ಪಾದರಾಯನಪುರದಲ್ಲಿ ಕೊರೊನಾ ಆತಂಕದ ನಡುವೆಯೂ ಭರ್ಜರಿ ಶಾಪಿಂಗ್‌

ಬೆಂಗಳೂರು: ಪಾದರಾಯನಪುರದಲ್ಲಿ ಹೊಸ ಹೊಸ ಸೋಂಕಿತರು ಪತ್ತೆಯಾಗುತ್ತಿರುವುದು ಆತಂಕ ಹೆಚ್ಚಿಸಿರುವ ಸಮಯದಲ್ಲೇ ರಂಜಾನ್‌ಗಾಗಿ ಭರ್ಜರಿ ಶಾಪಿಂಗ್‌ ಕೂಡ ನಡೆಯುತ್ತಿದೆ.

ಇದುವರೆಗೆ ಪಾದರಾಯನಪುರದ 61 ಮಂದಿಯಲ್ಲಿ ಕೊರೊನಾ ಸೋಂಕು ಕಾಣಿಸಿಕೊಂಡಿದೆ. ಇದರ ನಡುವೆಯೂ ನೂರಾರು ಮಂದಿ ಮನೆಯಿಂದ ಹೊರಬಂದು ದಿನಸಿ, ತರಕಾರಿ, ಬಟ್ಟೆ ಸೇರಿದಂತೆ ರಂಜಾನ್‌ ಹಬ್ಬಕ್ಕೆ ಬೇಕಾದ ಸಾಮಗ್ರಿ ಖರೀದಿಸುತ್ತಿರುವುದು ಕಂಡುಬಂತು.

ಸೀಲ್‌ ಡೌನ್‌ ಮಾಡಿದಾಗಿನಿಂದಅತೀ ಹೆಚ್ಚಿನ ಸಂಖ್ಯೆಯಲ್ಲಿ ನಿವಾಸಿಗಳು ಮನೆಗಳಿಂದ ಹೊರಗೆ ಬಂದು ಖರೀದಿ ನಡೆಸಿದ್ದಾರೆ ಎಂದು ಸ್ಥಳೀಯರು ಮಾಹಿತಿ ನೀಡಿದರು.

ಏರಿಯಾದ ಒಳಗೆ ಅಧಿಕಾರಿಗಳು ಸುತ್ತು ಹಾಕಿ ಹೋದ ಬಳಿಕ ಬೆಳಗ್ಗೆ ಅಪಾರ ಸಂಖ್ಯೆಯಲ್ಲಿಜನ ಹೊರಗೆ ಬಂದಿದ್ದಾರೆ. ಇಷ್ಟು ದಿನ ಬಂದ್‌ ಆಗಿದ್ದ ಅಂಗಡಿಗಳು ಹಬ್ಬದ ಖರೀದಿಗಾಗಿ ಮೂರು ಗಂಟೆ ಕಾಲ ತೆರೆದದ್ದೇ ಜನ ಏಕಾಏಕಿ ಅಂಗಡಿಗಳಿಗೆ ಮುಗಿಬಿದ್ದರು. ದಿನಸಿಯಿಂದ ಹಿಡಿದು ಚಪ್ಪಲಿ, ಬಟ್ಟೆ, ಹಣ್ಣಿನ ಅಂಗಡಿಗಳಿಗೂ ಜನ ಮುಗಿಬಿದ್ದರು.

ಕೊರೊನಾ ಏರಿಯಾದಲ್ಲೇ ಮನೆ ಮಾಡಿದೆ ಎನ್ನುವ ಆತಂಕವನ್ನೂ ಮರೆತು ಸಾಮಾಜಿಕ ಅಂತರಕ್ಕೆ ತಿಲಾಂಜಲಿ ಇಟ್ಟು ಖರೀದಿಯಲ್ಲಿಮುಳುಗಿದರು. ಅಗತ್ಯ ವಸ್ತು ಮಾತ್ರಲ್ಲದೆ ಬೀದಿ ಬದಿ ವ್ಯಾಪಾರಿಗಳ ಬಳಿಯೂ ಮುಗಿಬಿದ್ದು ಖರೀದಿ ನಡೆಸಿದರು. ಆದರೆ ಕಳೆದ ತಿಂಗಳು ದಾಂಧಲೆ ನಡೆಸಿ ಬಂಧಿತರಾದ ಆರೋಪಿಗಳ ಕುಟುಂಬಗಳಲ್ಲಿಈ ಬಾರಿ ಹಬ್ಬದ ಸಡಗರ ಇಲ್ಲಎನ್ನುತ್ತಾರೆ ಸ್ಥಳೀಯ ನಿವಾಸಿಗಳು.

ಸಿಗದ ಜಾಮೀನು

ಪಾದರಾಯನಪುರದಲ್ಲಿ ದಾಂಧಲೆ ನಡೆಸಿ ಬಂಧಿತರಾಗಿರುವ ಆರೋಪಿಗಳು ನ್ಯಾಯಾಲಯಗಳಿಗೆ ರಜೆ ಇರುವುದರಿಂದ ಜಾಮೀನು ಅರ್ಜಿ ಸಲ್ಲಿಸಲೂ ಸಾಧ್ಯವಾಗದೆ ಪರದಾಡುತ್ತಿದ್ದಾರೆ ಎಂದು ಪೊಲೀಸರು ತಿಳಿಸಿದ್ದಾರೆ.

ವಲಿ ಭಾಷಾ ವರ್ಗಾವಣೆ

ಮಹತ್ವದ ಬೆಳವಣಿಗೆಯಲ್ಲಿ ವಿವಿಪುರಂ ಉಪ ವಿಭಾಗದ ಎಸಿಪಿ ವಲಿಭಾಷಾ ಅವರನ್ನು ಸಿಐಡಿಗೆ ವರ್ಗಾವಣೆ ಮಾಡಲಾಗಿದೆ. ಸೀಲ್‌ ಡೌನ್‌ ಆಗಿರುವ ಎರಡೂ ವಾರ್ಡ್‌ ಗಳೂ ವಿವಿಪುರಂ ಉಪ ವಿಭಾಗದ ವ್ಯಾಪ್ತಿಯಲ್ಲೇ ಇದ್ದು ಇಲ್ಲಿನ ಎಸಿಪಿಯಾಗಿ ಮೂರು ವರ್ಷಗಳಿಂದ ಕಾರ್ಯ ನಿರ್ವಹಿಸಿದ್ದರು.