ಜಿಮ್‌,ಯೋಗ ಕೇಂದ್ರಗಳ ಕಾರ್ಯಾರಂಭ

ಬೆಂಗಳೂರು: ಕೊರೊನಾ ವೈರಸ್‌ ಹಿನ್ನೆಲೆಯಲ್ಲಿ ಕೇಂದ್ರ ಸರಕಾರ ವಿಧಿಸಿದ್ದ ಲಾಕ್‌ಡೌನ್‌ ಹಂತ- ಹಂತವಾಗಿ ತೆರವಾಗುತ್ತಿರುವುದರಿಂದ ಜಿಮ್‌ ಮತ್ತು ಯೋಗ ಕೇಂದ್ರಗಳು ಕಾರ್ಯಾರಂಭ ಮಾಡಿವೆ.

ಕೇಂದ್ರ ಆರೋಗ್ಯ ಇಲಾಖೆ ಹಲವು ಮಾರ್ಗಸೂಚಿಗಳನ್ನು ವಿಧಿಸಿ ಜಿಮ್‌ ಮತ್ತು ಯೋಗ ಕೇಂದ್ರಗಳ ಪ್ರಾರಂಭಕ್ಕೆ ಅನುಮತಿ ನೀಡಿದೆ. ಹೀಗಾಗಿ, ಜಿಮ್‌ನಲ್ಲಿ ಸಾಮಾಜಿಕ ಅಂತರ ಕಾಯ್ದುಕೊಂಡು ಮಾಸ್ಕ್‌, ಫೇಸ್‌ಶೀಲ್ಡ್‌ಗಳನ್ನು ಧರಿಸಿ ಕಸರತ್ತು ನಡೆಸಲಾಗುತ್ತಿದೆ. ಅದೇ ರೀತಿ ಯೋಗ ಕೇಂದ್ರಗಳಲ್ಲೂಅಂತರ ಕಾಯ್ದುಕೊಂಡು ಯೋಗ ನಡೆಸುತ್ತಿದ್ದಾರೆ.

ಜಿಮ್‌ ಮತ್ತು ಯೋಗ ಕೇಂದ್ರ ತೆರೆಯಲು ಅನುಮತಿ ದೊರೆತರೂ ಮೊದಲನೇ ದಿನ ಯೋಗ ಮತ್ತು ಜಿಮ್‌ಗಳಲ್ಲಿಕಸರತ್ತು ನಡೆಸುವವರ ಸಂಖ್ಯೆ ವಿರಳವಾಗಿತ್ತು. ಕಂಟೈನ್ಮೆಂಟ್‌ ವಲಯಗಳಲ್ಲಿರುವ ಜಿಮ್‌ ಕೇಂದ್ರಗಳಿಗೆ ನಿರ್ಬಂಧ ವಿಧಿಸಲಾಗಿದೆ.

''ಕಳೆದ ನಾಲ್ಕು ತಿಂಗಳಿಂದಲೂ ಲಾಕ್‌ಡೌನ್‌ ಜಾರಿಯಲ್ಲಿದ್ದರಿಂದ ಎಲ್ಲಾ ಕೇಂದ್ರಗಳು ಮುಚ್ಚಿದ್ದವು. ಹೀಗಾಗಿ, ಜನರು ಭೀತರಾಗಿ ನಿರೀಕ್ಷಿತ ಮಟ್ಟದಲ್ಲಿಬರುತ್ತಿಲ್ಲ. ಹಂತ ಹಂತವಾಗಿ ಕೊರೊನಾ ವೈರಸ್‌ ಸೋಂಕು ಕಡಿಮೆಯಾಧಿದರೆ ಹೆಚ್ಚು ಜನರು ಬರಲು ಅನುಕೂಲವಾಗುತ್ತದೆ'' ಎಂದು ಜಿಮ್‌ ಮಾಲೀಕ ಪೀಟರ್‌ ತಿಳಿಸಿದರು.