ಮೆಟ್ರೊ ಸ್ಟೇಶನ್‌ನಲ್ಲಿಬರಲಿದೆ ಹೋಟೆಲ್‌, ಸಲೂನ್‌

* ಟೆಂಡರ್‌ ಕರೆದ ಬಿಎಂಆರ್‌ಸಿಎಲ್‌ * ಪ್ರಯಾಣಿಕರಿಗೆ ನಾನಾ ಸೌಲಭ್ಯಗಳು

ಬೆಂಗಳೂರು: ಎಲ್ಲವೂ ಅಂದುಕೊಂಡಂತೆ ನಡೆದರೆ, ಮೆಟ್ರೊ ನಿಲ್ದಾಣಗಳಲ್ಲಿಪ್ರಯಾಣಿಕರು ಶೀಘ್ರ ಊಟ ಸವಿಯಬಹುದು, ಹೇರ್‌ಕಟ್‌ ಕೂಡ ಮಾಡಿಸಬಹುದು !

ವಿಸ್ತಾರವಾಗಿರುವ ನಿಲ್ದಾಣಗಳ ಆವರಣವನ್ನು ಸದುಪಯೋಗಪಡಿಸಿಕೊಳ್ಳಲು ಹಾಗೂ ಪ್ರಯಾಣಿಕರ ಅಗತ್ಯಗಳನ್ನು ಪೂರೈಸಲು ಬಿಎಂಆರ್‌ಸಿಎಲ್‌ ಹಸಿರು ಮತ್ತು ನೇರಳೆ ಮಾರ್ಗಗಳಲ್ಲಿನ 11 ಮೆಟ್ರೊ ಸ್ಟೇಶನ್‌ಗಳಲ್ಲಿವಿವಿಧ ಮಳಿಗೆಗಳನ್ನು ಪ್ರಾರಂಭಿಸಲು ಟೆಂಡರ್‌ ಕರೆದಿದೆ. ರೆಸ್ಟೊರೆಂಟ್‌ಗಳು, ರೆಸ್ಟೊರೆಂಟ್‌ ಕಂ ಪಾರ್ಟಿಹಾಲ್‌, ಬ್ಯೂಟಿ ಸಲೂನ್‌, ಕೆಫೆ, ಫುಡ್‌ಕೋರ್ಟ್‌, ಮೆಡಿಕಲ್‌ಶಾಪ್‌ಗ್ಳು ಇದರಲ್ಲಿಸೇರಿವೆ. ಮಳಿಗೆಗಳ ಆರಂಭಕ್ಕೆ ಸಂಬಂಧಿಸಿದಂತೆ ಅರ್ಜಿಯ ತಾಂತ್ರಿಕ ಪರಿಶೀಲನೆ ಬಳಿಕ ಬಿಎಂಆರ್‌ಸಿಎಲ್‌ ಆರ್ಥಿಕ ಟೆಂಡರ್‌ ಕರೆಯಲಿದೆ.

ಬಿಎಂಆರ್‌ಸಿಎಲ್‌ ನ ಮುಖ್ಯ ಸಾರ್ವಜನಿಕ ಸಂಪರ್ಕಾಧಿಕಾರಿ ಮತ್ತು ಆರ್ಥಿಕ ವಿಭಾಗದ ಪ್ರಧಾನ ವ್ಯವಸ್ಥಾಪಕ ಯು.ಎ. ವಸಂತ್‌ ರಾವ್‌ ಈ ಬಗ್ಗೆ ಪ್ರತಿಕ್ರಿಯಿಸಿ ''ಸ್ಟೇಶನರಿ, ದಿನಸಿ ವಸ್ತುಗಳು, ರೆಸ್ಟೊರೆಂಟ್‌ ಹೀಗೆ ವಿವಿಧ ಸೌಲಭ್ಯಗಳು ಪ್ರಯಾಣಿಕರಿಗೆ ಸುಲಭವಾಗಿ ಸಿಗುವಂತಿರಬೇಕು. ಈ ನಿಟ್ಟಿನಲ್ಲಿಅರ್ಜಿ ಕರೆಯಲಾಗಿದೆ,'' ಎಂದರು.

ಮೆಟ್ರೊ ನಿಲ್ದಾಣಗಳಲ್ಲಿಇನ್ನಷ್ಟು ಎಟಿಎಂ ಆರಂಭಿಸಲು ಕೂಡ ಅರ್ಜಿ ಆಹ್ವಾನಿಸಲಾಗಿದೆ ಎಂದು ವಸಂತ ರಾವ್‌ ಹೇಳಿದರು. ''ಮೆಟ್ರೊ ನಿಲ್ದಾಣ ಆವರಣದಲ್ಲಿಎಟಿಎಂ ಆರಂಭಿಸುವುದು ಬ್ಯಾಂಕುಗಳಿಗೆ ಲಾಭಕರವಾಗಲಿದೆ. ಎಟಿಎಂ ಸ್ಥಾಪನೆಗೆ ಏರ್‌ಕಂಡಿಶನ್‌ ಅಳವಡಿಸಬೇಕು, ಕನಿಷ್ಠ ಒಬ್ಬ ಭದ್ರತಾ ಸಿಬ್ಬಂದಿ ಇರಬೇಕು ಮತ್ತಿತರ ಷರತ್ತುಗಳಿವೆ. ಇವುಗಳನ್ನೆಲ್ಲ ನಾವೇ ನೋಡಿಕೊಳ್ಳುತ್ತೇವೆ. ಪ್ರಯಾಣಿಕರು ಸುರಕ್ಷಿತವಾಗಿ ಹಣದ ವ್ಯವಹಾರ ಮಾಡಬಹುದು. ಎಟಿಎಂಗಳಲ್ಲಿಮೆಟ್ರೊ ಕಾರ್ಡ್‌ ರಿಚಾರ್ಜ್‌ ಮಾಡುವಂತಹ ಸೇವೆಯನ್ನು ಒದಗಿಸಲು ಒಡಂಬಡಿಕೆ ಮಾಡಿಕೊಳ್ಳಲಿದ್ದೇವೆ,'' ಎಂದರು.

''40 ನಿಲ್ದಾಣಗಳಲ್ಲಿ24 ಗಂಟೆಯೂ ತೆರೆದಿರುವ ಮೆಡಿಕಲ್‌ ಶಾಪ್‌ ಆರಂಭಿಸಲು ನಾವು ಉತ್ಸುಕರಾಗಿದ್ದೇವೆ. ಮೆಡಿಕಲ್‌ ಶಾಪ್‌ಗ್ಳು ನಿಲ್ದಾಣದ ಹೊರ ಭಾಗದಲ್ಲಿರಲಿವೆ. ಮೆಟ್ರೊ ರೈಲುಗಳ ಸಂಚಾರಕ್ಕೂ ಇವುಗಳ ಕಾರ್ಯ ನಿರ್ವಹಣೆಗೂ ಸಂಬಂಧವಿರುವುದಿಲ್ಲ ,'' ಎಂದು ವಸಂತ ರಾವ್‌ ವಿವರಿಸಿದರು.