ಬೆಂಗಳೂರಿಗರಿಗೆ ಉಚಿತ 'ಅಭಿನಂದನ್‌ ಕಟ್ಟಿಂಗ್‌, ಮೀಸೆ'

ಬೆಂಗಳೂರು: ವೀರಯೋಧ ಅಭಿನಂದನ್‌ ವರ್ಧಮಾನ್‌ ಅವರಂತೆ ಹೇರ್‌ಕಟ್‌ ಹಾಗೂ ಮೀಸೆಯ ಶೈಲಿಯನ್ನು ಉಚಿತವಾಗಿ ಮಾಡಿಕೊಡುವುದರ ಮೂಲಕ ಕೋರಮಂಗಲದ ನಾನೇಶ್‌ ಅಡ್ವಾನ್ಸ್ಡ್‌ ಹೇರ್‌ ಆ್ಯಂಡ್‌ ಬ್ಯೂಟಿ ಸ್ಟುಡಿಯೊ ದೇಶಕ್ಕಾಗಿ ಹೋರಾಡಿದ ಸೇನಾಧಿಕಾರಿಗೆ ಕೃತಜ್ಞತೆ ಅರ್ಪಿಸಿದೆ.

ಕೋರಮಂಗಲ 6 ನೇ ಹಂತದ ಸ್ಟುಡಿಯೊದಲ್ಲಿ ನೂರಾರು ಜನರು ಬಂದು ಅಭಿನಂದನ್‌ ಅವರಂತಾಗಲು ಮುಗಿಬಿದ್ದಿದ್ದರು. ಅವರಿಗೆಲ್ಲ ಉಚಿತವಾಗಿ ಕಟ್ಟಿಂಗ್‌ ಮಾಡಲಾಯಿತು.

ಈ ಕುರಿತು ಮಾತನಾಡಿದ ಸ್ಟುಡಿಯೊ ಮಾಲೀಕ ನಾನೇಶ್‌, ''ಶಿವರಾತ್ರಿ ಹಬ್ಬ ಇದ್ದರೂ ಜನರು ಹೆಚ್ಚಿನ ಸಂಖ್ಯೆಯಲ್ಲಿ ಬಂದು ಕಟ್ಟಿಂಗ್‌ ಮಾಡಿಸಿಕೊಂಡಿದ್ದಾರೆ. ಮುಂಜಾನೆ 6 ಗಂಟೆಯಿಂದ ಕೆಲಸ ಆರಂಭವಾಗಿದ್ದು, ಸಾರ್ವಜನಿಕರಿಂದ ಉತ್ತಮ ಸ್ಪಂದನೆ ದೊರೆತಿದೆ. ನಗರದಲ್ಲಿ ಎರಡು ಕಡೆ ಇರುವ ಮಳಿಗೆಗಳಲ್ಲೂ ಉಚಿತವಾಗಿ ಈ ಶೈಲಿಯ ಕಟಿಂಗ್‌ ಮಾಡಿಸಿಕೊಟ್ಟಿದ್ದೇವೆ. ಇದು ದೇಶದ ಯೋಧನಿಗೆ ನಾವು ಸಲ್ಲಿಸುವ ಗೌರವ,'' ಎಂದರು.

Read this in Telugu
Read this in Tamil