ಎಚ್ಚರಿಕೆ: ವರ್ಷಾಚರಣೆ ನೆಪದಲ್ಲಿ ಪುಂಡಾಟ ಮಾಡದಿರಿ; ಬಿಗಿ ಪೊಲೀಸ್‌ ಬಂದೋಬಸ್ತ್

ಬೆಂಗಳೂರು: ಹೊಸ ವರ್ಷಾಚರಣೆ ವೇಳೆ ಪುಂಡಾಟ ಮೆರೆಯುವ ಕಿಡಿಗೇಡಿಗಳ ಹೆಡೆಮುರಿ ಕಟ್ಟಲಾಗುವುದು ಎಂದು ನಗರ ಪೊಲೀಸ್‌ ಆಯುಕ್ತ ಭಾಸ್ಕರ್‌ರಾವ್‌ ಎಚ್ಚರಿಕೆ ನೀಡಿದ್ದಾರೆ.

ಹೊಸ ವರ್ಷಕ್ಕೆ ಸ್ವಾಗತ ಕೋರುವ ಆಕರ್ಷಣೆಯ ಸ್ಥಳಗಳಾದ ಎಂ.ಜಿ.ರಸ್ತೆ ಮತ್ತು ಬ್ರಿಗೇಡ್‌ ರಸ್ತೆಯಲ್ಲಿಹೆಚ್ಚಿನ ಪೊಲೀಸ್‌ ಬಂದೋಬಸ್ತ್ ವ್ಯವಸ್ಥೆ ಮಾಡಲಾಗಿದೆ. ಸಿಸಿ ಕ್ಯಾಮೆರಾಗಳು, ವಾಚ್‌ ಟವರ್‌ಗಳ ಮೇಲೆ ನಿಂತು ಪೊಲೀಸರು ಸಾರ್ವಜನಿಕರ ಮೇಲೆ ನಿಗಾ ಇರಿಸಲಿದ್ದಾರೆ. ಒಟ್ಟು 320 ಹೊಯ್ಸಳ ವಾಹನಗಳು ನಗರದಾದ್ಯಂತ ಗಸ್ತು ತಿರುಗಲಿವೆ. ಎರಡು ಪಾಳಿಯಲ್ಲಿ ಒಟ್ಟು 10 ಸಾವಿರಕ್ಕೂ ಹೆಚ್ಚು ಪೊಲೀಸರು ಮಂಗಳವಾರ ಸಂಜೆ 4ರಿಂದ ಬುಧವಾರ ಬೆಳಗ್ಗೆ 8 ಗಂಟೆವರೆಗೆ ಕರ್ತವ್ಯದಲ್ಲಿಇರಲಿದ್ದಾರೆ.

ರಾತ್ರಿ 10ರಿಂದ ತಡರಾತ್ರಿ 2 ಗಂಟೆವರೆಗೆ ಕೆ.ಆರ್‌.ಪುರ ಹೊರತುಪಡಿಸಿ ನಗರದ ಎಲ್ಲಫ್ಲೈಓವರ್‌ಗಳ ಮೇಲೆ ವಾಹನ ಸಂಚಾರ ನಿರ್ಬಂಧಿಸಲಾಗಿದೆ. ಡ್ರಂಕ್‌ ಆ್ಯಂಡ್‌ ಡ್ರೈವ್‌ ಮೇಲೆ ನಿಯಂತ್ರಣ ಹೇರಲು ನಗರದ ಒಟ್ಟು 175 ಸ್ಥಳಗಳಲ್ಲಿ ಸಂಚಾರ ಪೊಲೀಸರು ತಪಾಸಣೆ ನಡೆಸಲಿದ್ದಾರೆ. ಮದ್ಯಪಾನ ಪಾರ್ಟಿ ಮಾಡಲು ಇಚ್ಛಿಸುವವರು ಅಮಲಿನಲ್ಲಿ ವಾಹನ ಚಲಾಯಿಸದಂತೆ ಪೊಲೀಸರು ಮನವಿ ಮಾಡಿದ್ದಾರೆ. ಬಸ್‌, ಮೆಟ್ರೊ, ಕ್ಯಾಬ್‌, ಆಟೊ ಬಳಸಿ ತಮ್ಮ ತಮ್ಮ ಸ್ಥಳಗಳಿಗೆ ತಲುಪುವಂತೆ ಪೊಲೀಸರು ಮನವಿ ಮಾಡಿದ್ದಾರೆ.

ಹೊಸ ವರ್ಷಾಚರಣೆಗೆ ರಾಜ್ಯದ ಹಲವೆಡೆ ಹೆಚ್ಚುವರಿ ಆಂಬ್ಯುಲೆನ್ಸ್‌ ನಿಯೋಜನೆ

ಡ್ರಗ್ಸ್‌ ಸಾಗಣೆ ಮತ್ತು ಬಳಕೆ ಮೇಲೆ ಸ್ಥಳೀಯ ಪೊಲೀಸರ ಜೊತೆಗೆ ಸಿಸಿಬಿ ಪೊಲೀಸರು ಕೂಡ ನಿಗಾ ಇರಿಸಿದ್ದಾರೆ. ಅನುಮಾನಾಸ್ಪದ ಸ್ಥಳಗಳಲ್ಲಿ ಶ್ವಾನದಳಗಳು ತಪಾಸಣೆ ನಡೆಸಲಿವೆ. ಇನ್ನೂ ರಾತ್ರಿ 1ರ ಬದಲು 2 ಗಂಟೆವರೆಗೆ ಬಾರ್‌ ಆ್ಯಂಡ್‌ ರೆಸ್ಟೋರೆಂಟ್‌, ಹೋಟೆಲ್‌ಗಳು ಕಾರ್ಯನಿರ್ವಹಿಸಲು ಪೊಲೀಸರು ಅವಕಾಶ ಕಲ್ಪಿಸಿದ್ದಾರೆ.

ಹೊಸ ವರ್ಷಾಚರಣೆ ಅಬ್ಬರ: ರಾಜ್ಯದೆಲ್ಲೆಡೆ ಪೊಲೀಸರ ಕಟ್ಟೆಚ್ಚರ

ಹೊಸ ವರ್ಷದ ಭದ್ರತೆ
- 10 ಸಾವಿರಕ್ಕೂ ಹೆಚ್ಚು ಪೊಲೀಸ್‌ ಭದ್ರತೆ

- ಹೊಯ್ಸಳ ಸೇರಿದಂತೆ ಒಟ್ಟು 320 ವಾಹನಗಳಿಂದ ಗಸ್ತು

- 175 ಸ್ಥಳಗಳಲ್ಲಿಡ್ರಂಕ್‌ ಆ್ಯಂಡ್‌ ಡ್ರೈವ್‌ ತಪಾಸಣೆ

- ಬಾರ್‌, ರೆಸ್ಟೋರೆಂಟ್‌, ಪಬ್‌ ಬಳಿಯೇ ಡ್ರಂಕ್‌ ಆ್ಯಂಡ್‌ ಡ್ರೈವ್‌ ತಪಾಸಣೆ

- 1,500 ಸಿಸಿ ಕ್ಯಾಮೆರಾಗಳು

- ಎಂ.ಜಿ.ರಸ್ತೆ, ಬ್ರಿಗೇಡ್‌ ರಸ್ತೆ ಸೇರಿ ಪ್ರಮುಖ ಪ್ರದೇಶಗಳಲ್ಲಿಡ್ರೋನ್‌ ಕ್ಯಾಮೆರಾ ನಿಗಾ

- 20 ಮೀಟರ್‌ ಅಂತರದಲ್ಲಿವಾಚ್‌ ಟವರ್‌

- ಎಂ.ಜಿ ರಸ್ತೆ, ಬ್ರಿಗೇಡ್‌ ರಸ್ತೆಯಲ್ಲಿವಾಹನ ಸಂಚಾರ ನಿರ್ಬಂಧ

- ಪಾರ್ಕ್, ರಸ್ತೆಸೇರಿದಂತೆ ಸಾರ್ವಜನಿಕ ಸ್ಥಳಗಳಲ್ಲಿಮದ್ಯಪಾನ ನಿಷಿದ್ಧ

- ಡ್ರಗ್ಸ್‌ ಪತ್ತೆಗೆ ಶ್ವಾನದಳ ಬಳಕೆ