ಭಾನುವಾರದ ಮೆಟ್ರೊ 6 ಗಂಟೆಗೆ ಶುರು ಮಾಡಲು ಒತ್ತಾಯ
ಇನ್ನೂ ಹೆಚ್ಚಿನ ಪ್ರಯಾಣಿಕರಿಗೆ ಅನುಕೂಲ ಕಲ್ಪಿಸಲು ಮುಂಜಾನೆ 6 ಗಂಟೆಗೇ ರೈಲು ಕಾರ್ಯಾಚರಣೆ ನಡೆಸುವುದು ಸೂಕ್ತ ಎಂದು ಪ್ರಯಾಣಿಕರು ಬೇಡಿಕೆ ಮುಂದಿಟ್ಟಿದ್ದಾರೆ.
Vijaya Karnataka 14 Jan 2019, 5:00 am
ಬೆಂಗಳೂರು: 'ನಮ್ಮ ಮೆಟ್ರೊ' ಸೇವೆ ಭಾನುವಾರದಿಂದ ಬೆಳಗ್ಗೆ 8ರ ಬದಲು 7 ಗಂಟೆಗೇ ಆರಂಭವಾಯಿತು. ಆದರೆ, ಇನ್ನೂ ಹೆಚ್ಚಿನ ಪ್ರಯಾಣಿಕರಿಗೆ ಅನುಕೂಲ ಕಲ್ಪಿಸಲು ಮುಂಜಾನೆ 6 ಗಂಟೆಗೇ ರೈಲು ಕಾರ್ಯಾಚರಣೆ ನಡೆಸುವುದು ಸೂಕ್ತ ಎಂದು ಪ್ರಯಾಣಿಕರು ಬೇಡಿಕೆ ಮುಂದಿಟ್ಟಿದ್ದಾರೆ.
ಡಿಪೊಗಳಲ್ಲಿ ರೈಲುಗಳ ನಿರ್ವಹಣೆ ಮಾಡುವ ಸಲುವಾಗಿ ಭಾನುವಾರ ತಡವಾಗಿ ಬೆಳಗ್ಗೆ 8 ಗಂಟೆಗೆ ಕಾರ್ಯಾಚರಣೆ ಆರಂಭಿಸಲಾಗುತ್ತಿತ್ತು. ಈ ಭಾನುವಾರದಿಂದ ಬೆಳಗ್ಗೆ 7 ಗಂಟೆಗೆ ಸೇವೆ ಶುರುವಾಗಿದೆ. ಇನ್ನು ಮುಂದೆಯೂ ಪ್ರತಿ ಭಾನುವಾರ 7 ಗಂಟೆಗೆ ಸೇವೆ ಲಭ್ಯವಾಗಲಿದೆ. ಆದರೆ ಇದರಿಂದ ಹೆಚ್ಚಿನ ಪ್ರಯಾಣಿಕರಿಗೆ ಪ್ರಯೋಜನವಾಗುತ್ತಿಲ್ಲ. ಹೀಗಾಗಿ, ಮುಂಜಾನೆ 6 ಗಂಟೆಗೆ ಸೇವೆ ಆರಂಭಿಸಬೇಕು ಎಂದು ಪ್ರಯಾಣಿಕರು ಒತ್ತಾಯಿಸಿದ್ದಾರೆ.
ವಾಯುವಿಹಾರಿಗಳಿಗೆ ಪ್ರಯೋಜನವಿಲ್ಲ: ಬೆಳಗ್ಗೆ 7 ಗಂಟೆಗೆ ಮೆಟ್ರೊ ಆರಂಭವಾದರೂ ಲಾಲ್ಬಾಗ್ ಹಾಗೂ ಕಬ್ಬನ್ ಉದ್ಯಾನಕ್ಕೆ ಬರುವ ವಾಯುವಿಹಾರಿಗಳಿಗೆ ಹೆಚ್ಚು ಪ್ರಯೋಜನವಾಗುತ್ತಿಲ್ಲ. ವಾಯುವಿಹಾರಿಗಳು ಮುಂಜಾನೆ 5.30, 6 ಗಂಟೆಗೆ ಉದ್ಯಾನಕ್ಕೆ ಬರುತ್ತಿರುವುದರಿಂದ ಸಮಸ್ಯೆಯಾಗುತ್ತಿದೆ. ಸ್ವಂತ ವಾಹನಗಳ ಬಳಕೆ ಕಡಿಮೆ ಮಾಡುವುದು ಮೆಟ್ರೊ ಯೋಜನೆಯ ಪ್ರಮುಖ ಉದ್ದೇಶ. ಜ.13 ರಂದು ಬೆಳಗ್ಗೆ 7 ಗಂಟೆಗೆ ಮೆಟ್ರೊ ಶುರುವಾದರೂ ಕಬ್ಬನ್ ಉದ್ಯಾನದಲ್ಲಿ ಸ್ವಂತ ವಾಹನಗಳ ಸಂಖ್ಯೆ ಕಡಿಮೆಯಾಗಿರಲಿಲ್ಲ. ಕಬ್ಬನ್ ಉದ್ಯಾನದ ಎಚ್ಎಎಲ್ ಆಡಳಿತ ಕಚೇರಿ ಕಡೆಯ ಪ್ರವೇಶದ್ವಾರದಲ್ಲಿ ಹಿಂದಿನಂತೆಯೇ ದ್ವಿಚಕ್ರ ವಾಹನ ಹಾಗೂ ಕಾರುಗಳು ಪಾರ್ಕಿಂಗ್ ಮಾಡಿರುವುದು ಕಂಡು ಬಂತು.
ಈ ಕುರಿತು ವಾಯುವಿಹಾರಿಗಳನ್ನು ಪ್ರಶ್ನಿಸಿದಾಗ, ''ನಾವು ಕಬ್ಬನ್ ಉದ್ಯಾನಕ್ಕೆ ಮುಂಜಾನೆ ಬರುತ್ತಿದ್ದು, 7 ಗಂಟೆಗೆ ಸಿಗುವ ಮೆಟ್ರೊದಿಂದ ಏನೂ ಪ್ರಯೋಜನವಿಲ್ಲ'' ಎಂದು ಪ್ರತಿಕ್ರಿಯಿಸಿದರು. ನಗರದ ನಾನಾ ಭಾಗಗಳಿಂದ ಬರುವ ವಾಯುವಿಹಾರಿಗಳು ಬೆಳಗ್ಗೆ 7 ಕ್ಕೆ ಮೆಟ್ರೊ ಹತ್ತಿದರೆ ಉದ್ಯಾನ ತಲುಪುವಾಗ 7.30 ಆಗಿರುತ್ತದೆ. ಮುಂಜಾನೆ ಸೂರ್ಯೋದಯವಾಗುವ ಸಮಯದಲ್ಲಿ ಹೆಚ್ಚಿನವರು ವಾಯುವಿಹಾರ ಮಾಡುತ್ತಾರೆ. 7.30 ನಂತರ ವಾಯುವಿಹಾರ ಮಾಡಿ ಏನು ಪ್ರಯೋಜನ'' ಎಂದು ಅವರು ಪ್ರಶ್ನಿಸಿದ್ದಾರೆ.
ಊರಿನಿಂದ ಬರುವವರಿಗೆ ಸ್ವಲ್ಪ ಅನುಕೂಲ: ತುಮಕೂರು, ಮಂಗಳೂರು ಸೇರಿದಂತೆ ಹಲವು ಜಿಲ್ಲೆಗಳಿಂದ ಬೆಂಗಳೂರಿಗೆ ಬರುವ ಪ್ರಯಾಣಿಕರಿಗೆ ಬೆಳಗ್ಗೆ 7 ಗಂಟೆಗೆ ಆರಂಭವಾದ ಮೆಟ್ರೊ ಸ್ವಲ್ಪ ಅನುಕೂಲ ಮಾಡಿಕೊಟ್ಟಿದೆ. ತುಮಕೂರು ರಸ್ತೆಯಿಂದ ಬರುವ ಕೆಎಸ್ಆರ್ಟಿಸಿ ಬಸ್ನಿಂದ ಮಾರ್ಗಮಧ್ಯೆ ಇಳಿಯುವ ಹಾಗೂ ಯಶವಂತಪುರ ನಿಲ್ದಾಣದಲ್ಲಿ ಇಳಿಯುವ ಪ್ರಯಾಣಿಕರು ಈ ಮಾರ್ಗದ ಮೆಟ್ರೊ ನಿಲ್ದಾಣಗಳಿಂದ ತಮ್ಮ ಮನೆಗಳಿರುವ ಪ್ರದೇಶಕ್ಕೆ ಪ್ರಯಾಣಿಸುತ್ತಿದ್ದಾರೆ. ಬೇರೆ ದಿನಗಳಲ್ಲಿ ಮುಂಜಾನೆ 5 ಗಂಟೆಗೆ ಮೆಟ್ರೊ ಲಭ್ಯವಾಗುತ್ತದೆ. ಆಗ ಯಾವುದೇ ಸಮಸ್ಯೆಯಾಗುವುದಿಲ್ಲ.
ಶುಕ್ರವಾರ, ಶನಿವಾರ ಊರಿಗೆ ಹೋದವರು ಮರಳಿ ಭಾನುವಾರ ನಗರಕ್ಕೆ ಬರುತ್ತಾರೆ. ಈ ವೇಳೆ ಮನೆಗಳಿಗೆ ತೆರಳಲು ಮೆಟ್ರೊ ಅಗತ್ಯವಾಗಿದೆ. ಊರಿನಿಂದ ಬರುವವರು ಈ ಹಿಂದೆ ಬಸ್ಗಳಲ್ಲಿ ಮೆಜೆಸ್ಟಿಕ್ಗೆ ಹೋಗಿ ಅಲ್ಲಿಂದ ಬಿಎಂಟಿಸಿ ಬಸ್ ಹತ್ತಿ ಮನೆ ಇರುವ ಪ್ರದೇಶಕ್ಕೆ ತೆರಳುತ್ತಿದ್ದರು. ಒಂದು ಗಂಟೆ ಮುಂಚಿತವಾಗಿ ಮೆಟ್ರೊ ಆರಂಭವಾಗಿರುವುದು ಈ ವರ್ಗದ ಜನರಿಗೆ ಸ್ವಲ್ಪ ಅನುಕೂಲವಾಗಿದೆ. ಆದರೆ ಬೆಳಗ್ಗೆ 7 ಗಂಟೆಗೆ ಮುನ್ನ ಬರುವವರು ಬಸ್, ಆಟೊರಿಕ್ಷಾ, ಟ್ಯಾಕ್ಸಿಗಳನ್ನೇ ಅವಲಂಬಿಸಬೇಕಾಗಿದೆ.
ಟ್ವಿಟರ್ನಲ್ಲೂ ಆಗ್ರಹ: ಮೆಟ್ರೊ ಸಾರ್ವಜನಿಕ ಸಂಪರ್ಕಾಧಿಕಾರಿ ಕಚೇರಿಯ ಟ್ವಿಟರ್ ಖಾತೆಯಲ್ಲೂ ಭಾನುವಾರ ಬೆಳಗ್ಗೆ 6 ಗಂಟೆಗೆ ಮೆಟ್ರೊ ಆರಂಭಿಸಬೇಕೆಂಬ ಆಗ್ರಹ ಕೇಳಿ ಬಂದಿದೆ. 'ಬೆಳಗ್ಗೆ 7 ಗಂಟೆಗೆ ಸೇವೆ ನೀಡುತ್ತಿರುವುದು ಸ್ವಾಗತಾರ್ಹ. ಹಾಗೆಯೇ 6 ಗಂಟೆಗೆ ಸೇವೆ ನೀಡಲು ಪ್ರಯತ್ನಿಸಿ' ಎಂದು ಪ್ರಯಾಣಿಕರು ಒತ್ತಾಯಿಸಿದ್ದಾರೆ.
ಹಾಕಿ ಆಡಲು ಪ್ರತಿ ಭಾನುವಾರ ಹೊಸಹಳ್ಳಿ ಮೆಟ್ರೊದಿಂದ ವಿಧಾನಸೌಧ ಮೆಟ್ರೊಗೆ ಬಂದು ವಿಠಲ್ಮಲ್ಯ ರಸ್ತೆಯ ಸೇಂಟ್ ಜೋಸೆಫ್ ಶಾಲೆಯ ಮೈದಾನಕ್ಕೆ ಹೋಗುತ್ತೇನೆ. ಮೊದಲು ಬಸ್ನಲ್ಲಿ ಹೋಗುತ್ತಿದ್ದೆ. ಈ ಭಾನುವಾರದಿಂದ ಮೆಟ್ರೊ ಬಳಸುವೆ.
-ಧನುಷ್, ವಿದ್ಯಾರ್ಥಿ
ಮುಂಜಾನೆ 6 ಗಂಟೆಗೆ ಮೆಟ್ರೊ ಆರಂಭಿಸಿದರೆ ಹೆಚ್ಚು ಅನುಕೂಲವಾಗುತ್ತದೆ. ಬಿಎಂಆರ್ಸಿಎಲ್ ಈ ಬಗ್ಗೆ ಚಿಂತನೆ ನಡೆಸಲಿ.
-ಮೋಹನ್, ಕಬ್ಬನ್ ಉದ್ಯಾನದ ವಾಯುವಿಹಾರಿ
ಭಾನುವಾರ ಕಬ್ಬನ್ ಉದ್ಯಾನಕ್ಕೆ ಬರುವವರು ಸ್ವಂತ ವಾಹನ ತರುತ್ತಿದ್ದಾರೆ. ವಾಯುವಿಹಾರಿಗಳ ಸಮಯಕ್ಕೆ ತಕ್ಕಂತೆ ಮೆಟ್ರೊ ಸೇವೆ ನೀಡಬೇಕು.
-ರಮೇಶ್, ಕಬ್ಬನ್ ಉದ್ಯಾನದ ವಾಯುವಿಹಾರಿ
ಡಿಪೊಗಳಲ್ಲಿ ರೈಲುಗಳ ನಿರ್ವಹಣೆ ಮಾಡುವ ಸಲುವಾಗಿ ಭಾನುವಾರ ತಡವಾಗಿ ಬೆಳಗ್ಗೆ 8 ಗಂಟೆಗೆ ಕಾರ್ಯಾಚರಣೆ ಆರಂಭಿಸಲಾಗುತ್ತಿತ್ತು. ಈ ಭಾನುವಾರದಿಂದ ಬೆಳಗ್ಗೆ 7 ಗಂಟೆಗೆ ಸೇವೆ ಶುರುವಾಗಿದೆ. ಇನ್ನು ಮುಂದೆಯೂ ಪ್ರತಿ ಭಾನುವಾರ 7 ಗಂಟೆಗೆ ಸೇವೆ ಲಭ್ಯವಾಗಲಿದೆ. ಆದರೆ ಇದರಿಂದ ಹೆಚ್ಚಿನ ಪ್ರಯಾಣಿಕರಿಗೆ ಪ್ರಯೋಜನವಾಗುತ್ತಿಲ್ಲ. ಹೀಗಾಗಿ, ಮುಂಜಾನೆ 6 ಗಂಟೆಗೆ ಸೇವೆ ಆರಂಭಿಸಬೇಕು ಎಂದು ಪ್ರಯಾಣಿಕರು ಒತ್ತಾಯಿಸಿದ್ದಾರೆ.
ವಾಯುವಿಹಾರಿಗಳಿಗೆ ಪ್ರಯೋಜನವಿಲ್ಲ: ಬೆಳಗ್ಗೆ 7 ಗಂಟೆಗೆ ಮೆಟ್ರೊ ಆರಂಭವಾದರೂ ಲಾಲ್ಬಾಗ್ ಹಾಗೂ ಕಬ್ಬನ್ ಉದ್ಯಾನಕ್ಕೆ ಬರುವ ವಾಯುವಿಹಾರಿಗಳಿಗೆ ಹೆಚ್ಚು ಪ್ರಯೋಜನವಾಗುತ್ತಿಲ್ಲ. ವಾಯುವಿಹಾರಿಗಳು ಮುಂಜಾನೆ 5.30, 6 ಗಂಟೆಗೆ ಉದ್ಯಾನಕ್ಕೆ ಬರುತ್ತಿರುವುದರಿಂದ ಸಮಸ್ಯೆಯಾಗುತ್ತಿದೆ. ಸ್ವಂತ ವಾಹನಗಳ ಬಳಕೆ ಕಡಿಮೆ ಮಾಡುವುದು ಮೆಟ್ರೊ ಯೋಜನೆಯ ಪ್ರಮುಖ ಉದ್ದೇಶ. ಜ.13 ರಂದು ಬೆಳಗ್ಗೆ 7 ಗಂಟೆಗೆ ಮೆಟ್ರೊ ಶುರುವಾದರೂ ಕಬ್ಬನ್ ಉದ್ಯಾನದಲ್ಲಿ ಸ್ವಂತ ವಾಹನಗಳ ಸಂಖ್ಯೆ ಕಡಿಮೆಯಾಗಿರಲಿಲ್ಲ. ಕಬ್ಬನ್ ಉದ್ಯಾನದ ಎಚ್ಎಎಲ್ ಆಡಳಿತ ಕಚೇರಿ ಕಡೆಯ ಪ್ರವೇಶದ್ವಾರದಲ್ಲಿ ಹಿಂದಿನಂತೆಯೇ ದ್ವಿಚಕ್ರ ವಾಹನ ಹಾಗೂ ಕಾರುಗಳು ಪಾರ್ಕಿಂಗ್ ಮಾಡಿರುವುದು ಕಂಡು ಬಂತು.
ಈ ಕುರಿತು ವಾಯುವಿಹಾರಿಗಳನ್ನು ಪ್ರಶ್ನಿಸಿದಾಗ, ''ನಾವು ಕಬ್ಬನ್ ಉದ್ಯಾನಕ್ಕೆ ಮುಂಜಾನೆ ಬರುತ್ತಿದ್ದು, 7 ಗಂಟೆಗೆ ಸಿಗುವ ಮೆಟ್ರೊದಿಂದ ಏನೂ ಪ್ರಯೋಜನವಿಲ್ಲ'' ಎಂದು ಪ್ರತಿಕ್ರಿಯಿಸಿದರು. ನಗರದ ನಾನಾ ಭಾಗಗಳಿಂದ ಬರುವ ವಾಯುವಿಹಾರಿಗಳು ಬೆಳಗ್ಗೆ 7 ಕ್ಕೆ ಮೆಟ್ರೊ ಹತ್ತಿದರೆ ಉದ್ಯಾನ ತಲುಪುವಾಗ 7.30 ಆಗಿರುತ್ತದೆ. ಮುಂಜಾನೆ ಸೂರ್ಯೋದಯವಾಗುವ ಸಮಯದಲ್ಲಿ ಹೆಚ್ಚಿನವರು ವಾಯುವಿಹಾರ ಮಾಡುತ್ತಾರೆ. 7.30 ನಂತರ ವಾಯುವಿಹಾರ ಮಾಡಿ ಏನು ಪ್ರಯೋಜನ'' ಎಂದು ಅವರು ಪ್ರಶ್ನಿಸಿದ್ದಾರೆ.
ಊರಿನಿಂದ ಬರುವವರಿಗೆ ಸ್ವಲ್ಪ ಅನುಕೂಲ: ತುಮಕೂರು, ಮಂಗಳೂರು ಸೇರಿದಂತೆ ಹಲವು ಜಿಲ್ಲೆಗಳಿಂದ ಬೆಂಗಳೂರಿಗೆ ಬರುವ ಪ್ರಯಾಣಿಕರಿಗೆ ಬೆಳಗ್ಗೆ 7 ಗಂಟೆಗೆ ಆರಂಭವಾದ ಮೆಟ್ರೊ ಸ್ವಲ್ಪ ಅನುಕೂಲ ಮಾಡಿಕೊಟ್ಟಿದೆ. ತುಮಕೂರು ರಸ್ತೆಯಿಂದ ಬರುವ ಕೆಎಸ್ಆರ್ಟಿಸಿ ಬಸ್ನಿಂದ ಮಾರ್ಗಮಧ್ಯೆ ಇಳಿಯುವ ಹಾಗೂ ಯಶವಂತಪುರ ನಿಲ್ದಾಣದಲ್ಲಿ ಇಳಿಯುವ ಪ್ರಯಾಣಿಕರು ಈ ಮಾರ್ಗದ ಮೆಟ್ರೊ ನಿಲ್ದಾಣಗಳಿಂದ ತಮ್ಮ ಮನೆಗಳಿರುವ ಪ್ರದೇಶಕ್ಕೆ ಪ್ರಯಾಣಿಸುತ್ತಿದ್ದಾರೆ. ಬೇರೆ ದಿನಗಳಲ್ಲಿ ಮುಂಜಾನೆ 5 ಗಂಟೆಗೆ ಮೆಟ್ರೊ ಲಭ್ಯವಾಗುತ್ತದೆ. ಆಗ ಯಾವುದೇ ಸಮಸ್ಯೆಯಾಗುವುದಿಲ್ಲ.
ಶುಕ್ರವಾರ, ಶನಿವಾರ ಊರಿಗೆ ಹೋದವರು ಮರಳಿ ಭಾನುವಾರ ನಗರಕ್ಕೆ ಬರುತ್ತಾರೆ. ಈ ವೇಳೆ ಮನೆಗಳಿಗೆ ತೆರಳಲು ಮೆಟ್ರೊ ಅಗತ್ಯವಾಗಿದೆ. ಊರಿನಿಂದ ಬರುವವರು ಈ ಹಿಂದೆ ಬಸ್ಗಳಲ್ಲಿ ಮೆಜೆಸ್ಟಿಕ್ಗೆ ಹೋಗಿ ಅಲ್ಲಿಂದ ಬಿಎಂಟಿಸಿ ಬಸ್ ಹತ್ತಿ ಮನೆ ಇರುವ ಪ್ರದೇಶಕ್ಕೆ ತೆರಳುತ್ತಿದ್ದರು. ಒಂದು ಗಂಟೆ ಮುಂಚಿತವಾಗಿ ಮೆಟ್ರೊ ಆರಂಭವಾಗಿರುವುದು ಈ ವರ್ಗದ ಜನರಿಗೆ ಸ್ವಲ್ಪ ಅನುಕೂಲವಾಗಿದೆ. ಆದರೆ ಬೆಳಗ್ಗೆ 7 ಗಂಟೆಗೆ ಮುನ್ನ ಬರುವವರು ಬಸ್, ಆಟೊರಿಕ್ಷಾ, ಟ್ಯಾಕ್ಸಿಗಳನ್ನೇ ಅವಲಂಬಿಸಬೇಕಾಗಿದೆ.
ಟ್ವಿಟರ್ನಲ್ಲೂ ಆಗ್ರಹ: ಮೆಟ್ರೊ ಸಾರ್ವಜನಿಕ ಸಂಪರ್ಕಾಧಿಕಾರಿ ಕಚೇರಿಯ ಟ್ವಿಟರ್ ಖಾತೆಯಲ್ಲೂ ಭಾನುವಾರ ಬೆಳಗ್ಗೆ 6 ಗಂಟೆಗೆ ಮೆಟ್ರೊ ಆರಂಭಿಸಬೇಕೆಂಬ ಆಗ್ರಹ ಕೇಳಿ ಬಂದಿದೆ. 'ಬೆಳಗ್ಗೆ 7 ಗಂಟೆಗೆ ಸೇವೆ ನೀಡುತ್ತಿರುವುದು ಸ್ವಾಗತಾರ್ಹ. ಹಾಗೆಯೇ 6 ಗಂಟೆಗೆ ಸೇವೆ ನೀಡಲು ಪ್ರಯತ್ನಿಸಿ' ಎಂದು ಪ್ರಯಾಣಿಕರು ಒತ್ತಾಯಿಸಿದ್ದಾರೆ.
ಹಾಕಿ ಆಡಲು ಪ್ರತಿ ಭಾನುವಾರ ಹೊಸಹಳ್ಳಿ ಮೆಟ್ರೊದಿಂದ ವಿಧಾನಸೌಧ ಮೆಟ್ರೊಗೆ ಬಂದು ವಿಠಲ್ಮಲ್ಯ ರಸ್ತೆಯ ಸೇಂಟ್ ಜೋಸೆಫ್ ಶಾಲೆಯ ಮೈದಾನಕ್ಕೆ ಹೋಗುತ್ತೇನೆ. ಮೊದಲು ಬಸ್ನಲ್ಲಿ ಹೋಗುತ್ತಿದ್ದೆ. ಈ ಭಾನುವಾರದಿಂದ ಮೆಟ್ರೊ ಬಳಸುವೆ.
-ಧನುಷ್, ವಿದ್ಯಾರ್ಥಿ
ಮುಂಜಾನೆ 6 ಗಂಟೆಗೆ ಮೆಟ್ರೊ ಆರಂಭಿಸಿದರೆ ಹೆಚ್ಚು ಅನುಕೂಲವಾಗುತ್ತದೆ. ಬಿಎಂಆರ್ಸಿಎಲ್ ಈ ಬಗ್ಗೆ ಚಿಂತನೆ ನಡೆಸಲಿ.
-ಮೋಹನ್, ಕಬ್ಬನ್ ಉದ್ಯಾನದ ವಾಯುವಿಹಾರಿ
ಭಾನುವಾರ ಕಬ್ಬನ್ ಉದ್ಯಾನಕ್ಕೆ ಬರುವವರು ಸ್ವಂತ ವಾಹನ ತರುತ್ತಿದ್ದಾರೆ. ವಾಯುವಿಹಾರಿಗಳ ಸಮಯಕ್ಕೆ ತಕ್ಕಂತೆ ಮೆಟ್ರೊ ಸೇವೆ ನೀಡಬೇಕು.
-ರಮೇಶ್, ಕಬ್ಬನ್ ಉದ್ಯಾನದ ವಾಯುವಿಹಾರಿ