ಮಿರಾಜ್‌ 2000 ದುರಂತ ಪ್ರಕರಣ ಬ್ಲ್ಯಾಕ್‌ ಬಾಕ್ಸ್‌ ಫ್ರಾನ್ಸ್‌ಗೆ ರವಾನೆ

ಬೆಂಗಳೂರು : ಫೆ.4ರಂದು ಎಚ್‌ಎಎಲ್‌ ವಿಮಾನ ನಿಲ್ದಾಣದಲ್ಲಿ ಪತನಗೊಂಡಿರುವ ಮಿರಾಜ್‌ 2000 ವಿಮಾನದ 'ಬ್ಲ್ಯಾಕ್‌ ಬಾಕ್ಸ್‌' ಅನ್ನು ಫ್ರಾನ್ಸ್‌ಗೆ ಕಳುಹಿಸಿಕೊಡಲಾಗಿದೆ.

ವಿಮಾನದ ಮೂಲ ಉತ್ಪಾದಕರಾದ ಡಸಾಲ್ಟ್‌ ಏವಿಯೇಷನ್‌ ಕಂಪನಿಯು, ಬ್ಲ್ಯಾಕ್‌ ಬಾಕ್ಸ್‌ ಅನ್ನು ತೆರೆದು ಮಾಹಿತಿಯನ್ನು ಡಿಕೋಡ್‌ ಮಾಡಲಿದೆ.

ವಿಮಾನದ ಹಾರಾಟ, ಸಿಸ್ಟಂಗಳು ಸೇರಿದಂತೆ ಹಲವು ಮಹತ್ವದ ಮಾಹಿತಿ ಬ್ಲ್ಯಾಕ್‌ ಬಾಕ್ಸ್‌ನಲ್ಲಿರುತ್ತವೆ. ಅದನ್ನು ಭಾರತದ ವಿಮಾನ ಅಪಘಾತ ತನಿಖಾ ತಂಡವೇ ತೆರೆದು ಮಾಹಿತಿ ಕಂಪ್ಯೂಟರ್‌ಗೆ ಟ್ರಾನ್ಸ್‌ಫರ್‌ ಮಾಡಿ ಪರಿಶೀಲನೆ, ಅಧ್ಯಯನ ಮಾಡುತ್ತಿತ್ತು. ಆದರೆ, ಪತನದ ಬಳಿಕ ಬೆಂಕಿ ಹೊತ್ತಿಕೊಂಡಿದ್ದ ಕಾರಣ ಬ್ಲ್ಯಾಕ್‌ ಬಾಕ್ಸ್‌ಗೆ ಹೆಚ್ಚು ಜಖಂ ಆಗಿದೆ. ಹೀಗಾಗಿ, ಫ್ರಾನ್ಸ್‌ಗೆ ಕಳುಹಿಸಲಾಗಿದೆ ಎಂದು ಎಚ್‌ಎಎಲ್‌ ಮೂಲಗಳು ತಿಳಿಸಿವೆ.