ಮೂರು ತಿಂಗಳ ಹಿಂದೆ ಎಚ್ಎಎಲ್ ವಿಮಾನ ನಿಲ್ದಾಣದಿಂದ ಪರೀಕ್ಷಾರ್ಥ ಹಾರಾಟ ನಡೆಸಿದ ವೇಳೆ ಇಬ್ಬರು ಪೈಲಟ್ಗಳ ಸಾವಿಗೆ ಕಾರಣವಾದ ಸುಧಾರಿತ 'ಮಿರಾಜ್ 2000' ತರಬೇತಿ ಯುದ್ಧ ವಿಮಾನ ಪತನಕ್ಕೆ ಫ್ಲೈಟ್ ಕಂಪ್ಯೂಟರ್/ಫ್ಲೈಬೈ ವೈರ್ ಸಿಸ್ಟಮ್ನಲ್ಲಿನ ಸಮಸ್ಯೆ ಕಾರಣವಾಗಿದೆ ಎಂದು ಹೇಳಲಾಗಿದೆ.
ದುರಂತದ ಕುರಿತು ತನಿಖೆ ನಡೆಸುತ್ತಿರುವ ತನಿಖಾ ತಂಡವು ಮಿರಾಜ್ ಪತನಕ್ಕೆ ವಿಮಾನದ ಫ್ಲೈಟ್ ಕಂಪ್ಯೂಟರ್ನಲ್ಲಿ ದೋಷ ಉಂಟಾಗಿರುವ ಸಾಧ್ಯತೆಯನ್ನು ಪತ್ತೆ ಹಚ್ಚಿದೆ. ಯಾವುದೇ ಮುನ್ಸೂಚನೆ ಇಲ್ಲದೆ ಫ್ಲೈಟ್ ಕಂಪ್ಯೂಟರ್ನಲ್ಲಿ ಕಾಣಿಸಿಕೊಳ್ಳುವ ಈ ಸಮಸ್ಯೆಯಿಂದ ವಿಮಾನವು ಊಹಿಸಲಾಗದ ರೀತಿಯಲ್ಲಿ ವರ್ತಿಸುತ್ತದೆ.
ಭಾರತೀಯ ವಾಯುಸೇನೆಯಲ್ಲಿರುವ ಮಿರಾಜ್ ವಿಮಾನಗಳ ದಾಖಲೆಗಳನ್ನು ಪರಿಶೀಲಿಸಿದಾಗ ಈಗಾಗಲೇ ನಾಲ್ಕು ಇಂಥದ್ದೇ ಘಟನೆಗಳು ದಾಖಲಾಗಿರುವುದು ಕಂಡು ಬಂದಿದೆ. ಎಲ್ಲ 4 ಸಂದರ್ಭಗಳಲ್ಲೂ ಪೈಲಟ್ ಕಮಾಂಡ್ ಇಲ್ಲದೆಯೇ ಏಕಾಏಕಿ ವಿಮಾನದ ಮೂಗು ನೆಲದ ಕಡೆ ಬಾಗಿತ್ತು. ಅದಾದ ಕೂಡಲೇ ಮೇಲ್ಭಾಗಕ್ಕೆ ಜರ್ಕ್ ಹೊಡೆದಿತ್ತು. ಬಳಿಕ ವಿಮಾನ ತನ್ನ ಹಾರಾಟವನ್ನು ಸಾಮಾನ್ಯ ರೀತಿಯಲ್ಲಿ ಮುಂದುವರಿಸಿತ್ತು. ಈ ಘಟನೆಗಳನ್ನು ಪೈಲಟ್ಗಳು ನಿರ್ವಹಣೆ ವಿಭಾಗದಲ್ಲಿ ದಾಖಲಿಸಿದ್ದರು. 'ಪಿಚ್ ಓಸಿಲೇಷನ್' ಎಂದು ಕರೆಯಲಾಗುವ ಈ ಸಮಸ್ಯೆಯು ಕೆಲವು ಸೆಕೆಂಡುಗಳ ಕಾಲ ಕಾಣಿಸಿಕೊಂಡರೂ, ನಂತರ ವಿಮಾನಗಳು ಸಹಜ ರೀತಿಯಲ್ಲಿ ಹಾರಾಟ ಮುಂದುವರೆಸಿದ್ದವು.
ಫ್ಲೈಟ್ ಕಂಪ್ಯೂಟರ್ನಲ್ಲಿ ಕಾಣಿಸಿಕೊಂಡ ಸಮಸ್ಯೆಯೇ ಫೆ.1ರಂದು ಎಚ್ಎಎಲ್ ಆವರಣದಲ್ಲಿ ನಡೆದಿದ್ದ ದುರಂತಕ್ಕೆ ಕಾರಣವಾಗಿರಬಹುದು ಎಂಬುದರ ಕುರಿತು ಏರೋನಾಟಿಕ್ಸ್ ಲ್ಯಾಬರೇಟರಿ (ಎನ್ಎಎಲ್) ಮತ್ತು ಏರೋನಾಟಿಕಲ್ ಡೆವೆಲಪ್ಮೆಂಟ್ ಏಜೆನ್ಸಿಯ (ಎಡಿಎ) ಉನ್ನತ ಅಧಿಕಾರಿಗಳನ್ನು ಒಳಗೊಂಡ ತನಿಖಾ ಗಂಭೀರವಾಗಿ ಪರಿಶೀಲಿಸುತ್ತಿದೆ.
ಎತ್ತರದಲ್ಲಿದ್ದಾಗ ನಿಯಂತ್ರಿಸಬಹುದು
ಮೂರು ಸಂದರ್ಭಗಳಲ್ಲಿ ವಿಮಾನವು ಎತ್ತರದಲ್ಲಿ ಹಾರುತ್ತಿದ್ದಾಗ (1989ರಲ್ಲಿ 4,500 ಅಡಿ ಎತ್ತರದಲ್ಲಿದ್ದಾಗ ಕೆಲವು ಸೆಕೆಂಡುಗಳ ಕಾಲ, 1999ರಲ್ಲಿ 10,500 ಅಡಿ ಎತ್ತರದಲ್ಲಿ ಮತ್ತು 2014ರಲ್ಲಿ 11,500 ಅಡಿ ಎತ್ತರದಲ್ಲಿ ) ಪಿಚ್ ಓಸಿಲೇಷನ್ ಸಂಭವಿಸಿದ ಪರಿಣಾಮ ದೋಷ ಸರಿಪಡಿಸಿಕೊಳ್ಳಲು ಫ್ಲೈಟ್ ಕಂಪ್ಯೂಟರ್ಗೆ ಅವಕಾಶ ಇತ್ತು. ಆದರೆ, ಫೆ.1ರಂದು ವಿಮಾನ ಟೇಕ್ ಆಫ್ ಆದ ಕೆಲ ಸೆಕೆಂಡುಗಳಲ್ಲೇ ಸಮಸ್ಯೆ ಉಂಟಾಗಿ ವಿಮಾನದ ಮೂಗು ಕೆಳಗೆ ಬಾಗಿದೆ. ರನ್ವೇನಿಂದ ಕೆಲವೇ ಮೀಟರ್ನಷ್ಟು ಎತ್ತರಕ್ಕೆ ಹಾರಿದ್ದ ವಿಮಾನಕ್ಕೆ ಸಮಸ್ಯೆ ಸರಿಪಡಿಸಿಕೊಂಡು ಸಾಮಾನ್ಯ ಹಾರಾಟ ನಡೆಸಲು ಸಮಯ ಮತ್ತು ಅವಕಾಶವೇ ಇರಲಿಲ್ಲ. ನೆಲಕ್ಕೆ ಬಾಗುತ್ತಿದ್ದಂತೆ ರನ್ವೇಗೆ ವಿಮಾನದ ಮುಂಭಾಗದ ಚಕ್ರ ಬಲವಾಗಿ ಗುದ್ದಿಕೊಂಡಿದೆ. ನಂತರ ನಿಯಂತ್ರಣ ತಪ್ಪಿ ಜಾರಿಕೊಂಡು ರನ್ವೇ ದಾಟಿ ಮುಂದಕ್ಕೆ ಸಾಗಿ ಕೆಳಗೆ ಬಿದ್ದಿದೆ.
ನೆಲದ ಮೇಲಿದ್ದಾಗಲೂ ಸಮಸ್ಯೆಯಾಗಿತ್ತು !
ನಾಲ್ಕನೇ ಘಟನೆಯಲ್ಲಿ ಮಿರಾಜ್ 2000 ವಿಮಾನದ ಪೈಲಟ್, ರನ್ ವೇ ಟೇಕಾಫ್ ಪಾಯಿಂಟ್ಗೆ ತೆರಳುತ್ತಿದಾಗ ಪಿಚ್ ಒಸಿಲೇಷನ್ ಸಮಸ್ಯೆ ಎದುರಿಸಿದ್ದರು. ಆದರೆ ಈ ಎಲ್ಲಾ ಸಂದರ್ಭಗಳಲ್ಲಿ ನಡೆದ ಆಂತರಿಕ ತನಿಖೆಯಲ್ಲಿ ಸಮಸ್ಯೆಯ ಕಾರಣದ ಕುರಿತು ನಿರ್ದಿಷ್ಟ ತೀರ್ಮಾನಕ್ಕೆ ಬರಲಾಗಿರಲಿಲ್ಲ.
ವಿಮಾನದ ಎತ್ತರದ ಕುರಿತು ಮಾಹಿತಿ ಒದಗಿಸುವ ಸೆನ್ಸರ್ಗಳನ್ನು ಸೂಕ್ತ ರೀತಿಯಲ್ಲಿ ಅಳವಡಿಸದೆ ಇದ್ದಲ್ಲಿ ಈ ಸಮಸ್ಯೆ ಉಂಟಾಗುತ್ತದೆ ಎಂಬುದು ವಿಮಾನ ತಯಾರಿಕಾ ಕಂಪನಿ ಡಸಾಲ್ಟ್ ಅಭಿಪ್ರಾಯವಾಗಿದೆ. ಆದರೆ, ಡಸಾಲ್ಟ್ನ ವಾದವನ್ನು ಒಪ್ಪದ ಐಎಎಫ್ ಮತ್ತು ಎಚ್ಎಎಲ್, ಬೇರೆ ಸಂದರ್ಭಗಳಲ್ಲಿ ವಿಮಾನಗಳ ಹಾರಾಟವೂ ಸರಾಗವಾಗಿ ನಡೆದಿದೆ ಎಂದು ಸ್ಪಷ್ಟಪಡಿಸಿದೆ. ಸೆನ್ಸರ್ ಸಡಿಲಗೊಂಡ ಕಾರಣ ದುರಂತ ಸಂಭವಿಸಿದೆ ಎನ್ನುವುದನ್ನು ಒಪ್ಪುವ ಅಂಶಗಳು ದುರಂತ ಸ್ಥಳದಲ್ಲಿ ಪತ್ತೆಯಾಗಿರುವ ಅವಶೇಷಗಳ ಪರಿಶೀಲನೆ ಮತ್ತು ಪರೀಕ್ಷೆ ವೇಳೆ ಕಂಡು ಬಂದಿಲ್ಲ ಎಂಬುದು ಎನ್ಎಎನ್ನ ಅಭಿಪ್ರಾಯವಾಗಿದೆ. ಈಗ ಡಸಾಲ್ಟ್ ಕಂಪನಿ, ಫ್ಲೈಟ್ ಕಂಪ್ಯೂಟರ್ಗಳ ಕುರಿತು ತನಿಖೆ ನಡೆಸುತ್ತಿದೆ ಎಂದು ಹೇಳಲಾಗಿದೆ.
ದುರಂತದ ಕುರಿತು ತನಿಖೆ ನಡೆಸುತ್ತಿರುವ ತನಿಖಾ ತಂಡವು ಮಿರಾಜ್ ಪತನಕ್ಕೆ ವಿಮಾನದ ಫ್ಲೈಟ್ ಕಂಪ್ಯೂಟರ್ನಲ್ಲಿ ದೋಷ ಉಂಟಾಗಿರುವ ಸಾಧ್ಯತೆಯನ್ನು ಪತ್ತೆ ಹಚ್ಚಿದೆ. ಯಾವುದೇ ಮುನ್ಸೂಚನೆ ಇಲ್ಲದೆ ಫ್ಲೈಟ್ ಕಂಪ್ಯೂಟರ್ನಲ್ಲಿ ಕಾಣಿಸಿಕೊಳ್ಳುವ ಈ ಸಮಸ್ಯೆಯಿಂದ ವಿಮಾನವು ಊಹಿಸಲಾಗದ ರೀತಿಯಲ್ಲಿ ವರ್ತಿಸುತ್ತದೆ.
ಭಾರತೀಯ ವಾಯುಸೇನೆಯಲ್ಲಿರುವ ಮಿರಾಜ್ ವಿಮಾನಗಳ ದಾಖಲೆಗಳನ್ನು ಪರಿಶೀಲಿಸಿದಾಗ ಈಗಾಗಲೇ ನಾಲ್ಕು ಇಂಥದ್ದೇ ಘಟನೆಗಳು ದಾಖಲಾಗಿರುವುದು ಕಂಡು ಬಂದಿದೆ. ಎಲ್ಲ 4 ಸಂದರ್ಭಗಳಲ್ಲೂ ಪೈಲಟ್ ಕಮಾಂಡ್ ಇಲ್ಲದೆಯೇ ಏಕಾಏಕಿ ವಿಮಾನದ ಮೂಗು ನೆಲದ ಕಡೆ ಬಾಗಿತ್ತು. ಅದಾದ ಕೂಡಲೇ ಮೇಲ್ಭಾಗಕ್ಕೆ ಜರ್ಕ್ ಹೊಡೆದಿತ್ತು. ಬಳಿಕ ವಿಮಾನ ತನ್ನ ಹಾರಾಟವನ್ನು ಸಾಮಾನ್ಯ ರೀತಿಯಲ್ಲಿ ಮುಂದುವರಿಸಿತ್ತು. ಈ ಘಟನೆಗಳನ್ನು ಪೈಲಟ್ಗಳು ನಿರ್ವಹಣೆ ವಿಭಾಗದಲ್ಲಿ ದಾಖಲಿಸಿದ್ದರು. 'ಪಿಚ್ ಓಸಿಲೇಷನ್' ಎಂದು ಕರೆಯಲಾಗುವ ಈ ಸಮಸ್ಯೆಯು ಕೆಲವು ಸೆಕೆಂಡುಗಳ ಕಾಲ ಕಾಣಿಸಿಕೊಂಡರೂ, ನಂತರ ವಿಮಾನಗಳು ಸಹಜ ರೀತಿಯಲ್ಲಿ ಹಾರಾಟ ಮುಂದುವರೆಸಿದ್ದವು.
ಫ್ಲೈಟ್ ಕಂಪ್ಯೂಟರ್ನಲ್ಲಿ ಕಾಣಿಸಿಕೊಂಡ ಸಮಸ್ಯೆಯೇ ಫೆ.1ರಂದು ಎಚ್ಎಎಲ್ ಆವರಣದಲ್ಲಿ ನಡೆದಿದ್ದ ದುರಂತಕ್ಕೆ ಕಾರಣವಾಗಿರಬಹುದು ಎಂಬುದರ ಕುರಿತು ಏರೋನಾಟಿಕ್ಸ್ ಲ್ಯಾಬರೇಟರಿ (ಎನ್ಎಎಲ್) ಮತ್ತು ಏರೋನಾಟಿಕಲ್ ಡೆವೆಲಪ್ಮೆಂಟ್ ಏಜೆನ್ಸಿಯ (ಎಡಿಎ) ಉನ್ನತ ಅಧಿಕಾರಿಗಳನ್ನು ಒಳಗೊಂಡ ತನಿಖಾ ಗಂಭೀರವಾಗಿ ಪರಿಶೀಲಿಸುತ್ತಿದೆ.
ಎತ್ತರದಲ್ಲಿದ್ದಾಗ ನಿಯಂತ್ರಿಸಬಹುದು
ಮೂರು ಸಂದರ್ಭಗಳಲ್ಲಿ ವಿಮಾನವು ಎತ್ತರದಲ್ಲಿ ಹಾರುತ್ತಿದ್ದಾಗ (1989ರಲ್ಲಿ 4,500 ಅಡಿ ಎತ್ತರದಲ್ಲಿದ್ದಾಗ ಕೆಲವು ಸೆಕೆಂಡುಗಳ ಕಾಲ, 1999ರಲ್ಲಿ 10,500 ಅಡಿ ಎತ್ತರದಲ್ಲಿ ಮತ್ತು 2014ರಲ್ಲಿ 11,500 ಅಡಿ ಎತ್ತರದಲ್ಲಿ ) ಪಿಚ್ ಓಸಿಲೇಷನ್ ಸಂಭವಿಸಿದ ಪರಿಣಾಮ ದೋಷ ಸರಿಪಡಿಸಿಕೊಳ್ಳಲು ಫ್ಲೈಟ್ ಕಂಪ್ಯೂಟರ್ಗೆ ಅವಕಾಶ ಇತ್ತು. ಆದರೆ, ಫೆ.1ರಂದು ವಿಮಾನ ಟೇಕ್ ಆಫ್ ಆದ ಕೆಲ ಸೆಕೆಂಡುಗಳಲ್ಲೇ ಸಮಸ್ಯೆ ಉಂಟಾಗಿ ವಿಮಾನದ ಮೂಗು ಕೆಳಗೆ ಬಾಗಿದೆ. ರನ್ವೇನಿಂದ ಕೆಲವೇ ಮೀಟರ್ನಷ್ಟು ಎತ್ತರಕ್ಕೆ ಹಾರಿದ್ದ ವಿಮಾನಕ್ಕೆ ಸಮಸ್ಯೆ ಸರಿಪಡಿಸಿಕೊಂಡು ಸಾಮಾನ್ಯ ಹಾರಾಟ ನಡೆಸಲು ಸಮಯ ಮತ್ತು ಅವಕಾಶವೇ ಇರಲಿಲ್ಲ. ನೆಲಕ್ಕೆ ಬಾಗುತ್ತಿದ್ದಂತೆ ರನ್ವೇಗೆ ವಿಮಾನದ ಮುಂಭಾಗದ ಚಕ್ರ ಬಲವಾಗಿ ಗುದ್ದಿಕೊಂಡಿದೆ. ನಂತರ ನಿಯಂತ್ರಣ ತಪ್ಪಿ ಜಾರಿಕೊಂಡು ರನ್ವೇ ದಾಟಿ ಮುಂದಕ್ಕೆ ಸಾಗಿ ಕೆಳಗೆ ಬಿದ್ದಿದೆ.
ನೆಲದ ಮೇಲಿದ್ದಾಗಲೂ ಸಮಸ್ಯೆಯಾಗಿತ್ತು !
ನಾಲ್ಕನೇ ಘಟನೆಯಲ್ಲಿ ಮಿರಾಜ್ 2000 ವಿಮಾನದ ಪೈಲಟ್, ರನ್ ವೇ ಟೇಕಾಫ್ ಪಾಯಿಂಟ್ಗೆ ತೆರಳುತ್ತಿದಾಗ ಪಿಚ್ ಒಸಿಲೇಷನ್ ಸಮಸ್ಯೆ ಎದುರಿಸಿದ್ದರು. ಆದರೆ ಈ ಎಲ್ಲಾ ಸಂದರ್ಭಗಳಲ್ಲಿ ನಡೆದ ಆಂತರಿಕ ತನಿಖೆಯಲ್ಲಿ ಸಮಸ್ಯೆಯ ಕಾರಣದ ಕುರಿತು ನಿರ್ದಿಷ್ಟ ತೀರ್ಮಾನಕ್ಕೆ ಬರಲಾಗಿರಲಿಲ್ಲ.
ವಿಮಾನದ ಎತ್ತರದ ಕುರಿತು ಮಾಹಿತಿ ಒದಗಿಸುವ ಸೆನ್ಸರ್ಗಳನ್ನು ಸೂಕ್ತ ರೀತಿಯಲ್ಲಿ ಅಳವಡಿಸದೆ ಇದ್ದಲ್ಲಿ ಈ ಸಮಸ್ಯೆ ಉಂಟಾಗುತ್ತದೆ ಎಂಬುದು ವಿಮಾನ ತಯಾರಿಕಾ ಕಂಪನಿ ಡಸಾಲ್ಟ್ ಅಭಿಪ್ರಾಯವಾಗಿದೆ. ಆದರೆ, ಡಸಾಲ್ಟ್ನ ವಾದವನ್ನು ಒಪ್ಪದ ಐಎಎಫ್ ಮತ್ತು ಎಚ್ಎಎಲ್, ಬೇರೆ ಸಂದರ್ಭಗಳಲ್ಲಿ ವಿಮಾನಗಳ ಹಾರಾಟವೂ ಸರಾಗವಾಗಿ ನಡೆದಿದೆ ಎಂದು ಸ್ಪಷ್ಟಪಡಿಸಿದೆ. ಸೆನ್ಸರ್ ಸಡಿಲಗೊಂಡ ಕಾರಣ ದುರಂತ ಸಂಭವಿಸಿದೆ ಎನ್ನುವುದನ್ನು ಒಪ್ಪುವ ಅಂಶಗಳು ದುರಂತ ಸ್ಥಳದಲ್ಲಿ ಪತ್ತೆಯಾಗಿರುವ ಅವಶೇಷಗಳ ಪರಿಶೀಲನೆ ಮತ್ತು ಪರೀಕ್ಷೆ ವೇಳೆ ಕಂಡು ಬಂದಿಲ್ಲ ಎಂಬುದು ಎನ್ಎಎನ್ನ ಅಭಿಪ್ರಾಯವಾಗಿದೆ. ಈಗ ಡಸಾಲ್ಟ್ ಕಂಪನಿ, ಫ್ಲೈಟ್ ಕಂಪ್ಯೂಟರ್ಗಳ ಕುರಿತು ತನಿಖೆ ನಡೆಸುತ್ತಿದೆ ಎಂದು ಹೇಳಲಾಗಿದೆ.