ಚಾಲಕನ ಕೈಲಿ ಷೂ ಹಿಡಿಸಿದ ಅಧಿಕಾರಿ

ಬೆಂಗಳೂರು: ಕಾರು ಚಾಲಕನಲ್ಲಿ ಷೂ ಹಿಡಿದುಕೊಳ್ಳಲು ಹೇಳುವ ಮೂಲಕ ಕರ್ನಾಟಕ ನೀರಾವರಿ ನಿಗಮದ ಅಧೀಕ್ಷಕ ಎಂಜಿನಿಯರ್‌ ಕೃಷ್ನೋಜಿ ರಾವ್‌ ವಿಐಪಿ ಸಂಸ್ಕೃತಿಗೆ ಕೆಟ್ಟ ಮಾದರಿಯಾಗಿದ್ದಾರೆ.

ಖಾನಾಪುರ ತಾಲೂಕಿನ ಕನಕುಂಬಿಯಲ್ಲಿ ಕಳಸಾ ನಾಲೆಯ ಪರಿಶೀಲನೆಗೆ ತೆರಳಿದ್ದಾಗ ಅಲ್ಲಿ ಮಳೆಯಿಂದಾಗಿ ಕೆಸರು ನೀರು ತುಂಬಿತ್ತು. ಆ ವೇಳೆ ಅಧಿಕಾರಿಯು ಷೂ ಬಿಚ್ಚಿ ಅದನ್ನು ಹಿಡಿದುಕೊಳ್ಳುವಂತೆ ಚಾಲಕನಿಗೆ ಹೇಳಿದ್ದಾರೆ. ಇದನ್ನು ಸ್ಥಳೀಯ ಮಾಧ್ಯಮಗಳು ಸೆರೆ ಹಿಡಿದಿವೆ.

ಅಧಿಕಾರಿಯ ಈ ದರ್ಪ ಸರಕಾರಿ ಕಾರು ಚಾಲಕರ ಆಕ್ರೋಶಕ್ಕೆ ಕಾರಣವಾಗಿದೆ. ಇದೊಂದು ಆಘಾತಕಾರಿ ಘಟನೆ ಎಂದು ಬೆಳಗಾವಿ ಜಿಲ್ಲಾ ಸರಕಾರಿ ಕಾರು ಚಾಲಕರ ಸಂಘದ ಸಂಜಯ್‌ ತಲ್ವಾರ್‌ ಹೇಳಿದ್ದಾರೆ.

Karnataka official : In an ugly display of VIP culture, Krishnoji Rao, superintendent engineer of Karnataka Neeravari Nigam Ltd (KNNL), on Tuesday made his car driver, a government employee, lift his shoes.