ಬೆಂಗ್ಳೂರಿಗರೇ ಸಿಮ್ ಕಾರ್ಡ್ ಸ್ವಾಪ್ ವಂಚನೆ ಬಗ್ಗೆ ಎಚ್ಚರವಿರಲಿ!

ಬೆಂಗಳೂರು: ಹಾಗೊಂದು ವೇಳೆ ನೀವು ಕೂಡಾ ನಿಮ್ಮ 3ಜಿ ಸಿಮ್ ಕಾರ್ಡ್ ಹೊಂದಿರುವ ಮೊಬೈಲ್ ಫೋನ್, ಆನ್ಲೈನ್‌ಗೆ ಲಿಂಕ್ ಮಾಡಿದ್ದಲ್ಲಿ ನಾವಿಲ್ಲಿ ವರದಿ ಮಾಡುವ ವಿಷಯದ ಬಗ್ಗೆ ಎಚ್ಚರವಿರಲಿ!

2016 ಮಧ್ಯಂತರ ಅವಧಿಯಿಂದ ಇದುವರೆಗೆ ಬೆಂಗಳೂರಿನಲ್ಲಿ 30ರಷ್ಟು ಮಂದಿ ಸಿಮ್ ಕಾರ್ಡ್ ಸ್ವಾಪ್ ವಂಚನೆಗೊಳಗಾಗಿದ್ದಾರೆ ಎಂಬುದನ್ನು ಸಿಐಡಿ ಸೈಬರ್ ಕ್ರೈಮ್ ವಿಭಾಗ ಬಹಿರಂಗಪಡಿಸಿದೆ.

ಮೊಬೈಲ್ ಔಟ್ಲೆಟ್ ಅಥವಾ ಆನ್ಲೈನ್ ಮುಖಾಂತರ ವಂಚನೆಗೊಳಗಾಗುವ ವ್ಯಕ್ತಿಯ ಹೆಸರಲ್ಲಿ 4ಜಿ ಸಿಮ್ ಪಡೆಯುವ ಆರೋಪಿಗಳು, ಬಳಿಕ 4ಜಿ ಸಿಮ್ ವಿಳಾಸಕ್ಕೆ ರವಾನಿಸುತ್ತಾರೆ.

ಬಳಿಕ ತಾವು ಮೊಬೈಲ್ ಸೇವಾ ಕೇಂದ್ರದಿಂದ ಕರೆ ಮಾಡುವುದಾಗಿ ನಂಬಿಸುವ ಆರೋಪಿಗಳು, ವಂಚನೆಗೊಳಗಾದ ವ್ಯಕ್ತಿಯಲ್ಲಿ 3ಜಿಯಿಂದ 4ಜಿಗೆ ವರ್ಗಾವಣೆಯಾಗಲು 20 ಡಿಜಿಟ್ ನಂಬರ್ ಎಸ್‌ಎಂಎಸ್ ಮುಖಾಂತರ ಕಳುಹಿಸಿಕೊಟ್ಟು ಆಕ್ಟಿವೇಟ್ ಮಾಡುವಂತೆ ವಿನಂತಿಸಿಕೊಳ್ಳುತ್ತಾರೆ.

ಒಮ್ಮೆ ವಂಚನೆಗೆ ಒಳಗಾದ ವ್ಯಕ್ತಿಯ 3ಜಿ ಸಿಮ್ ನಿಷ್ಕ್ರಿಯವಾದ ಬಳಿಕ 4ಜಿ ಜೊತೆಗಿನ ಆರೋಪಿಯ ಸೆಲ್ ಫೋನನ್ನು ಅದೇ ನಂಬರ್‌ನಿಂದ ಹ್ಯಾಕ್ ಮಾಡಿ ಆಕ್ಟಿವೇಟ್ ಮಾಡುತ್ತಾರೆ.

ಒನ್‌ಟೈಮ್ ಪಾಸ್‌ವಾರ್ಡ್ ಗಿಟ್ಟಿಸಿಕೊಂಡ ಬಳಿಕ ಸುಲಭವಾಗಿ ಆನ್ಲೈನ್‌ನಲ್ಲಿ ಶಾಂಪಿಂಗ್ ಮಾಡಲು ಹಾಗೂ ಬ್ಯಾಂಕ್ ಖಾತೆಗೆ ಹಣ ವರ್ಗಾಯಿಸಲು ಸಾಧ್ಯವಾಗುತ್ತದೆ ಎಂಬುದನ್ನು ಸಿಐಡಿ ಸೈಬರ್ ಕ್ರೈಮ್ ವಿಭಾಗ ವಿವರಿಸಿದೆ.

ಬೆಂಗಳೂರಿನಲ್ಲಿ ಇದುವರೆಗೆ 30ರಷ್ಟು ಸಿಮ್ ಕಾರ್ಡ್ ಸ್ವಾಪ್ ವಂಚನೆಗೊಳಗಾಗಿದ್ದು, ಇದರ ಹಿಂದೆ ದೊಡ್ಡ ಜಾಲದ ಕೈವಾಡವನ್ನು ಶಂಕಿಸಲಾಗಿದೆ.