ಗಿರೀಶ್ ಕೋಟೆ ಬೆಂಗಳೂರು
ಖಾಸಗಿ ಕಂಪನಿ ಉದ್ಯೋಗಿ ನಿತಿನ್ ತೋಮ ಅವರು ಜ.20 ರ ರಾತ್ರಿ ತಮ್ಮ ಹೋಂಡಾ ಜಾಝ್ ಕಾರನ್ನು ಎಚ್.ಎಸ್.ಆರ್. ಲೇಔಟ್ನ ಬ್ರಿಕ್ಕೀಸ್ ರೆಸ್ಟೋರೆಂಟ್ ಮುಂದೆ ನಿಲ್ಲಿಸಿ ಊಟಕ್ಕೆ ತೆರಳಿದ್ದರು. ವಾಪಸ್ ಬಂದು ನೋಡಿದರೆ ಕಾರಿನ ಹಿಂದಿನ ಗ್ಲಾಸನ್ನು ಒಡೆದು ಕಾರಿನೊಳಗಿದ್ದ ಆ್ಯಪಲ್ ಮ್ಯಾಕ್ಬುಕ್ ಮತ್ತು ಲ್ಯಾಪ್ಟಾಪ್ ಕದ್ದುಕೊಂಡು ಹೋಗಿದ್ದಾರೆ.
ಜ.20 ರಂದೇ ಇದೇ ಪೊಲೀಸ್ ಠಾಣೆ ವ್ಯಾಪ್ತಿಯಲ್ಲೇ ರಜತ್ ಭಟ್ ಅವರು ತಮ್ಮ ಕಾರನ್ನು ಪೆಪ್ಪರ್ ಫ್ರೈ ಸ್ಟುಡಿಯೋ ರೆಸ್ಟೋರೆಂಟ್ ಮುಂದೆ ನಿಲ್ಲಿಸಿ ರಾತ್ರಿ ಊಟಕ್ಕೆ ಹೋಗಿ ವಾಪಸಾಗುವಷ್ಟರಲ್ಲಿ ಇವರ ಕಾರಿನ ಹಿಂಬದಿ ಗ್ಲಾಸ್ ಒಡೆದು ಕಾರಲ್ಲಿದ್ದ ಲ್ಯಾಪ್ಟಾಪ್, ಪರ್ಸ್ ಮತ್ತು ಡೆಬಿಟ್ ಕಾರ್ಡ್ಗಳ ಜತೆಗೆ ದಾಖಲೆಗಳನ್ನು ಕದ್ದುಕೊಂಡು ಹೋಗಿದ್ದಾರೆ.
ಜ.22 ರಂದು ಖಾಸಗಿ ಕಂಪನಿ ಉದ್ಯೋಗಿ ಊರ್ಮಿಳಾ ಪಟೇಲ್ ಅವರು ಸರ್ಜಾಪುರ ರಸ್ತೆಯ ವಿಲ್ಲಾ ಡೆಲ್ ಮಾಲ್ ಎದುರಿಗೆ ತಮ್ಮ ಹೋಂಡಾ ಸಿಟಿ ಕಾರನ್ನು ನಿಲ್ಲಿಸಿ ಶಾಪಿಂಗ್ಗೆಂದು ಹೋಗಿದ್ದರು. ಹೊರಗೆ ಬರುವುದರೊಳಗೆ ಕಾರಿನ ಗ್ಲಾಸು ಒಡೆದು ಲ್ಯಾಪ್ಟಾಪ್ ಮತ್ತು ಡೆಬಿಟ್ ಕಾರ್ಡ್ಗಳಿದ್ದ ಬ್ಯಾಗನ್ನು ಕದ್ದುಕೊಂಡು ಹೋಗಿದ್ದಾರೆ. ಬೆಳ್ಳಂದೂರು ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
ಇನ್ನು ಬಸವನಗುಡಿ ಪೊಲೀಸ್ ಠಾಣೆ ವ್ಯಾಪ್ತಿಯ ಗಿರಿಯಾಸ್ ಎದುರಿಗೇ ಕಾರಿನ ಗಾಜು ಒಡೆದು ಲ್ಯಾಪ್ಟಾಪ್ ಕದ್ದಿರುವ 2 ಪ್ರಕರಣಗಳು ವರದಿಯಾಗಿವೆ...
ಇಂಥ ಹತ್ತಾರು ಘಟನೆಗಳು ನಗರದಲ್ಲಿ ನಡೆದಿವೆ. ತಿಂಗಳಿಗೆ ಏನಿಲ್ಲವೆಂದರೂ ಕನಿಷ್ಠ 30 ರಿಂದ 50 ಲ್ಯಾಪ್ಟಾಪ್ಗಳನ್ನು ಕಾರಿನ ಗಾಜು ಒಡೆದು ಕದಿಯುತ್ತಿರುವ ಪ್ರಕರಣಗಳು ವರದಿ ಆಗುತ್ತಿವೆ.
ಆನ್ಲೈನ್ ಮಾರುಕಟ್ಟೆ: ಬೆಂಗಳೂರಿನಲ್ಲಿ ನೀರು ಕುಡಿದಷ್ಟೇ ಸಲೀಸಾಗಿ ಲ್ಯಾಪ್ಟಾಪ್ ಕಳ್ಳತನ ಪ್ರಕರಣಗಳು ವರದಿ ಆಗುತ್ತಿರುವುದಕ್ಕೆ ಮುಖ್ಯ ಕಾರಣ 'ಆನ್ಲೈನ್ ಮಾರುಕಟ್ಟೆ' ಎನ್ನುತ್ತಾರೆ ಪೊಲೀಸರು. ನಾನಾ ಬಜಾರ್ಗಳ ಹೆಸರಿನಲ್ಲಿ , ಒಎಲ್ಎಕ್ಸ್ ಸೇರಿದಂತೆ ಹಲವಾರು ಆನ್ಲೈನ್ ಮಾರುಕಟ್ಟೆಯಲ್ಲಿ ಈಗ ಕದ್ದ ಮಾಲನ್ನು ಮಾರಾಟ ಮಾಡುವುದು ಬಹಳ ಸಲೀಸಾಗಿದೆ. ಮೊದಲೆಲ್ಲ ಕೇವಲ ಎಸ್.ಪಿ.ರಸ್ತೆ, ನ್ಯಾಷನಲ್ ಮಾರ್ಕೆಟ್, ಹಾಂಕಾಂಗ್ ಬಜಾರ್ ರೀತಿಯ ಮಾರುಕಟ್ಟೆಗಳಲ್ಲಿ ಕದ್ದ ಲ್ಯಾಪ್ಟಾಪ್ಗಳನ್ನು ಮಾರಾಟ ಮಾಡುವವರಿದ್ದರು. ಈಗ ಆನ್ಲೈನ್ ಮಾರುಕಟ್ಟೆಯಿಂದಾಗಿ ಲ್ಯಾಪ್ಟಾಪ್ ಕಳ್ಳತನ ಪ್ರಕರಣಗಳು ಹೆಚ್ಚಾಗುತ್ತಿವೆ. ವೃತ್ತಿಪರ ಕಳ್ಳರು ಮಾತ್ರವಲ್ಲದೆ ಕಾಲೇಜು ಹುಡುಗರೂ ಈಗೀಗ ಇಂಥ ಕಳ್ಳತನಕ್ಕೆ ಇಳಿಯುತ್ತಿರುವುದು ಗೊತ್ತಾಗುತ್ತಿದೆ. ಐಪಿಸಿ ಪ್ರಕಾರ ಲ್ಯಾಪ್ಟಾಪ್ ಕಳ್ಳತನ ಗಂಭೀರ ಸ್ವರೂಪದ ಅಪರಾಧವಲ್ಲ. ಆರೋಪಿಯನ್ನು ನ್ಯಾಯಾಲಯದ ಮುಂದೆ ಹಾಜರುಪಡಿಸಿದ ತಕ್ಷಣ ಜಾಮೀನು ಸಿಗುತ್ತದೆ. ಹೀಗಾಗಿ ಲ್ಯಾಪ್ಟಾಪ್ ಕಳ್ಳರಿಗೆ ಕಾನೂನಿನ ಭಯವಿಲ್ಲ ಎನ್ನುತ್ತಾರೆ ಪೊಲೀಸರು.
ಕದ್ದ ಮಾಲು ಗುರುತಿಸುವುದು ಕಷ್ಟ: ಪ್ರತೀ ದಿನ ಆನ್ಲೈನ್ನಲ್ಲಿ ಸೆಕೆಂಡ್ ಹ್ಯಾಂಡ್ ಲ್ಯಾಪ್ಟಾಪ್ಗಳ ಮಾರಾಟದ ಬಗ್ಗೆ ಸಾವಿರಾರು ಜಾಹೀರಾತುಗಳು ಪ್ರಕಟವಾಗಿರುತ್ತವೆ. ಇವುಗಳಲ್ಲಿ ಕದ್ದ ಮಾಲನ್ನು ಮಾರಾಟ ಮಾಡುವವರು, ಕದ್ದವರಿಂದ ಖರೀದಿಸಿ ಮಾರುವವರು ನೀಡಿದ ಜಾಹೀರಾತುಗಳೇ ಶೇ. 75 ರಷ್ಟಿರುತ್ತವೆ. ಆನ್ಲೈನ್ನಲ್ಲಿ ಜಾಹೀರಾತು ನೀಡಿರುವವರೆಲ್ಲರ ಲ್ಯಾಪ್ಟಾಪ್ಗಳನ್ನು ನಾವು ಪರೀಕ್ಷಿಸುವುದು ಸಾಧ್ಯವಿಲ್ಲ. ಮೊದಲಾದರೆ ಸ್ಥಳೀಯವಾಗಿಯೇ ಕದ್ದ ಮಾಲನ್ನು ಮಾರಾಟ ಮಾಡುವವರಿರುತ್ತಿದ್ದರು. ಅವರನ್ನು ಬಂಧಿಸಿದ ತಕ್ಷಣ ಅವರ ಬಳಿ ಇರುವ ಮಾಲನ್ನು ವಶಪಡಿಸಿಕೊಂಡು ಪರಿಶೀಲನೆ ನಡೆಸಲು ಸಾಧ್ಯವಿತ್ತು. ಆದರೆ, ಈಗ ಅನಕ್ಷರಸ್ಥ ಕಳ್ಳರೂ ಆನ್ಲೈನ್ನಲ್ಲಿ ಮಾರಾಟ ಮಾಡುವುದನ್ನು ಕಲಿತುಬಿಟ್ಟಿದ್ದಾರೆ. ಒಂದು ಲ್ಯಾಪ್ಟಾಪ್ ಕದ್ದರೆ ಕನಿಷ್ಠ 15 ರಿಂದ 40 ಸಾವಿರದವರೆಗೂ ಅವರಿಗೆ ಸಿಗುತ್ತದೆ ಎನ್ನುತ್ತಾರೆ ಪೊಲೀಸರು.
ಖಾಸಗಿ ಕಂಪನಿ ಉದ್ಯೋಗಿ ನಿತಿನ್ ತೋಮ ಅವರು ಜ.20 ರ ರಾತ್ರಿ ತಮ್ಮ ಹೋಂಡಾ ಜಾಝ್ ಕಾರನ್ನು ಎಚ್.ಎಸ್.ಆರ್. ಲೇಔಟ್ನ ಬ್ರಿಕ್ಕೀಸ್ ರೆಸ್ಟೋರೆಂಟ್ ಮುಂದೆ ನಿಲ್ಲಿಸಿ ಊಟಕ್ಕೆ ತೆರಳಿದ್ದರು. ವಾಪಸ್ ಬಂದು ನೋಡಿದರೆ ಕಾರಿನ ಹಿಂದಿನ ಗ್ಲಾಸನ್ನು ಒಡೆದು ಕಾರಿನೊಳಗಿದ್ದ ಆ್ಯಪಲ್ ಮ್ಯಾಕ್ಬುಕ್ ಮತ್ತು ಲ್ಯಾಪ್ಟಾಪ್ ಕದ್ದುಕೊಂಡು ಹೋಗಿದ್ದಾರೆ.
ಜ.20 ರಂದೇ ಇದೇ ಪೊಲೀಸ್ ಠಾಣೆ ವ್ಯಾಪ್ತಿಯಲ್ಲೇ ರಜತ್ ಭಟ್ ಅವರು ತಮ್ಮ ಕಾರನ್ನು ಪೆಪ್ಪರ್ ಫ್ರೈ ಸ್ಟುಡಿಯೋ ರೆಸ್ಟೋರೆಂಟ್ ಮುಂದೆ ನಿಲ್ಲಿಸಿ ರಾತ್ರಿ ಊಟಕ್ಕೆ ಹೋಗಿ ವಾಪಸಾಗುವಷ್ಟರಲ್ಲಿ ಇವರ ಕಾರಿನ ಹಿಂಬದಿ ಗ್ಲಾಸ್ ಒಡೆದು ಕಾರಲ್ಲಿದ್ದ ಲ್ಯಾಪ್ಟಾಪ್, ಪರ್ಸ್ ಮತ್ತು ಡೆಬಿಟ್ ಕಾರ್ಡ್ಗಳ ಜತೆಗೆ ದಾಖಲೆಗಳನ್ನು ಕದ್ದುಕೊಂಡು ಹೋಗಿದ್ದಾರೆ.
ಜ.22 ರಂದು ಖಾಸಗಿ ಕಂಪನಿ ಉದ್ಯೋಗಿ ಊರ್ಮಿಳಾ ಪಟೇಲ್ ಅವರು ಸರ್ಜಾಪುರ ರಸ್ತೆಯ ವಿಲ್ಲಾ ಡೆಲ್ ಮಾಲ್ ಎದುರಿಗೆ ತಮ್ಮ ಹೋಂಡಾ ಸಿಟಿ ಕಾರನ್ನು ನಿಲ್ಲಿಸಿ ಶಾಪಿಂಗ್ಗೆಂದು ಹೋಗಿದ್ದರು. ಹೊರಗೆ ಬರುವುದರೊಳಗೆ ಕಾರಿನ ಗ್ಲಾಸು ಒಡೆದು ಲ್ಯಾಪ್ಟಾಪ್ ಮತ್ತು ಡೆಬಿಟ್ ಕಾರ್ಡ್ಗಳಿದ್ದ ಬ್ಯಾಗನ್ನು ಕದ್ದುಕೊಂಡು ಹೋಗಿದ್ದಾರೆ. ಬೆಳ್ಳಂದೂರು ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
ಇನ್ನು ಬಸವನಗುಡಿ ಪೊಲೀಸ್ ಠಾಣೆ ವ್ಯಾಪ್ತಿಯ ಗಿರಿಯಾಸ್ ಎದುರಿಗೇ ಕಾರಿನ ಗಾಜು ಒಡೆದು ಲ್ಯಾಪ್ಟಾಪ್ ಕದ್ದಿರುವ 2 ಪ್ರಕರಣಗಳು ವರದಿಯಾಗಿವೆ...
ಇಂಥ ಹತ್ತಾರು ಘಟನೆಗಳು ನಗರದಲ್ಲಿ ನಡೆದಿವೆ. ತಿಂಗಳಿಗೆ ಏನಿಲ್ಲವೆಂದರೂ ಕನಿಷ್ಠ 30 ರಿಂದ 50 ಲ್ಯಾಪ್ಟಾಪ್ಗಳನ್ನು ಕಾರಿನ ಗಾಜು ಒಡೆದು ಕದಿಯುತ್ತಿರುವ ಪ್ರಕರಣಗಳು ವರದಿ ಆಗುತ್ತಿವೆ.
ಆನ್ಲೈನ್ ಮಾರುಕಟ್ಟೆ: ಬೆಂಗಳೂರಿನಲ್ಲಿ ನೀರು ಕುಡಿದಷ್ಟೇ ಸಲೀಸಾಗಿ ಲ್ಯಾಪ್ಟಾಪ್ ಕಳ್ಳತನ ಪ್ರಕರಣಗಳು ವರದಿ ಆಗುತ್ತಿರುವುದಕ್ಕೆ ಮುಖ್ಯ ಕಾರಣ 'ಆನ್ಲೈನ್ ಮಾರುಕಟ್ಟೆ' ಎನ್ನುತ್ತಾರೆ ಪೊಲೀಸರು. ನಾನಾ ಬಜಾರ್ಗಳ ಹೆಸರಿನಲ್ಲಿ , ಒಎಲ್ಎಕ್ಸ್ ಸೇರಿದಂತೆ ಹಲವಾರು ಆನ್ಲೈನ್ ಮಾರುಕಟ್ಟೆಯಲ್ಲಿ ಈಗ ಕದ್ದ ಮಾಲನ್ನು ಮಾರಾಟ ಮಾಡುವುದು ಬಹಳ ಸಲೀಸಾಗಿದೆ. ಮೊದಲೆಲ್ಲ ಕೇವಲ ಎಸ್.ಪಿ.ರಸ್ತೆ, ನ್ಯಾಷನಲ್ ಮಾರ್ಕೆಟ್, ಹಾಂಕಾಂಗ್ ಬಜಾರ್ ರೀತಿಯ ಮಾರುಕಟ್ಟೆಗಳಲ್ಲಿ ಕದ್ದ ಲ್ಯಾಪ್ಟಾಪ್ಗಳನ್ನು ಮಾರಾಟ ಮಾಡುವವರಿದ್ದರು. ಈಗ ಆನ್ಲೈನ್ ಮಾರುಕಟ್ಟೆಯಿಂದಾಗಿ ಲ್ಯಾಪ್ಟಾಪ್ ಕಳ್ಳತನ ಪ್ರಕರಣಗಳು ಹೆಚ್ಚಾಗುತ್ತಿವೆ. ವೃತ್ತಿಪರ ಕಳ್ಳರು ಮಾತ್ರವಲ್ಲದೆ ಕಾಲೇಜು ಹುಡುಗರೂ ಈಗೀಗ ಇಂಥ ಕಳ್ಳತನಕ್ಕೆ ಇಳಿಯುತ್ತಿರುವುದು ಗೊತ್ತಾಗುತ್ತಿದೆ. ಐಪಿಸಿ ಪ್ರಕಾರ ಲ್ಯಾಪ್ಟಾಪ್ ಕಳ್ಳತನ ಗಂಭೀರ ಸ್ವರೂಪದ ಅಪರಾಧವಲ್ಲ. ಆರೋಪಿಯನ್ನು ನ್ಯಾಯಾಲಯದ ಮುಂದೆ ಹಾಜರುಪಡಿಸಿದ ತಕ್ಷಣ ಜಾಮೀನು ಸಿಗುತ್ತದೆ. ಹೀಗಾಗಿ ಲ್ಯಾಪ್ಟಾಪ್ ಕಳ್ಳರಿಗೆ ಕಾನೂನಿನ ಭಯವಿಲ್ಲ ಎನ್ನುತ್ತಾರೆ ಪೊಲೀಸರು.
ಕದ್ದ ಮಾಲು ಗುರುತಿಸುವುದು ಕಷ್ಟ: ಪ್ರತೀ ದಿನ ಆನ್ಲೈನ್ನಲ್ಲಿ ಸೆಕೆಂಡ್ ಹ್ಯಾಂಡ್ ಲ್ಯಾಪ್ಟಾಪ್ಗಳ ಮಾರಾಟದ ಬಗ್ಗೆ ಸಾವಿರಾರು ಜಾಹೀರಾತುಗಳು ಪ್ರಕಟವಾಗಿರುತ್ತವೆ. ಇವುಗಳಲ್ಲಿ ಕದ್ದ ಮಾಲನ್ನು ಮಾರಾಟ ಮಾಡುವವರು, ಕದ್ದವರಿಂದ ಖರೀದಿಸಿ ಮಾರುವವರು ನೀಡಿದ ಜಾಹೀರಾತುಗಳೇ ಶೇ. 75 ರಷ್ಟಿರುತ್ತವೆ. ಆನ್ಲೈನ್ನಲ್ಲಿ ಜಾಹೀರಾತು ನೀಡಿರುವವರೆಲ್ಲರ ಲ್ಯಾಪ್ಟಾಪ್ಗಳನ್ನು ನಾವು ಪರೀಕ್ಷಿಸುವುದು ಸಾಧ್ಯವಿಲ್ಲ. ಮೊದಲಾದರೆ ಸ್ಥಳೀಯವಾಗಿಯೇ ಕದ್ದ ಮಾಲನ್ನು ಮಾರಾಟ ಮಾಡುವವರಿರುತ್ತಿದ್ದರು. ಅವರನ್ನು ಬಂಧಿಸಿದ ತಕ್ಷಣ ಅವರ ಬಳಿ ಇರುವ ಮಾಲನ್ನು ವಶಪಡಿಸಿಕೊಂಡು ಪರಿಶೀಲನೆ ನಡೆಸಲು ಸಾಧ್ಯವಿತ್ತು. ಆದರೆ, ಈಗ ಅನಕ್ಷರಸ್ಥ ಕಳ್ಳರೂ ಆನ್ಲೈನ್ನಲ್ಲಿ ಮಾರಾಟ ಮಾಡುವುದನ್ನು ಕಲಿತುಬಿಟ್ಟಿದ್ದಾರೆ. ಒಂದು ಲ್ಯಾಪ್ಟಾಪ್ ಕದ್ದರೆ ಕನಿಷ್ಠ 15 ರಿಂದ 40 ಸಾವಿರದವರೆಗೂ ಅವರಿಗೆ ಸಿಗುತ್ತದೆ ಎನ್ನುತ್ತಾರೆ ಪೊಲೀಸರು.