ಹುಳಿಮಾವು ಕೆರೆ ಅನಾಹುತ: ಬಿಬಿಎಂಪಿ, ಬಿಡಿಎಯನ್ನು ತರಾಟೆಗೆ ತೆಗೆದುಕೊಂಡ ಹೈಕೋರ್ಟ್

ಬೆಂಗಳೂರು: ಹುಳಿಮಾವು ಕೆರೆ ಕೋಡಿ ಒಡೆದ ಪ್ರಕರಣದ ಬಗ್ಗೆ ಹೈಕೋರ್ಟ್‌ನಲ್ಲಿ ವಿಚಾರಣೆ ನಡೆದಿದೆ. ಈ ವೇಳೆ ಬಿಬಿಎಂಪಿ, ಬಿಡಿಎಯನ್ನು ಉಚ್ಛ ನ್ಯಾಯಾಲಯ ತರಾಟೆಗೆ ತೆಗೆದುಕೊಂಡಿದೆ.

ಹುಳಿಮಾವು ಕೆರೆ ಕೋಡಿ ಒಡೆದ ಪ್ರಕರಣದ ವಿಚಾರಣೆ ವೇಳೆ ಇತರೆ ಕೆರೆಗಳ ವಿಚಾರದ ಬಗ್ಗೆಯೂ ಹೈಕೋರ್ಟ್‌ನಲ್ಲಿ ಪ್ರಸ್ತಾಪ ನಡೆದಿದೆ. ಈ ವೇಳೆ ಹುಳಿಮಾವು ಕೆರೆ ಕೋಡಿ ಒಡೆದಿದ್ದು ಬಿಬಿಎಂಪಿ ಅಜಾಗರೂಕತೆಯಿಂದ ಎಂದು ಬಿಡಿಎ‌ ಹೇಳುತ್ತಿದೆ, ಬಿಡಿಎ ಅಜಾಗರೂಕತೆಯಿಂದ ಎಂದು ಬಿಬಿಎಂಪಿ ಹೇಳುತ್ತಿದೆ ಎಂದು ಹೈಕೋರ್ಟ್‌ ಬಿಬಿಎಂಪಿ, ಬಿಡಿಎಗೆ ಚಾಟಿ ಬೀಸಿದೆ.

ಅಲ್ಲದೆ, ಇಬ್ಬರೂ ಪರಸ್ಪರ ಒಬ್ಬರ ಮೇಲೋಬ್ಬರು ಆರೋಪ ಮಾಡಿದರೆ ಸಾಲದು, ಕೋಡಿ ಒಡೆದಿದ್ದರಿಂದ ಸಾವಿರಾರು ಜನರಿಗೆ ಸಮಸ್ಯೆಯಾಗಿದೆ. ಈ ಹಿನ್ನೆಲೆ ಅವರಿಗೆ ಪುನರ್ವಸತಿಯ ವ್ಯವಸ್ಥೆ ಕಲ್ಪಿಸಬೇಕು ಎಂದು ರಾಜ್ಯ ಹೈಕೋರ್ಟ್ ಸೂಚನೆ ನೀಡಿತು.

ಈ ಸುದ್ದಿ ಓದಿ: ಹುಳಿಮಾವು ಕೆರೆ ಅನಾಹುತ: ಲೋಕಾಯುಕ್ತರಿಂದ ಸ್ಥಳ ಪರಿಶೀಲನೆ; ಬಿಬಿಎಂಪಿಗೆ 2 ವಾರ ಗಡುವು

ಇನ್ನು, ರಾಜ್ಯ ಸರಕಾರ ಬಿಬಿಎಂಪಿ ಹಾಗು‌ ಬಿಡಿಎ ನಡುವೆ ಮಧ್ಯಸ್ಥಿಕೆ ವಹಿಸಬೇಕು. ಘಟನೆಗೆ ನಿಖರವಾದ ಕಾರಣ ಏನು ಅಂತ ಪತ್ತೆ ಹಚ್ಚಬೇಕು, ಮತ್ತೊಮ್ಮೆ ಇಂತಹ ಘಟನೆ ನಡೆಯದಂತೆ ಎಚ್ಚರಿಕೆ ವಹಿಸಬೇಕು ಎಂದೂ ಬಿಜೆಪಿ ಸರಕಾರಕ್ಕೆ ಹೈಕೋರ್ಟ್‌ ಹೇಳಿದೆ.

ಇದನ್ನೂ ಓದಿ: ಇದೂ ಬೆಂಗಳೂರಾ? ರಾಜಧಾನಿಯ ಪ್ರವಾಹದ ಅಬ್ಬರ ನೋಡಿದ್ರೆ ಆಶ್ಚರ್ಯವಾಗುತ್ತೆ!

ಅಲ್ಲದೆ, ಅಗತ್ಯವಿದ್ದಲ್ಲಿ ನೀರಿಯಂತಹ ಪರಿಣಿತ ಸಂಸ್ಥೆಯ ಸಹಾಯವನ್ನು ಪಡೆದು ಯಾವ ಕಾರಣಕ್ಕೆ ಕೋಡಿ ಒಡೆಯಿತು ಎಂದು ಪತ್ತೆ ಹಚ್ಚಿ. ಮುಂದಿನ ವಿಚಾರಣೆ ವೇಳೆ ಈ ಬಗ್ಗೆ ನಿಖರ ಕಾರಣ ತಿಳಿಸಲು ಹೈಕೋರ್ಟ್ ಸರಕಾರಕ್ಕೆ ಆದೇಶ ನೀಡಿದೆ.

ಭಾರಿ ಮಳೆಗೆ ತುಂಬಿ ಹರಿದ ಬೆಂಗಳೂರಿನ 9 ಕೆರೆಗಳು

ಇತ್ತೀಚೆಗೆ ಲೋಕಾಯುಕ್ತ ನ್ಯಾಯಮೂರ್ತಿ ಪಿ. ವಿಶ್ವನಾಥ ಶೆಟ್ಟಿ ಸಹ ಹುಳಿಮಾವು ಕೆರೆ ಅನಾಹುತ ಪ್ರಕರಣದ ಬಗ್ಗೆ ತನಿಖೆ ನಡೆಸಲು ಸೂಚಿಸಿದ್ದರು.