಪೆನಿಯು ಮುಂದಾಗಿದೆ. ಆದರೆ, ಬಿಎಂಟಿಸಿಯು ಬಿಳಿ ಮತ್ತು ನೀಲಿ ಮಿಶ್ರಿತ ಬಣ್ಣದೊಂದಿಗೆ ವಿನ್ಯಾಸಗೊಂಡ ಬಸ್ಗಳನ್ನು ಒದಗಿಸುವಂತೆ ಸೂಚಿಸಿದೆ.
ಕೇಂದ್ರ ಸರಕಾರವು ಎಸಿ ಬಸ್ಗಳಿಗೆ 1 ಕೋಟಿ ರೂ. ಮತ್ತು ಎಸಿ ರಹಿತ ಬಸ್ಗಳಿಗೆ 73 ಲಕ್ಷ ರೂ. ಸಬ್ಸಿಡಿ ನೀಡುತ್ತಿದೆ. ಬಿಎಂಟಿಸಿಯು 60 ಎಸಿ ಮತ್ತು 20 ಎಸಿರಹಿತ ಮಿಡಿ ಬಸ್ಗಳನ್ನು ಪಡೆದುಕೊಳ್ಳುತ್ತಿದೆ. ಕೇಂದ್ರವು ಈ ಮೊದಲು ಗುತ್ತಿಗೆ ಆಧಾರದ ಮೇಲೆ ಪಡೆಯುವ ಬಸ್ಗಳಿಗೆ ಸಬ್ಸಿಡಿ ನೀಡುವುದಿಲ್ಲವೆಂದು ಕೊಕ್ಕೆ ಹಾಕಿತ್ತು. ಸಂಸ್ಥೆಯ ಅಧಿಕಾರಿಗಳು ಮನವರಿಕೆ ಮಾಡಿದ ಬಳಿಕ ಸಬ್ಸಿಡಿ ನೀಡಲು ಒಪ್ಪಿಗೆ ನೀಡಿತು. ಬಿಎಂಟಿಸಿ ಮತ್ತು ಗೋಲ್ಡ್ ಸ್ಟೋನ್ ಕಂಪೆನಿಯ ಜಂಟಿ ಮಾಲೀಕತ್ವದಲ್ಲಿ ಬಸ್ಗಳನ್ನು ಪಡೆಯಬೇಕೆಂಬ ಷರತ್ತಿನೊಂದಿಗೆ ಸಬ್ಸಿಡಿ ನೀಡಲು ಕೇಂದ್ರ ಸರಕಾರ ಒಪ್ಪಿದೆ.
ಕೇಂದ್ರವು ಒಟ್ಟು 74.60 ಕೋಟಿ ರೂ.ಗಳ ಪೈಕಿ ಸದ್ಯ 14 ಕೋಟಿ ರೂ. ಬಿಡುಗಡೆ ಮಾಡುತ್ತಿದೆ. ಬಿಎಂಟಿಸಿಯು ಈ ಸಬ್ಸಿಡಿಯನ್ನು ಗೋಲ್ಡ್ ಸ್ಟೋನ್ ಕಂಪೆನಿಗೆ ಪಾವತಿ ಮಾಡಲಿದ್ದು, ಇದಕ್ಕಾಗಿ ಬ್ಯಾಂಕ್ ಗ್ಯಾರಂಟಿ ಪಡೆದುಕೊಳ್ಳುತ್ತಿದೆ. ಹಣ ಪಾವತಿಯಾದ ಕೂಡಲೇ 5-10 ಬಸ್ಗಳನ್ನು ಪೂರೈಸಲಿದೆ. ಮುಂದಿನ ತಿಂಗಳು ಅಥವಾ ಅಕ್ಟೋಬರ್ನಿಂದ ಎಲೆಕ್ಟ್ರಿಕ್ ಬಸ್ಗಳು ನಗರದ ರಸ್ತೆಗಳಲ್ಲಿ ಸಂಚರಿಸಲಿವೆ. ಬಳಿಕ ಉಳಿದ ಬಸ್ಗಳನ್ನು ಮೂರು ತಿಂಗಳ ಅವಧಿಯೊಳಗೆ ಸರಬರಾಜು ಮಾಡಲಿದೆ. ಒಟ್ಟು 10 ವರ್ಷಗಳ ಅವಧಿಗೆ ಬಸ್ಗಳನ್ನು ಗುತ್ತಿಗೆಗೆ ಪಡೆಯಲಾಗುತ್ತಿದೆ.
ನಗರದ ಎಚ್ಎಸ್ಆರ್ ಲೇಔಟ್, ಎಲೆಕ್ಟ್ರಾನಿಕ್ ಸಿಟಿ ಬಳಿಯ ಸೂರ್ಯ ಸಿಟಿ ಡಿಪೊದಲ್ಲಿ ಚಾರ್ಜಿಂಗ್ ಘಟಕಗಳನ್ನು ಸ್ಥಾಪಿಸಲು ನಿರ್ಧರಿಸಲಾಗಿದೆ. ಅಲ್ಲದೇ ಕೆಂಪೇಗೌಡ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ ಚಾರ್ಜಿಂಗ್ ಘಟಕ ನಿರ್ಮಾಣಕ್ಕೆ ಅನುಮತಿ ಕೋರಿ ಬಿಎಂಟಿಸಿಯು ಪತ್ರ ಬರೆದಿದೆ. ಇದಕ್ಕೆ ಕೆಐಎಎಲ್ ಸಕಾರಾತ್ಮಕವಾಗಿ ಸ್ಪಂದಿಸಿದೆ. ಘಟಕಕ್ಕೆ ತಗಲುವ ವೆಚ್ಚವನ್ನು ಕಂಪೆನಿಯೇ ಭರಿಸಲಿದೆ. ವಿದ್ಯುತ್ ಶುಲ್ಕವನ್ನು ಟೆಂಡರ್ ಷರತ್ತಿನಂತೆ ಬಿಎಂಟಿಸಿಯೇ ಪಾವತಿ ಮಾಡಲಿದೆ.
ಎಸಿಗೆ 37.45, ನಾನ್ ಎಸಿಗೆ 24.03 ರೂ.:
ಎಲೆಕ್ಟ್ರಿಕ್ ಬಸ್ಗಳನ್ನು ಗುತ್ತಿಗೆಗೆ ನೀಡುತ್ತಿರುವ ಗೋಲ್ಡ್ ಸ್ಟೋನ್ ಕಂಪೆನಿಯು ಕಿ.ಮೀ ಲೆಕ್ಕದಲ್ಲಿ ಕಾರ್ಯಾಚರಣೆಗೊಳಿಸಲಿದೆ. ಅದಕ್ಕೆ ಅನುಗುಣವಾಗಿ ಬಿಎಂಟಿಸಿಯು ಶುಲ್ಕ ಪಾವತಿಸಲಿದೆ. ಪ್ರತಿ ಬಸ್ ನಿತ್ಯ 200 ಕಿ.ಮೀ ಓಡಲಿದೆ. ಹವಾನಿಯಂತ್ರಿತ ಬಸ್ಗಳಿಗೆ ಪ್ರತಿ ಕಿ.ಮೀ ಗೆ 37.45 ರೂ. ಮತ್ತು ಹವಾನಿಯಂತ್ರಿತ ರಹಿತ ಬಸ್ಗಳಿಗೆ 24.03 ರೂ. ನಂತೆ ಪಾವತಿ ಮಾಡಲಿದೆ.
ಕಂಪೆನಿಯೇ ಚಾಲಕರನ್ನು ನೇಮಿಸಲಿದ್ದು, ವಾಹನಗಳ ನಿರ್ವಹಣಾ ವೆಚ್ಚವನ್ನೂ ಭರಿಸಲಿದೆ. ಬಿಎಂಟಿಸಿಯು ವಿದ್ಯುತ್ ಶುಲ್ಕವನ್ನು ಕಟ್ಟಲಿದೆ. ಜತೆಗೆ ಸಂಸ್ಥೆಯಿಂದಲೇ ನಿರ್ವಾಹಕರನ್ನು ನೇಮಕ ಮಾಡುತ್ತದೆ. ಎಲೆಕ್ಟ್ರಿಕ್ ಬಸ್ಗಳು ಒಂದು ಕಿ.ಮೀ ಕ್ರಮಿಸಲು 1.2 ಕಿಲೋ ವ್ಯಾಟ್ ವಿದ್ಯುತ್ ಬೇಕಾಗುತ್ತದೆ.
''ಬಿಎಂಟಿಸಿಯು ಒಟ್ಟು 150 ಎಲೆಕ್ಟ್ರಿಕ್ ಬಸ್ಗಳನ್ನು ಗುತ್ತಿಗೆಗೆ ಪಡೆಯಲು ಟೆಂಡರ್ ಕರೆದು, ಗೋಲ್ಡ್ ಸ್ಟೋನ್ ಕಂಪೆನಿಗೆ ಗುತ್ತಿಗೆಗೆ ನೀಡಿದೆ. ಆದರೆ, ಕೇಂದ್ರ ಸರಕಾರವು ಕೇವಲ 80 ಬಸ್ಗಳಿಗಷ್ಟೇ ಸಬ್ಸಿಡಿ ನೀಡುತ್ತಿದೆ. ಉಳಿದ 70 ಬಸ್ಗಳಿಗೂ ಸಹಾಯಧನ ನೀಡುವಂತೆ ಕೋರಲಾಗಿದೆ. ಆದರೆ, ಸಕಾರಾತ್ಮಕ ಸ್ಪಂದನೆ ದೊರೆತಿಲ್ಲ. ಮುಂಬೈ, ಹಿಮಾಚಲ ಪ್ರದೇಶ, ಆಂಧ್ರಪ್ರದೇಶದಲ್ಲಿ ಎಲೆಕ್ಟ್ರಿಕ್ ಬಸ್ಗಳ ಕಾರ್ಯಾಚರಣೆ ಆರಂಭವಾಗಿದೆ,'' ಎಂದು ಅಧಿಕಾರಿಯೊಬ್ಬರು ಮಾಹಿತಿ ನೀಡಿದರು.
500 ಎಲೆಕ್ಟ್ರಿಕ್ ಬಸ್ಗಳಿಗೆ ಟೆಂಡರ್:
ಬಿಎಂಟಿಸಿಯು ಹೊಸದಾಗಿ 500 ವಿದ್ಯುತ್ ಚಾಲಿತ ಬಸ್ಗಳನ್ನು ಗುತ್ತಿಗೆ ಆಧಾರದ ಮೇಲೆ ಪಡೆಯಲು ಮುಂದಾಗಿದೆ. ಇದಕ್ಕಾಗಿ ಟೆಂಡರ್ ಆಹ್ವಾನಿಸಲು ಸಿದ್ಧತೆ ಮಾಡಿಕೊಳ್ಳುತ್ತಿದೆ. ಈ ಬಸ್ಗಳಿಗೆ ಕೇಂದ್ರ ಮತ್ತು ರಾಜ್ಯ ಸರಕಾರದಿಂದ ಯಾವುದೇ ರೀತಿಯ ಸಬ್ಸಿಡಿ ಅಪೇಕ್ಷಿಸುತ್ತಿಲ್ಲ. ಸಂಸ್ಥೆಯು ಕೂಡ ಬಂಡವಾಳ ಹೂಡಿಕೆ ಮಾಡುತ್ತಿಲ್ಲ. ಟೆಂಡರ್ ಪಡೆಯುವ ಕಂಪೆನಿಗಳೇ ಬಸ್ಗಳನ್ನು ಒದಗಿಸಲಿವೆ. ಎಲೆಕ್ಟ್ರಿಕ್ ಬಸ್ಗಳಿಂದ ಕಿ.ಮೀ ಗೆ 8-10 ರೂ. ಲಾಭ ಸಿಗಲಿದೆ. ಹಾಗಾಗಿಯೇ, ಹೆಚ್ಚಿನ ಸಂಖ್ಯೆಯ ಎಲೆಕ್ಟ್ರಿಕ್ ಬಸ್ಗಳನ್ನು ಕಾರ್ಯಾಚರಣೆಗೊಳಿಸಲು ತೀರ್ಮಾನಿಸಲಾಗಿದೆ.
250 ಕಿ.ಮೀ ಚಲಿಸುವ ಬಸ್ಗಳು
ಎಲೆಕ್ಟ್ರಿಕ್ ಬಸ್ಗಳನ್ನು 4 ತಾಸುಗಳ ಕಾಲ ಚಾರ್ಜ್ ಮಾಡಿದರೆ, 250 ಕಿ.ಮೀ ದೂರ ಕ್ರಮಿಸಲಿವೆ. ಬಸ್ಗಳಲ್ಲಿ ಒಂದೇ ಚಾರ್ಜಿಂಗ್ ಬ್ಯಾಟರಿ ಇರಲಿದೆ. ಪ್ರತಿದಿನ 200 ಕಿ.ಮೀ ಕಾರ್ಯಾಚರಣೆಗೊಳಿಸಿದ ಬಳಿಕ ಬಸ್ಗಳು ಡಿಪೊಗಳಿಗೆ ವಾಪಸ್ಸಾಗಲಿವೆ. ರಾತ್ರಿ ವೇಳೆ ಚಾರ್ಜಿಂಗ್ ಮಾಡಲಾಗುತ್ತದೆ. ಎಸಿ ಬಸ್ 12 ಮೀಟರ್ ಉದ್ದವಿರಲಿದ್ದು, 35 ಆಸನಗಳು ಇರುತ್ತವೆ. 9 ಮೀಟರ್ ಉದ್ದದ ಎಸಿ ರಹಿತ ಮಿಡಿ ಬಸ್ಗಳಲ್ಲಿ 25 ಸೀಟುಗಳನ್ನು ಅಳವಡಿಸಲಾಗಿರುತ್ತದೆ. ಹವಾನಿಯಂತ್ರಿತ ಬಸ್ಗಳಲ್ಲಿ ಒಮ್ಮೆಗೆ 70-80 ಮಂದಿ ಪ್ರಯಾಣಿಸಬಹುದಾಗಿದೆ.