ಬೆಂಗಳೂರಿಗರೇ ಇತ್ತ ಗಮನಿಸಿ..! ಮೆಟ್ರೋ ರೈಲು ಸಂಚಾರ ಸಮಯದಲ್ಲಿ ಬದಲಾವಣೆ

ಬೆಂಗಳೂರು: ನಮ್ಮ ಮೆಟ್ರೊ ರೈಲುಗಳ ಸಂಚರಿಸುವ ಸಮಯ, ಅಂತರದಲ್ಲಿ ಅ.22ರಿಂದ ಪರಿಷ್ಕರಣೆ ಮಾಡಲಾಗಿದೆ.

ಕೊರೊನಾ‌ ನಡುವೆ ಮೆಟ್ರೊ ಸಂಚಾರಕ್ಕೆ ಅವಕಾಶ ಕಲ್ಪಿಸಲಾಗಿದೆ. ಆರಂಭದಲ್ಲಿ ಪ್ರತಿದಿನ ಸರಾಸರಿ 4 ಸಾವಿರ ಮಂದಿ ಪ್ರಯಾಣಿಸುತ್ತಿದ್ದರು. ಈಗ ಪ್ರಯಾಣಿಕರ ಸಂಖ್ಯೆ ಸರಾಸರಿ 55 ಸಾವಿರಕ್ಕೆ ಏರಿದೆ. ಆದರೂ, ದಟ್ಟಣೆ ಅವಧಿಯಲ್ಲಿ ರೈಲುಗಳು ಖಾಲಿ ಸಂಚರಿಸುತ್ತಿವೆ. ಹೀಗಾಗಿ, ಪ್ರಯಾಣಿಕರ ದಟ್ಟಣೆ, ಬೇಡಿಕೆ ಅನುಸಾರ ವಿಶ್ಲೇಷಣೆ ಮಾಡಿಕೊಂಡು ಅವಧಿ ಪರಿಷ್ಕರಣೆ ಮಾಡಲಾಗಿದೆ ಎಂದು ಬಿಎಂಆರ್‌ಸಿಎಲ್‌ ಪ್ರಕಟಣೆಯಲ್ಲಿತಿಳಿಸಿದೆ.

ಕೊರೊನಾ ಪೂರ್ವದಲ್ಲಿ ಮೆಟ್ರೊ ರೈಲಿನಲ್ಲಿ ಪ್ರತಿನಿತ್ಯ 4 ಲಕ್ಷಕ್ಕೂ ಹೆಚ್ಚು ಜನ ಪ್ರಯಾಣಿಸುತ್ತಿದ್ದರು. ಸೋಮವಾರದಿಂದ ಶುಕ್ರವಾರದವರೆಗೆ (2 ಮತ್ತು 4ನೇ ಶನಿವಾರ ಹೊರತುಪಡಿಸಿ) ಪ್ರತಿ 5 ನಿಮಿಷಕ್ಕೊಂದು ರೈಲು ಬೆಳಗ್ಗೆ 9ರಿಂದ 10 ಗಂಟೆ ಮತ್ತು ಸಂಜೆ 5.30ರಿಂದ 6.30ರವರೆಗೆ ಸಂಚರಿಸಲಿವೆ.

ಮೆಟ್ರೊ ಸ್ಮಾರ್ಟ್‌ ಕಾರ್ಡ್‌ಗೆ 'ಕರ್ನಾಟಕ ಮೊಬೈಲ್‌ ಒನ್‌' ಆ್ಯಪ್‌ ಮೂಲಕ ರಿಚಾರ್ಜ್‌ ವ್ಯವಸ್ಥೆ

ಪ್ರತಿ 6 ನಿಮಿಷಕ್ಕೊಂದು ರೈಲು ಬೆಳಗ್ಗೆ 8 ರಿಂದ 9 ಮತ್ತು 10 ರಿಂದ 11 ಗಂಟೆ ಹಾಗೂ ಸಂಜೆ 4.30 ರಿಂದ 5.30 ಮತ್ತು 6.30ರಿಂದ 9 ಗಂಟೆವಧಿರೆಗೆ ಸಂಚರಿಸಲಿವೆ.

ಅ.1ರಂದು ಹಸಿರು ಮಾರ್ಗದಲ್ಲಿ ಮೆಟ್ರೋ ಸೀಮಿತ ಸಂಚಾರ, ಜಕ್ಕೂರು ವಾಯುನೆಲೆ ಬಳಿ ಕಾಮಗಾರಿಗೆ ಹೈಕೋರ್ಟ್‌ ನಿರ್ಬಂಧ

ಉಳಿದ ಅವಧಿಯಲ್ಲಿ 12 ನಿಮಿಷಕ್ಕೊಂದು ರೈಲು ಸಂಚರಿಸುತ್ತವೆ. 2ನೇ ಮತ್ತು ನಾಲ್ಕನೇ ಶನಿವಾರ, ಭಾನುವಾರ ಮತ್ತು ಸಾಮಾನ್ಯ ರಜಾ ದಿನಗಳಂದು ಪ್ರತಿ 8 ನಿಮಿಷಕ್ಕೊಂದು ರೈಲು ಬೆಳಗ್ಗೆ 10 ರಿಂದ 12 ಮತ್ತು ಸಂಜೆ 5 ರಿಂದ 8ರ ನಡುವೆ; ಉಳಿದ ಸಮಯದಲ್ಲಿ 12 ನಿಮಿಷಕ್ಕೊಂದು ರೈಲು ಸಂಚರಿಸುತ್ತವೆ.