ಓಮಿಕ್ರಾನ್‌ ಸೋಂಕಿತರಿಗೆ ಪ್ರತ್ಯೇಕ ಮಾರ್ಗಸೂಚಿ

ಬೆಂಗಳೂರು: ಕೊರೊನಾ ರೂಪಾಂತರಿ ಓಮಿಕ್ರಾನ್‌ ಸೋಂಕಿನಿಂದ ಗುಣಮುಖರಾಗಿ ಆಸ್ಪತ್ರೆಯಿಂದ ಬಿಡುಗಡೆಯಾಗುವಾಗ ಯಾವೆಲ್ಲಾಅಂಶಗಳನ್ನು ಪಾಲಿಸಬೇಕು ಎನ್ನುವುದರ ಕುರಿತು ಕರ್ನಾಟಕ ಆರೋಗ್ಯ ಇಲಾಖೆ ಮಾರ್ಗಸೂಚಿ ಹೊರಡಿಸಿದೆ.

ನೈಟ್‌ ಕರ್ಫ್ಯೂ ಸದ್ಯಕ್ಕಿಲ್ಲ; ಒಂದು ವಾರ ಪರಿಸ್ಥಿತಿ ಅವಲೋಕಿಸಿ ನಿರ್ಧಾರ: ಸಿಎಂ ಬೊಮ್ಮಾಯಿ

ಮಾರ್ಗಸೂಚಿಯ ಪ್ರಕಾರ ಯಾವುದೇ ರೋಗ ಲಕ್ಷಣಗಳು ಇಲ್ಲದೇ ಇದ್ದರೆ 10 ದಿನಕ್ಕೆ ಆಸ್ಪತ್ರೆಯಿಂದ ಬಿಡುಗಡೆ ಮಾಡಬಹುದು. ಬಿಡುಗಡೆ ಆಗುವ 3 ದಿನಗಳ ಮುನ್ನ ಯಾವುದೇ ರೀತಿಯ ಜ್ವರ ಅಥವಾ ಯಾವುದೇ ರೋಗ ಲಕ್ಷಣ ಇರಬಾರದು. ಆಕ್ಸಿಜನ್‌ ಸಪೋರ್ಟ್‌ ಇಲ್ಲದೇ ನಾಲ್ಕು ದಿನಗಳ ಕಾಲ ಶೇ.95 ಆಕ್ಸಿಜನ್‌ ಲೆವೆಲ್‌ ಇದ್ದರೆ ಡಿಸ್ಟಾಜ್‌ರ್‍ ಮಾಡಬಹುದು ಎಂದು ಕರ್ನಾಟಕ ರಾಜ್ಯ ಆರೋಗ್ಯ ಇಲಾಖೆಯ ಆಯುಕ್ತರು ಆದೇಶ ಹೊರಡಿಸಿದ್ದಾರೆ.

ಓಮಿಕ್ರಾನ್‌ ಆತಂಕದ ನಡುವೆ ರಾಜ್ಯದಲ್ಲಿ ಹೊಸ ಕೊರೊನಾ ಕೇಸ್‌ ಮತ್ತಷ್ಟು ಇಳಿಕೆ!

24 ಗಂಟೆ ಅವಧಿಯಲ್ಲಿ 2 ಆರ್‌ಟಿ-ಪಿಸಿಆರ್‌ ಪರೀಕ್ಷೆಯಲ್ಲಿ ನೆಗೆಟಿವ್‌ ವರದಿ ಬಂದರೆ ಅಂತಹವರನ್ನು ಆಸ್ಪತ್ರೆಯಿಂದ ಡಿಸ್ಚಾರ್ಜ್‌ ಮಾಡಬಹುದು. ಬಿಡಗಡೆಯಾದ ವ್ಯಕ್ತಿ, ಒಂದು ವಾರದ ಅವಧಿಗೆ ಹೋಂ ಕ್ವಾರಂಟೈನ್‌ನಲ್ಲಿಇರಬೇಕು. ನಂತರ ರೋಗಲಕ್ಷಣಗಳ ಬಗ್ಗೆ ಸ್ವಯಂ ನಿಗಾವಹಿಸಬೇಕು. ಅದಕ್ಕೆ ಸಂಬಂಧಿಸಿದ ಮಾಹಿತಿ ಸಂಗ್ರಹಿಸಲು ಅಧಿಕಾರಿಗಳಿಗೆ ಸೂಚಿಸಲಾಗಿರುತ್ತದೆ. ಹೋಂ ಕ್ವಾರಂಟೈನ್‌ನಲ್ಲಿದ್ದು 6ನೇ ದಿನ ಆರ್‌ಟಿ-ಪಿಸಿಆರ್‌ ಪರೀಕ್ಷೆ ಮಾಡಿಸಿದಾಗ ನೆಗೆಟಿವ್‌ ಬಂದರೆ ಅಂಥವರು ಕ್ವಾರಂಟೈನ್‌ ಅನ್ನು ಕೊನೆಗೊಳಿಸಬಹುದು ಎಂದು ಸೂಚಿಸಲಾಗಿದೆ.

ತೀವ್ರತರವಾದ ಪ್ರಕರಣಗಳಲ್ಲಿ, ರೋಗಿಯು ಸಂಪೂರ್ಣ ಗುಣಮುಖನಾದ ನಂತರ ಮೂರು ದಿನದ ನಂತರ 24 ಗಂಟೆಗಳ ಅವಧಿಯಲ್ಲಿ 2 ಆರ್‌ಟಿ-ಪಿಸಿಆರ್‌ ಪರೀಕ್ಷೆ ಮಾಡಿಸಿ ನೆಗೆಟಿವ್‌ ಬರಬೇಕು ಎಂದು ಆದೇಶಿಸಲಾಗಿದೆ.

ಡೆಲ್ಟಾ ಪತ್ತೆ

ಕೊರೊನಾ ರೂಪಾಂತರ ತಳಿ ಓಮಿಕ್ರಾನ್‌ ಸೋಂಕಿತ ವೈದ್ಯನ ಸಂಪರ್ಕದಿಂದ ಕೋವಿಡ್‌ ಸೋಂಕು ಬಾಧಿತರಾಗಿದ್ದ 9 ಮಂದಿಯಲ್ಲೂಓಮಿಕ್ರಾನ್‌ ದೃಢಪಟ್ಟಿಲ್ಲ. ಜಿನೋಮ್‌ ಸೀಕ್ವೆನ್ಸಿಂಗ್‌ ಪರೀಕ್ಷಾ ವರದಿಯಲ್ಲಿಎಲ್ಲರಲ್ಲೂಡೆಲ್ಟಾ ರೂಪಾಂತರ ತಳಿ ಪತ್ತೆಯಾಗಿದೆ.

ಓಮಿಕ್ರಾನ್‌ ಸೋಂಕಿತ ವೈದ್ಯನ ಸಂಪರ್ಕದಲ್ಲಿದ್ದ ಆತನ ಪತ್ನಿ, ಇಬ್ಬರು ಮಕ್ಕಳು, ಇಬ್ಬರು ಸಹೋದ್ಯೋಗಿ ವೈದ್ಯರು ಹಾಗೂ ಇವರ ಕುಟುಂಬದ ನಾಲ್ಕು ಮಂದಿಗೆ ಕೊರೊನಾ ಸೋಂಕು ತಗಲಿತ್ತು. ಇವರೆಲ್ಲರ ಮಾದರಿಗಳನ್ನು ಜಿನೋಮ್‌ ಸೀಕ್ವೆನ್ಸಿಂಗ್‌ ಪರೀಕ್ಷೆಗೆ ಕಳುಹಿಸಲಾಗಿತ್ತು. ಈ ಪೈಕಿ ಐದು ಮಂದಿಯ ವರದಿಯು ಗುರುವಾರವೇ ಬಂದಿತ್ತು. ಒಬ್ಬರಲ್ಲಿಡೆಲ್ಟಾ ಪತ್ತೆಯಾಗಿತ್ತು. ಉಳಿದ ನಾಲ್ಕು ಮಂದಿಯಲ್ಲಿಯಾವ ತಳಿ ಇತ್ತು ಎಂಬುದು ಖಚಿತವಾಗಿರಲಿಲ್ಲ. ಹಾಗಾಗಿ, ಮಾದರಿಗಳನ್ನು ಮತ್ತೊಮ್ಮೆ ಪರೀಕ್ಷೆಗೆ ಕಳುಹಿಸಲಾಗಿತ್ತು. ಸದ್ಯ ಎಲ್ಲ 9 ಮಂದಿಯ ಜಿನೋಮ್‌ ಸೀಕ್ವೆನ್ಸಿಂಗ್‌ ವರದಿ ಬಂದಿದ್ದು, ಎಲ್ಲರಲ್ಲೂ ಡೆಲ್ಟಾ ರೂಪಾಂತರ ತಳಿಯಷ್ಟೇ ಪತ್ತೆಯಾಗಿದೆ.