ಜಯದೇವ ಜಗತ್ತಿನ ಶ್ರೇಷ್ಠ ಹೃದಯ ಚಿಕಿತ್ಸಾ ಕೇಂದ್ರ: ಯುರೋಪ್‌ನ ಹಾರ್ಟ್‌ ಜರ್ನಲ್‌ನಲ್ಲಿ ವರದಿ

ಬೆಂಗಳೂರು: ಕಡಿಮೆ ದರದಲ್ಲಿ ಗುಣಮಟ್ಟದ ಚಿಕಿತ್ಸೆ ನೀಡುತ್ತಿರುವ ಜಯದೇವ ಹೃದ್ರೋಗ ವಿಜ್ಞಾನ ಮತ್ತು ಸಂಶೋಧನಾ ಸಂಸ್ಥೆಗೆ 'ಜಗತ್ತಿನ ಶ್ರೇಷ್ಠ ಹೃದಯ ಚಿಕಿತ್ಸಾ ಕೇಂದ್ರ' ಎಂಬ ಗೌರವ ದೊರೆತಿದೆ.

ಯುರೋಪ್‌ನ ಹಾರ್ಟ್‌ ಜರ್ನಲ್‌ನ ಸೆಪ್ಟೆಂಬರ್‌ ತಿಂಗಳ ಸಂಚಿಕೆಯಲ್ಲಿ ಆಸ್ಪತ್ರೆಯ ಸೌಲಭ್ಯಗಳ ಕುರಿತು ವರದಿ ಪ್ರಕಟವಾಗಿದ್ದು, 'ಕಾರ್ಡಿಯಾಕ್‌ ಸೆಂಟರ್‌ ಫಾರ್‌ ಎಕ್ಸಲೆನ್ಸ್‌' ಎಂದು ಶ್ಲಾಘಿಸಲಾಗಿದೆ. ಸಂಸ್ಥೆಯಲ್ಲಿ ಪ್ರತಿದಿನ 1,500 ರೋಗಿಗಳು ಚಿಕಿತ್ಸೆ ಪಡೆಯುತ್ತಿದ್ದಾರೆ. ನಿತ್ಯ ಸರಾಸರಿ 15 ತೆರೆದ ಶಸ್ತ್ರಚಿಕಿತ್ಸೆಗಳು ನಡೆಯುತ್ತಿವೆ. ಸಂಸ್ಥೆಯಲ್ಲಿ ಜನರಿಗೆ ಕಡಿಮೆ ದರದಲ್ಲಿ ಅತ್ಯಾಧುನಿಕ ಹೃದಯ ಚಿಕಿತ್ಸೆ ಮತ್ತು ಆರ್ಥಿಕವಾಗಿ ಹಿಂದುಳಿದವರಿಗೆ ಉಚಿತ ಚಿಕಿತ್ಸೆ ದೊರೆಯುತ್ತಿದೆ ಎಂದು ಜರ್ನಲ್‌ನ ವರದಿಯಲ್ಲಿ ಉಲ್ಲೇಖಿಸಲಾಗಿದೆ.

ಬೆಂಗಳೂರು ಆಸ್ಪತ್ರೆಯಲ್ಲಿ 700, ಮೈಸೂರು ಆಸ್ಪತ್ರೆಯಲ್ಲಿ 400 ಹಾಗೂ ಕಲಬುರ್ಗಿ ಆಸ್ಪತ್ರೆಯಲ್ಲಿ 130 ಹಾಸಿಗೆಗಳಿವೆ. ಹೆಚ್ಚು ರೋಗಿಗಳಿಗೆ ನೆರವಾಗಲು ಬೆಂಗಳೂರು ಮತ್ತು ಕಲಬುರ್ಗಿ ಆಸ್ಪತ್ರೆಗಳಲ್ಲಿ ಮತ್ತಷ್ಟು ಹಾಸಿಗೆಗಳನ್ನು ಅಳವಡಿಸುವ ಯೋಜನೆ ರೂಪಿಸಲಾಗುತ್ತಿದೆ. ಇನ್ಫೋಸಿಸ್‌ ಪ್ರತಿಷ್ಠಾನವು ಆಸ್ಪತ್ರೆಗೆ 300 ಹಾಸಿಗೆ ಸಾಮರ್ಥ್ಯದ ಕಟ್ಟಡವನ್ನು ನಿರ್ಮಿಸಿಕೊಡುತ್ತಿದೆ.

ಈ ಸುದ್ದಿ ಓದಿ: ಜಯದೇವದಲ್ಲಿ ಫುಡ್‌ಕೋರ್ಟ್‌ ಉದ್ಘಾಟನೆ

ಆಸ್ಪತ್ರೆಗೆ ಈ ಗೌರವ ದೊರೆತಿದ್ದಕ್ಕೆ ನಿರ್ದೇಶಕ ಡಾ. ಸಿ.ಎನ್‌.ಮಂಜುನಾಥ್‌ ಸಂತಸ ವ್ಯಕ್ತಪಡಿಸಿದ್ದಾರೆ.

ಇದನ್ನೂ ಓದಿ: ಜಯದೇವ ಆಸ್ಪತ್ರೆಯೇ ನನ್ನ ಮೊದಲ ಪತ್ನಿ!, ಹೀಗೆನ್ನುತ್ತ ನಕ್ಕರು ಡಾ. ಸಿ.ಎನ್‌.ಮಂಜುನಾಥ್

ಸಂತೃಸ್ತರಿಗೆ ಜಯದೇವ ನೌಕರರಿಂದ 28 ಲಕ್ಷ ರೂ. ನೆರವು