ಬೆಂಗಳೂರು: ನಗರದಲ್ಲಿನ ರಸ್ತೆ ಗುಂಡಿಗಳನ್ನು ಮುಚ್ಚಲು ವಿಳಂಬ ಧೋರಣೆ ಅನುಸರಿಸುತ್ತಿರುವ ಕ್ರಮವನ್ನು ಖಂಡಿಸಿ ನವಭಾರತ ಪ್ರಜಾಸತ್ತಾತ್ಮಕ ಪಕ್ಷದ ಕಾರ್ಯಕರ್ತರು ಗುಂಡಿಗಳ ಪಕ್ಕದಲ್ಲಿ ಸಿಎಂ ಸಿದ್ದರಾಮಯ್ಯ ಮತ್ತು ಸಚಿವ ಕೆ.ಜೆ.ಜಾರ್ಜ್‌ ಅವರ ಚಿತ್ರ ಬಿಡಿಸಿ ವಿನೂತನ ರೀತಿಯಲ್ಲಿ ಪ್ರತಿಭಟನೆ ನಡೆಸಿದರು.
ಇಂದಿರಾನಗರದ 100 ಅಡಿ ರಸ್ತೆ ಮತ್ತು ಎಂ.ಜಿ.ರಸ್ತೆಯಲ್ಲಿ ಬಿದ್ದಿರುವ ಗುಂಡಿಗಳ ಮಗ್ಗುಲಲ್ಲಿ ಸಿಎಂ ಮತ್ತು ಸಚಿವರ ಭಿತ್ತಿ ಚಿತ್ರವನ್ನು ಬಿಡಿಸಿ ಸೋಮವಾರ ತಡರಾತ್ರಿ ಪ್ರತಿಭಟಿಸಿದರು. 'ನಾನು ಬೆಂಗಳೂರಿನ ಸಚಿವ, ಈ ರಸ್ತೆ ಗುಂಡಿಗಳಿಗೆ ಕಾರಣ ನಾನಾ?', 'ನಾನು ನಿಮ್ಮ ಸಿಎಂ, ಈ ರಸ್ತೆ ಗುಂಡಿಗೆ ಕಾರಣಾ ನಾನಾ?' ಎಂಬ ವಿಡಂಬನಾತ್ಮಕ ಸಾಲುಗಳನ್ನು ಚಿತ್ರದ ಅಡಿಯಲ್ಲಿ ಬರೆದು ಅಣಕವಾಡಲಾಗಿದೆ.
'ನಗರದ ಎಲ್ಲ ಶಾಸಕರು, ಬಿಬಿಎಂಪಿ ಸದಸ್ಯರಿಗೆ ರಸ್ತೆ ಗುಂಡಿಗಳನ್ನು ಮುಚ್ಚಲು ಒಂದು ವಾರ ಗಡುವು ನೀಡಿದ್ದೇವೆ. ಈ ಅವಧಿಯೊಳಗೆ ರಸ್ತೆ ಗುಂಡಿ ದುರಸ್ತಿಪಡಿಸದಿದ್ದಲ್ಲಿ ಎಲ್ಲ ಗುಂಡಿಗಳ ಮುಂದೆ ಆಯಾ ಕ್ಷೇತ್ರದ ಭಿತ್ತಿಚಿತ್ರಗಳನ್ನು ಬಿಡಿಸಲಾಗುವುದು' ಎಂದು ನವಭಾರತ ಪ್ರಜಾಸತ್ತಾತ್ಮಕ ಪಕ್ಷದ ಕಾರ್ಯಕರ್ತರು ಆಕ್ರೋಶ ವ್ಯಕ್ತಪಡಿಸಿದ್ದಾರೆ.
potholes in bangalore