ಆರ್ಥಿಕ ಕುಸಿತವಿದ್ದರೂ ಬೆಂಗಳೂರು ವಿಶ್ವದ 2ನೇ ಡೈನಮಿಕ್‌ ಸಿಟಿ, ಹೈದರಾಬಾದ್‌ ಫಸ್ಟ್

ಹೊಸದಿಲ್ಲಿ: ಸಾಮಾಜಿಕ-ಆರ್ಥಿಕ ಮತ್ತು ವಾಣಿಜ್ಯಾತ್ಮಕ ರಿಯಲ್‌ ಎಸ್ಟೇಟ್‌ ಮತ್ತಿತರ ವಲಯಗಳಿಗೆ ಸಂಬಂಧಿಸಿದ ವಿಶ್ವದ ಸಕ್ರಿಯ ನಗರಗಳ ಪಟ್ಟಿಯಲ್ಲಿ(ಡೈನಮಿಕ್‌ ಸಿಟಿ) ಹೈದರಾಬಾದ್‌ ಮೊದಲ ಸ್ಥಾನದಲ್ಲಿದೆ. ಬೆಂಗಳೂರು ಎರಡನೇ ಸ್ಥಾನದಲ್ಲಿದೆ. ಕಳೆದ ವರ್ಷ ಬೆಂಗಳೂರು ನಂ.1 ಸ್ಥಾನದಲ್ಲಿತ್ತು. ಹೈದರಾಬಾದ್‌ 2ನೇ ಸ್ಥಾನದಲ್ಲಿತ್ತು.

ವಿಶ್ವದ 130 ಸಕ್ರಿಯ ನಗರಗಳನ್ನು ಗ್ಲೋಬಲ್‌ ಪ್ರಾಬರ್ಟಿ ಕನ್ಸಲ್ಟೆಂಟ್‌ ಜೆಎಲ್‌ಎಲ್‌ ಇಂಡಿಯಾ ಪಟ್ಟಿ ಮಾಡಿದ್ದು, 'ಟಾಪ್‌- 20'ರಲ್ಲಿ ಭಾರತದ 7 ನಗರಗಳಿವೆ. ಆರ್ಥಿಕ ಮಂದಗತಿಯ ನಡುವೆಯೂ ಭಾರತದ ನಗರಗಳು ಉತ್ತಮ ರ‍್ಯಾಂಕ್‌ ಗಳಿಸಿವೆ.

''ವಿಶ್ವದ ಡೈನಮಿಕ್‌ ಸಿಟಿಗಳಲ್ಲಿ ಹೈದರಾಬಾದ್‌ ಮೊದಲ ಸ್ಥಾನದಲ್ಲಿದೆ. ಜಿಡಿಪಿ ಬೆಳವಣಿಗೆ, ರಿಟೇಲ್‌ ಸೇಲ್ಸ್‌, ವಿಮಾನ ನಿಲ್ದಾಣದ ಪ್ರಯಾಣಿಕರ ಸಂಖ್ಯೆ ವೃದ್ಧಿ ಮತ್ತಿತರ ಅಂಶಗಳನ್ನು ಪರಿಗಣಿಸಲಾಗಿದೆ,'' ಎಂದು ಜೆಎಲ್‌ಎಲ್‌ ವರದಿಯಲ್ಲಿ ಹೇಳಲಾಗಿದೆ.

''ಸರಕಾರದ ಸುಧಾರಣೆಗಳು, ಮೂಲಸೌಕರ್ಯ ವಲಯದ ಅಭಿವೃದ್ಧಿ ಮತ್ತು ಮಾರುಕಟ್ಟೆಯಲ್ಲಿ ಪಾರದರ್ಶಕತೆಯಿಂದಾಗಿ ರಿಯಲ್‌ ಎಸ್ಟೇಟ್‌ ಬೆಳವಣಿಗೆಗೆ ಪುಷ್ಟಿ ಸಿಕ್ಕಿದೆ. ದಕ್ಷಿಣ ಭಾರತದ ನಗರಗಳು ವಾಣಿಜ್ಯಾತ್ಮಕ ರಿಯಲ್‌ ಎಸ್ಟೇಟ್‌ ವಲಯದಲ್ಲಿ ತ್ವರಿತ ಬೆಳವಣಿಗೆ ದಾಖಲಿಸಿವೆ,'' ಎಂದು ವರದಿ ಹೇಳಿದೆ.

ಮಂಗಳೂರು ವಿಶ್ವದ ನೂರು ನಗರಗಳಲ್ಲಿ ಸುರಕ್ಷಿತ !

ಯಾವ ನಗರಕ್ಕೆ ಯಾವ ರ‍್ಯಾಂಕ್‌:

ಹೈದರಾಬಾದ್‌-1

ಬೆಂಗಳೂರು-2

ಚೆನ್ನೈ-5

ದಿಲ್ಲಿ- 6

ಪುಣೆ-12

ಕೋಲ್ಕೊತಾ-16

ಮುಂಬಯಿ-20