ಮೆಟ್ರೊ ಪ್ರಯಾಣಿಕರಿಗೆ ಗುಡ್‌ನ್ಯೂಸ್‌: ಸ್ಮಾರ್ಟ್‌ ಕಾರ್ಡ್‌ ವ್ಯಾಲಿಡಿಟಿ 10 ವರ್ಷಕ್ಕೆ ವಿಸ್ತರಣೆ

ಬೆಂಗಳೂರು: ಮೆಟ್ರೊ ರೈಲು ಸ್ಮಾರ್ಟ್‌ ಕಾರ್ಡ್‌ಗಳ ವ್ಯಾಲಿಡಿಟಿಯನ್ನು 1 ವರ್ಷದಿಂದ 10 ವರ್ಷಗಳಿಗೆ ಬಿಎಂಆರ್‌ಸಿಎಲ್‌ ವಿಸ್ತರಿಸಿದೆ. ಒಂದು ವರ್ಷದವರೆಗೆ ಬಳಕೆಯಾಗದ ಕಾರ್ಡ್‌ ಅನ್ನು ಪ್ರಯಾಣಿಕರು ತಂದರೆ ಅದಕ್ಕೆ ನಿಲ್ದಾಣದಲ್ಲಿ 20 ರೂ. ಆಡಳಿತ ಶುಲ್ಕವಾಗಿ ಪಡೆದು ಆ್ಯಕ್ಟಿವೇಟ್‌ ಮಾಡಿ ಕೊಡಲಾಗುತ್ತಿತ್ತು.

ಕೋವಿಡ್‌ ಹಿನ್ನೆಲೆಯಲ್ಲಿ ಮೆಟ್ರೊ ರೈಲು ಸಂಚಾರ ಐದೂವರೆ ತಿಂಗಳು ಬಂದ್‌ ಆಗಿತ್ತು. ಸಂಚಾರ ಇಲ್ಲದ ಕಾರಣ ಕಾರ್ಡ್‌ ಬಳಸಿರಲಿಲ್ಲವೆಂದು ಕೆಲ ಪ್ರಯಾಣಿಕರು ತಿಳಿಸಿದ್ದರು. ಕಾರ್ಡ್‌ ಬಳಕೆ ಮಾಡದೇ ಇರುವುದು ಪ್ರಯಾಣಿಕರ ತಪ್ಪಲ್ಲದ ಕಾರಣ ಅವಧಿ ವಿಸ್ತರಿಸಲಾಗಿದೆ ಎಂದು ಮೆಟ್ರೊ ಅಧಿಕಾರಿ ತಿಳಿಸಿದರು. ಸ್ಮಾರ್ಟ್‌ ಕಾರ್ಡ್‌ ರಿಚಾರ್ಜ್‌ ಮಾಡಿದ ದಿನದಿಂದ ಈಗ ಇದ್ದ 1 ವರ್ಷದ ಅವಯನ್ನು 2030ರ ಸೆಪ್ಟೆಂಬರ್‌ 19ರವರೆಗೆ ವಿಸ್ತರಣೆಯಾಗಿದೆ.

ಕೊರೊನಾ ಸಮಯದಲ್ಲಿ ನಮ್ಮ ಮೆಟ್ರೋ ಸಂಚಾರ ಸಂಪೂರ್ಣವಾಗಿ ಸ್ಥಗಿತವಾಗಿತ್ತು. ಇದೀಗ ಅನ್‌ಲಾಕ್‌ ಬಳಿಕ ಮತ್ತೆ ಒಪನ್‌ ಆಗಿದೆ. ಆದರೆ ಭಾರೀ ನಿಯಮಗಳೊಂದಿಗೆ ನಮ್ಮ ಮೆಟ್ರೋ ಸಂಚರಿಸುತ್ತಿದೆ. ಕೊರೊನಾ ಇರುವುದರಿಂದ ಮುಂಜಾಗ್ರತಾ ಕ್ರಮಗಳನ್ನು ಕೈಗೊಳ್ಳಲಾಗಿದೆ.
ಡಿ.ಜೆ. ಹಳ್ಳಿ ಗಲಭೆ ಪ್ರಕರಣ: ಕ್ಲೇಮ್‌ ಕಮಿಷನರ್‌ಗೆ ಅಧಿಕಾರ ನೀಡುವ ಬಗ್ಗೆ ಸರಕಾರದ ನಿಲುವು ಪ್ರಶ್ನಿಸಿದ ಹೈಕೋರ್ಟ್‌