ಮಹಿಳೆಯ ಖಾಸಗಿ ಕ್ಷಣಗಳ ವಿಡಿಯೋ ಇಟ್ಟುಕೊಂಡು ಬ್ಲಾಕ್‌ಮೇಲ್: ಮದ್ವೆಯಾಗೋದಾಗಿ ನಂಬಿಸಿ ಲೈಂಗಿಕ ದೌರ್ಜನ್ಯ

ಬೆಂಗಳೂರು: ಕೆಲಸ ಮಾಡುವ ಸ್ಥಳದಲ್ಲಿ ಕಾಮುಕರ ಕಾಟಕ್ಕೆ ಬೇಸತ್ತ ಮಹಿಳೆಯೊಬ್ಬರು ಪೊಲೀಸ್ ಠಾಣೆ ಮೆಟ್ಟಿಲೇರಿದ ಘಟನೆ ರಾಜಧಾನಿ ಬೆಂಗಳೂರಿನಲ್ಲಿ ನಡೆದಿದೆ. ಹೌಸ್‌ ಕೀಪಿಂಗ್ ಕೆಲಸ ಮಾಡುತ್ತಿದ್ದ ಯುವತಿ, ತನಗೆ ಬ್ಲಾಕ್‌ಮೇಲ್‌ ಮಾಡಿ ಲೈಂಗಿಕ ದೌರ್ಜನ್ಯ ಎಸಗಿದ ಹೊಟೇಲ್ ಕೆಲಸಗಾರನ ವಿರುದ್ಧ ದೂರು ನೀಡಿದ್ಧಾಳೆ.

ಏನಿದು ಘಟನೆ..?

ಬೆಂಗಳೂರಿನ ಬೆಳ್ಳಂದೂರಿನಲ್ಲಿರುವ ಹೊಟೇಲ್ ಒಂದರಲ್ಲಿ ಶ್ರೇಯಾ (ಹೆಸರು ಬದಲಿಸಲಾಗಿದೆ) ಎಂಬುವರು ಹೌಸ್‌ ಕೀಪಿಂಗ್ ಕೆಲಸ ಮಾಡಿಕೊಂಡಿದ್ದರು. ಆಕೆಗೆ ಅದೇ ಹೊಟೇಲ್‌ನಲ್ಲಿ ಕೆಲಸ ಮಾಡಿಕೊಂಡಿದ್ದ ಇಸ್ಮಾಯಿಲ್ ಎಂಬಾತನ ಪರಿಚಯವಾಯ್ತು. ಪರಿಚಯ ಸ್ನೇಹ, ಸಲುಗೆಗೆ ತಿರುಗಿತು. ಶ್ರೇಯಾ ಅವರನ್ನು ಮದುವೆ ಆಗೋದಾಗಿ ಇಸ್ಮಾಯಿಲ್ ಭರವಸೆ ಕೂಡಾ ನೀಡಿದ. ಆಕೆಯ ಜೊತೆಗೆ ದೈಹಿಕ ಸಂಪರ್ಕ ಬೆಳೆಸಿದ. ಶ್ರೇಯಾ ಅವರ ಫೋನ್‌ನಲ್ಲಿದ್ದ ಆಕೆಯ ಖಾಸಗಿ ವಿಡಿಯೋಗಳನ್ನು ಆಕೆಗೆ ಗೊತ್ತಾಗದ ರೀತಿಯಲ್ಲಿ ತನ್ನ ಮೊಬೈಲ್‌ಗೆ ಟ್ರಾನ್ಸ್‌ಫರ್ ಮಾಡಿಕೊಂಡ.

ಕೆಲ ದಿನಗಳ ಬಳಿಕ ಹೊಟೇಲ್‌ನ ಟೆರೇಸ್‌ಗೆ ಶ್ರೇಯಾ ಅವರನ್ನು ಕರೆದ ಇಸ್ಮಾಯಿಲ್, ತನ್ನ ಬಳಿ ಖಾಸಗಿ ಫೋಟೋ, ವಿಡಿಯೋ ಇರೋದಾಗಿ ಬೆದರಿಕೆ ಹಾಕಿದ. ಅದನ್ನು ಡಿಲೀಟ್ ಮಾಡಬೇಕೆಂದರೆ ದೈಹಿಕ ಸಂಪರ್ಕ ಬೆಳೆಸಬೇಕೆಂದು ಒತ್ತಾಯಿಸಿದ. ಅಷ್ಟೇ ಅಲ್ಲ, ಮದುವೆ ಆಗುವುದಾಗಿಯೂ ಭರವಸೆ ನೀಡಿದ. ಆತನ ಒತ್ತಾಯಕ್ಕೆ ಶ್ರೇಯಾ ಮಣಿಯಲೇ ಬೇಕಾಯ್ತು. ಆದ್ರೆ, ಕೆಲ ದಿನಗಳ ಬಳಿಕ ಇಸ್ಮಾಯಿಲ್ ಮದುವೆಯಾಗಲು ನಿರಾಕರಿಸುತ್ತಾ ಬಂದ. ಒಂದು ವೇಳೆ ಒತ್ತಾಯ ಮಾಡಿದರೆ ಇಬ್ಬರ ನಡುವೆ ದೈಹಿಕ ಸಂಬಂಧ ಇರೋದಾಗಿ ಎಲ್ಲರಿಗೂ ಹೇಳೋದಾಗಿ ಬೆದರಿಕೆ ಹಾಕಿದ. ಇದಾದ ಬಳಿಕ ಆಕೆ ಕೆಲಸ ಬಿಟ್ಟು ಹೋಗಲಿ ಅನ್ನೋ ಕಾರಣಕ್ಕೆ ಕೆಲಸದ ವಿಚಾರದಲ್ಲಿ ಕಿರುಕುಳ ಕೊಡಲು ಆರಂಭಿಸಿದ.

ಡೇಟಿಂಗ್ ಹೆಸರಲ್ಲಿ ಮನಸ್ಸಲ್ಲೇ ಮಂಡಿಗೆ ತಿನ್ನಿಸಿ ಟೆಕ್ಕಿಗೆ 4 ಲಕ್ಷ ರೂ. ಬ್ಲೇಡ್‌! ಎರಡೆರಡು ಸಲ ಮೋಸ ಹೋದ ಭೂಪ..!

ಇಷ್ಟೆಲ್ಲಾ ಆದ ಬಳಿಕ ಆ ಹೊಟೇಲ್‌ನಲ್ಲಿ ಕೆಲಸ ಬಿಟ್ಟ ಶ್ರೇಯಾ, ವೈಟ್‌ಫೀಲ್ಡ್‌ನಲ್ಲಿ ಇರುವ ಹೊಟೇಲ್‌ ಒಂದರಲ್ಲಿ ಹೌಸ್‌ ಕೀಪಿಂಗ್ ಕೆಲಸಕ್ಕೆ ಸೇರಿದರು. ಆದ್ರೆ, ಇಸ್ಮಾಯಿಲ್ ಇಲ್ಲಿಯೂ ತನ್ನ ಕಿರುಕುಳ ಮುಂದುವರೆಸಿದ್ದ. ನಿನ್ನ ಖಾಸಗಿ ದೃಶ್ಯಗಳಿವೆ ಎಂದು ಬೆದರಿಕೆ ಹಾಕಿ ಲೈಂಗಿಕವಾಗಿ ಬಳಸಿಕೊಳ್ಳುತ್ತಿದ್ದ. ಇದರಿಂದ ಸಿಟ್ಟಿಗೆದ್ದ ಶ್ರೇಯಾ ತನ್ನ ಸಹೋದರನಿಗೂ ಈ ಬಗ್ಗೆ ತಿಳಿಸಿದರು. ಬಳಿಕ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಿಸಿದರು.

ಪಾರ್ಕ್‌ನಲ್ಲಿ ಆಕೆ ನಾಯಿಗೆ ಮುದ್ದಿಸುತ್ತಿದ್ದರೆ ಆತ ತನ್ನ ಪ್ಯಾಂಟ್ ಜಿಪ್ ಬಿಚ್ಚುತ್ತಿದ್ದ..!