ಡ್ರಾಫ್ ಬೇಡ ಎಂದಿದ್ದಕ್ಕೆ ರಸ್ತೆಯಲ್ಲೇ ಮಹಿಳೆಯನ್ನು ತಬ್ಬಿಕೊಂಡು ಜೈಲು ಪಾಲಾದ

ಬೆಂಗಳೂರು: ಕುಡಿದ ಮತ್ತಿನಲ್ಲಿ ರಸ್ತೆಯಲ್ಲಿ ಹೋಗುತ್ತಿದ್ದ ಮಹಿಳೆಯನ್ನು ತಬ್ಬಿಕೊಂಡು ಅಸಭ್ಯತೆ ತೋರಿದ 28 ವರ್ಷದ ಜಿಮ್ ತರಬೇತುದಾರ ಜೈಲು ಪಾಲಾಗಿದ್ದಾನೆ.

ಜಿಮ್ ಅಲ್ವಿವ್ ಎಂದು ಗುರುತಿಸಿಕೊಂಡಿರುವ ಯಲಹಂಕದ ನಿವಾಸಿ ಬಂಧಿತ ಆರೋಪಿ. ರಸ್ತೆಯಲ್ಲಿ ನಡೆದು ಹೋಗುತ್ತಿದ್ದ ಮಹಿಳೆಯನ್ನಾತ ಏಕಾಏಕಿ ತಬ್ಬಿಕೊಂಡಿದ್ದ, ಬೆಚ್ಚಿ ಬಿದ್ದ ಮಹಿಳೆ ಸಹಾಯಕ್ಕಾಗಿ ಕೂಗಿಕೊಂಡಿದ್ದು ಸುತ್ತಮುತ್ತಲಿನವರು ಸಹಾಯಕ್ಕೆ ಧಾವಿಸಿದ್ದಾರೆ. ಬೆದರಿದ ಅಲ್ವಿನ್ ಬೈಕ್ ಏರಿ ಅಲ್ಲಿಂದ ಪರಾರಿಯಾಗಲು ಯತ್ನಿಸಿದನಾದರೂ ಜನರ ಕೈಗೆ ಸಿಕ್ಕಿಬಿದ್ದಿದ್ದಾನೆ.

ಆಕೆ ಒಬ್ಬಳೇ ನಡೆದುಕೊಂಡು ಹೋಗುತ್ತಿದ್ದಳು. ಹೀಗಾಗಿ ಬೈಕ್ ನಿಲ್ಲಿಸಿ ಡ್ರಾಫ್ ಕೊಡಲಾ ಎಂದು ಕೇಳಿದೆ. ಆದರೆ ಆಕೆ ನನ್ನ ಮಾತನ್ನು ಕಿವಿಗೆ ಹಾಕಿಕೊಳ್ಳದೆ ಮುಂದೆ ನಡೆದಾಗ ಅವಮಾನವೆನಿಸಿತು. ಹೀಗಾಗಿ ಆಕೆ ಹೋದ ದಿಕ್ಕಿಗೆ ಓಡಿ ಹೋಗಿ ತಬ್ಬಿಕೊಂಡೆ ಎಂದು ಆರೋಪಿ ವಿಚಾರಣೆ ವೇಳೆ ತಿಳಿಸಿದ್ದಾನೆ.