ಮಂಜುನಾಥ್ ನಾಗಲೀಕರ್ ಬೆಂಗಳೂರು
ನೋ ಪಾರ್ಕಿಂಗ್ನಲ್ಲಿ ವಾಹನ ನಿಲ್ಲಿಸಿದ್ದ ಹೆಸರಲ್ಲಿ ಯರ್ರಾಬಿರ್ರಿ ವಾಹನಗಳನ್ನು ಎತ್ತಿಕೊಂಡು ಹೋಗುವ ಟ್ರಾಫಿಕ್ ಪೊಲೀಸರು ಹಾಗೂ ಖಾಸಗಿ ಏಜೆನ್ಸಿ ಸಿಬ್ಬಂದಿ ವಿರುದ್ಧ ಸಾರ್ವಜನಿಕ ವಲಯದಲ್ಲಿ ಆಕ್ಷೇಪಗಳು ವ್ಯಕ್ತವಾಗಿವೆ. ಸಂಚಾರ ವಿಭಾಗದ ಉನ್ನತ ಅಧಿಕಾರಿಗಳು ಸಿದ್ಧಪಡಿಸಿರುವ ನಿಯಮಗಳನ್ನು ಪೊಲೀಸರು ಪಾಲಿಸುತ್ತಿಲ್ಲ ಎಂದು ಆರೋಪಿಸುತ್ತಿದ್ದಾರೆ.
2014ರಲ್ಲಿ ಹೆಚ್ಚುವರಿ ಪೊಲೀಸ್ ಆಯುಕ್ತರಾಗಿದ್ದ ಬಿ.ದಯಾನಂದ ಅವರು ಎಸ್ಒಪಿ (ಸ್ಟಾಂಡರ್ಡ್ ಆಪರೇಟಿಂಗ್ ಪ್ರೊಸೀಜರ್)ಯನ್ನು ರೂಪಿಸಿ ಎಲ್ಲ ಸಂಚಾರ ಠಾಣೆಗಳ ಸಿಬ್ಬಂದಿ ಕಟ್ಟುನಿಟ್ಟಾಗಿ ಪಾಲಿಸುವಂತೆ ಸೂಚಿಸಿದ್ದರು. ನಂತರ ಬಂದ ಎಲ್ಲ ಆಯುಕ್ತರು ಹಾಗೂ ಹೆಚ್ಚುವರಿ ಆಯುಕ್ತರು ಎಸ್ಒಪಿ ಪಾಲನೆಗೆ ಸೂಚಿಸಿದ್ದರೂ, ಸಿಬ್ಬಂದಿಯ ಗೂಂಡಾವರ್ತನೆ ಮುಂದುವರಿದಿದೆ.
ಎಸ್ಒಪಿ ಪ್ರಕಾರ ಟೋವಿಂಗ್ ವಾಹನದ ಜತೆ ಸಂಚಾರ ಪೊಲೀಸ್ ಅಧಿಕಾರಿಯೊಬ್ಬರು ಇದ್ದು, ಕಾರ್ಯಾಚರಣೆಯ ಮೇಲ್ವಿಚಾರಣೆ ನಡೆಸಬೇಕು. ಆದರೆ, ಖಾಸಗಿ ವಾಹನಗಳಲ್ಲಿ ಬರುವ ಅಧಿಕಾರಿ ಕೆಳಕ್ಕೆ ಇಳಿಯುವುದೇ ಇಲ್ಲ. ಸಿಬ್ಬಂದಿಯೇ ಗಾಡಿಗಳನ್ನು ಯರ್ರಾಬಿರ್ರಿ ಎತ್ತಿಹಾಕಿಕೊಂಡು ಹೋಗುತ್ತಾರೆ.
ಈ ಬಗ್ಗೆ ಖಾಸಗಿ ಕಂಪನಿ ಸಿಬ್ಬಂದಿಯೊಬ್ಬರು ಪ್ರತಿಕ್ರಿಯಿಸಿ ''ವಾಹನ ಟೋವಿಂಗ್ ಮಾಡುವಾಗ ಮಾಲೀಕರು ಬಂದು ದಂಡ ಕಟ್ಟಿಸಿಕೊಂಡು ವಾಹನ ಬಿಡಿ ಎಂದು ಕೋರಿದರೂ ಅಧಿಕಾರಿಗಳು ಕೇಳುವುದಿಲ್ಲ. ಕಾರನ್ನು ಸರಿಯಾಗಿ ಟೋವ್ ಮಾಡದ ಕಾರಣ ಹಾಳಾಗುವುದನ್ನೂ ಕಂಡಿದ್ದೇನೆ,'' ಎಂದು ಹೇಳಿದರು.
''ನೋ ಪಾರ್ಕಿಂಗ್ ಅಲ್ಲದ ಜಾಗದಿಂದಲೂ ವಾಹನಗಳನ್ನು ಎತ್ತಿಕೊಂಡು ಹೋಗಿ, ವಿಷಯ ಗೊತ್ತಾದ ಬಳಿಕ ದಂಡ ಕಟ್ಟಿಸಿಕೊಳ್ಳದೇ ಬಿಟ್ಟಿರುವ ಘಟನೆಯೂ ನಡೆದಿದೆ,'' ಎಂದು ಮಹಿಳೆಯೊಬ್ಬರು ದೂರಿದ್ದಾರೆ.
ವಾಹನಗಳಿಗೆ ಹಾನಿ: ಖಾಸಗಿ ಸಿಬ್ಬಂದಿಗಳು ವಾಹನಗಳನ್ನು ಸರಿಯಾಗಿ ಟೋವ್ ಮಾಡುವುದಿಲ್ಲ. ಗುಜರಿ ವಾಹನಗಳನ್ನು ಎತ್ತಿಹಾಕುವಂತೆ ದ್ವಿಚಕ್ರ ವಾಹನಗಳನ್ನು ಎತ್ತಿ ತುಂಬುತ್ತಾರೆ. ಇದರಿಂದ ಮಡ್ಗಾರ್ಡ್, ಹ್ಯಾಂಡಲ್ ಹಾಗೂ ಪೆಟ್ರೋಲ್ ಟ್ಯಾಂಕ್ಗಳಿಗೆ ಹಾನಿಯಾಗುತ್ತವೆ. ಕಾರುಗಳನ್ನು ಸಂಕೋಲೆ ಹಾಕಿ ಎಳೆದುಕೊಂಡು ಹೋಗುತ್ತಾರೆ. ಪ್ರಶ್ನಿಸಿದ ಜನರಿಗೆ ಅಧಿಕಾರಿಗಳು ದಬಾಯಿಸುವುದೇ ಜಾಸ್ತಿ ಎಂದು ಸಾರ್ವಜನಿಕರು ಆಕ್ಷೇಪಿಸಿದ್ದಾರೆ.
19 ಲಕ್ಷ ಜನರಿಂದ ವಿಡಿಯೋ ವೀಕ್ಷಣೆ, ವ್ಯಾಪಕ ಬೆಂಬಲ: ಸಂಚಾರ ಪೊಲೀಸರು ನಿಯಮ ಪಾಲಿಸದೇ ಖಾಸಗಿ ಏಜೆನ್ಸಿ ಸಿಬ್ಬಂದಿ ಮೂಲಕ ವಾಹನ ಎತ್ತಿ ಹಾಕಿಕೊಂಡು ಹೋದ ಘಟನೆಯನ್ನು ಮಹಿಳೆಯೊಬ್ಬರು ವಿಡಿಯೊ ಮಾಡಿ ಸಾಮಾಜಿಕ ಜಾಲತಾಣದಲ್ಲಿ ಎರಡು ದಿನದ ಹಿಂದೆ ಅಪ್ಲೋಡ್ ಮಾಡಿದ್ದರು. ಈ ವಿಡಿಯೋವನ್ನು ಮೂರೇ ದಿನಗಳಲ್ಲಿ 19 ಲಕ್ಷ ಜನ ವೀಕ್ಷಿಸಿದ್ದಾರೆ. 21 ಸಾವಿರ ಜನ ಲೈಕ್ ಮಾಡಿದ್ದಾರೆ. 4,500 ಕಮೆಂಟ್ಗಳು ಬಂದರೆ, 38 ಸಾವಿರ ಬಾರಿ ಶೇರ್ ಆಗಿದೆ.
ನಶೆಯಲ್ಲಿ ಸಿಬ್ಬಂದಿ: ಟೋವಿಂಗ್ ಮಾಡುವ ಸಿಬ್ಬಂದಿ ನಶೆಯಲ್ಲಿ ಇರುತ್ತಾರೆ. ಕೆಲವರು ಕಡಿಮೆ ದರ್ಜೆಯ ಅಮಲು ಪದಾರ್ಥಗಳನ್ನು ಬಳಸುತ್ತಾರೆ ಎಂದು ಕೆಲವರು ದೂರಿದ್ದಾರೆ.
ಎಸ್ಒಪಿ ವಿಡಿಯೋ: ಬೆಂಗಳೂರು ಟ್ರಾಫಿಕ್ ಪೊಲೀಸ್ ಯುಟ್ಯೂಬ್ ಪೇಜ್ನಲ್ಲಿ ಟೋವಿಂಗ್ ವೇಳೆ ಪಾಲಿಸಬೇಕಾದ ಎಸ್ಒಪಿ ಕುರಿತ ವಿಡಿಯೊ ಇದೆ. ಹಿಂದಿನ ಹೆಚ್ಚುವರಿ ಆಯುಕ್ತರು ಮತ್ತು ಡಿಸಿಪಿ ಈ ಕುರಿತು ಅದರಲ್ಲಿ ಮಾತನಾಡಿದ್ದಾರೆ.
ಟೋವಿಂಗ್ ಸಿಬ್ಬಂದಿ ವಿರುದ್ಧ ನಿರಂತರ ದೂರುಗಳು ಬರುತ್ತಿವೆ. ನಿಯಮಾನುಸಾರ ವಾಹನ ಟೋವಿಂಗ್ ಮಾಡಲು ಶುಕ್ರವಾರ ವೈರ್ಲೆಸ್ ಮೂಲಕ ಎಲ್ಲ ಸಿಬ್ಬಂದಿಗೆ ಸೂಚಿಸಿದ್ದೇನೆ.
- ಪಿ.ಹರಿಶೇಖರನ್, ಹೆಚ್ಚುವರಿ ಪೊಲೀಸ್ ಆಯುಕ್ತ
ಟೋವಿಂಗ್ ನಿಯಮಗಳು ಏನು (ಎಸ್ಒಪಿ)
- ನೋ ಪಾರ್ಕಿಂಗ್ನಲ್ಲಿ ನಿಲ್ಲಿಸಿದ ವಾಹನದ ಫೋಟೊ ತೆಗೆಯಬೇಕು.
- ಟ್ರಾಫಿಕ್ ಪೊಲೀಸರು ಮೇಲ್ವಿಚಾರಣೆ ಮಾಡಬೇಕು
- 2 ಬಾರಿ ವಾಹನ ಸಂಖ್ಯೆಯನ್ನು ಘೋಷಣೆ ಮಾಡಬೇಕು.
- ವಾಹನ ಚಾಲಕ, ಸವಾರ ಬಂದರೆ ಸ್ಥಳದಲ್ಲೇ ದಂಡ ವಿಧಿಸಬೇಕು.
- ವಾಹನಗಳು ಜಖಂ ಆಗದಂತೆ ನೋಡಿಕೊಳ್ಳಬೇಕು.
-ನಿಯಮ ಉಲ್ಲಂಘಿಸಿದ ವಾಹನ ಚಾಲಕರ ಜೊತೆ ಟೋವಿಂಗ್ ಸಿಬ್ಬಂದಿ ಮಾತನಾಡುವಂತಿಲ್ಲ.
- ಟೋವಿಂಗ್ ಸಿಬ್ಬಂದಿ ನೀಲಿ ಅಂಗಿ ಧರಿಸಿರಬೇಕು, ಹೆಸರಿನ ಫಲಕ ಹಾಕಿಕೊಂಡಿರಬೇಕು.
- ಪರ್ಸನಲ್ ಅಸಿಸ್ಟೆಂಟ್ ಡಿವೈಸ್ (ಪಿಡಿಎ) ಹೊಂದಿರುವ ಪೊಲೀಸ್ ಸಿಬ್ಬಂದಿ ಮಾತ್ರ ಟೋವಿಂಗ್ ಮಾಡಬೇಕು.
ಚಾಲಕರು ಪಾಲಿಸಬೇಕಾದ ನಿಯಮ
- ಪೊಲೀಸರ ಜೊತೆ ಜವಾಬ್ದಾರಿಯಿಂದ ವರ್ತಿಸಬೇಕು.
- ರಸ್ತೆಯಲ್ಲಿ, ರಸ್ತೆ ಅಕ್ಕ-ಪಕ್ಕದಲ್ಲಿ ಇತರ ವಾಹನಗಳ ಸಂಚಾರಕ್ಕೆ ಅಡೆತಡೆಯಾಗುವಂತೆ ವಾಹನ ನಿಲ್ಲಿಸಬಾರದು.
- ಏಕಮುಖ ರಸ್ತೆಗಳಲ್ಲಿ ವಿರುದ್ಧ ದಿಕ್ಕಿನಿಂದ ಹೋಗಬಾರದು.
- ಪೊಲೀಸರು ಕೇಳುವ ಸಂಬಂಧಪಟ್ಟ ದಾಖಲೆ ಒದಗಿಸಿ ನಿಯಮ ಉಲ್ಲಂಘನೆಯ ದಂಡ ಪಾವತಿ ಮಾಡಬೇಕು.
ನೋ ಪಾರ್ಕಿಂಗ್ನಲ್ಲಿ ವಾಹನ ನಿಲ್ಲಿಸಿದ್ದ ಹೆಸರಲ್ಲಿ ಯರ್ರಾಬಿರ್ರಿ ವಾಹನಗಳನ್ನು ಎತ್ತಿಕೊಂಡು ಹೋಗುವ ಟ್ರಾಫಿಕ್ ಪೊಲೀಸರು ಹಾಗೂ ಖಾಸಗಿ ಏಜೆನ್ಸಿ ಸಿಬ್ಬಂದಿ ವಿರುದ್ಧ ಸಾರ್ವಜನಿಕ ವಲಯದಲ್ಲಿ ಆಕ್ಷೇಪಗಳು ವ್ಯಕ್ತವಾಗಿವೆ. ಸಂಚಾರ ವಿಭಾಗದ ಉನ್ನತ ಅಧಿಕಾರಿಗಳು ಸಿದ್ಧಪಡಿಸಿರುವ ನಿಯಮಗಳನ್ನು ಪೊಲೀಸರು ಪಾಲಿಸುತ್ತಿಲ್ಲ ಎಂದು ಆರೋಪಿಸುತ್ತಿದ್ದಾರೆ.
2014ರಲ್ಲಿ ಹೆಚ್ಚುವರಿ ಪೊಲೀಸ್ ಆಯುಕ್ತರಾಗಿದ್ದ ಬಿ.ದಯಾನಂದ ಅವರು ಎಸ್ಒಪಿ (ಸ್ಟಾಂಡರ್ಡ್ ಆಪರೇಟಿಂಗ್ ಪ್ರೊಸೀಜರ್)ಯನ್ನು ರೂಪಿಸಿ ಎಲ್ಲ ಸಂಚಾರ ಠಾಣೆಗಳ ಸಿಬ್ಬಂದಿ ಕಟ್ಟುನಿಟ್ಟಾಗಿ ಪಾಲಿಸುವಂತೆ ಸೂಚಿಸಿದ್ದರು. ನಂತರ ಬಂದ ಎಲ್ಲ ಆಯುಕ್ತರು ಹಾಗೂ ಹೆಚ್ಚುವರಿ ಆಯುಕ್ತರು ಎಸ್ಒಪಿ ಪಾಲನೆಗೆ ಸೂಚಿಸಿದ್ದರೂ, ಸಿಬ್ಬಂದಿಯ ಗೂಂಡಾವರ್ತನೆ ಮುಂದುವರಿದಿದೆ.
ಎಸ್ಒಪಿ ಪ್ರಕಾರ ಟೋವಿಂಗ್ ವಾಹನದ ಜತೆ ಸಂಚಾರ ಪೊಲೀಸ್ ಅಧಿಕಾರಿಯೊಬ್ಬರು ಇದ್ದು, ಕಾರ್ಯಾಚರಣೆಯ ಮೇಲ್ವಿಚಾರಣೆ ನಡೆಸಬೇಕು. ಆದರೆ, ಖಾಸಗಿ ವಾಹನಗಳಲ್ಲಿ ಬರುವ ಅಧಿಕಾರಿ ಕೆಳಕ್ಕೆ ಇಳಿಯುವುದೇ ಇಲ್ಲ. ಸಿಬ್ಬಂದಿಯೇ ಗಾಡಿಗಳನ್ನು ಯರ್ರಾಬಿರ್ರಿ ಎತ್ತಿಹಾಕಿಕೊಂಡು ಹೋಗುತ್ತಾರೆ.
ಈ ಬಗ್ಗೆ ಖಾಸಗಿ ಕಂಪನಿ ಸಿಬ್ಬಂದಿಯೊಬ್ಬರು ಪ್ರತಿಕ್ರಿಯಿಸಿ ''ವಾಹನ ಟೋವಿಂಗ್ ಮಾಡುವಾಗ ಮಾಲೀಕರು ಬಂದು ದಂಡ ಕಟ್ಟಿಸಿಕೊಂಡು ವಾಹನ ಬಿಡಿ ಎಂದು ಕೋರಿದರೂ ಅಧಿಕಾರಿಗಳು ಕೇಳುವುದಿಲ್ಲ. ಕಾರನ್ನು ಸರಿಯಾಗಿ ಟೋವ್ ಮಾಡದ ಕಾರಣ ಹಾಳಾಗುವುದನ್ನೂ ಕಂಡಿದ್ದೇನೆ,'' ಎಂದು ಹೇಳಿದರು.
''ನೋ ಪಾರ್ಕಿಂಗ್ ಅಲ್ಲದ ಜಾಗದಿಂದಲೂ ವಾಹನಗಳನ್ನು ಎತ್ತಿಕೊಂಡು ಹೋಗಿ, ವಿಷಯ ಗೊತ್ತಾದ ಬಳಿಕ ದಂಡ ಕಟ್ಟಿಸಿಕೊಳ್ಳದೇ ಬಿಟ್ಟಿರುವ ಘಟನೆಯೂ ನಡೆದಿದೆ,'' ಎಂದು ಮಹಿಳೆಯೊಬ್ಬರು ದೂರಿದ್ದಾರೆ.
ವಾಹನಗಳಿಗೆ ಹಾನಿ: ಖಾಸಗಿ ಸಿಬ್ಬಂದಿಗಳು ವಾಹನಗಳನ್ನು ಸರಿಯಾಗಿ ಟೋವ್ ಮಾಡುವುದಿಲ್ಲ. ಗುಜರಿ ವಾಹನಗಳನ್ನು ಎತ್ತಿಹಾಕುವಂತೆ ದ್ವಿಚಕ್ರ ವಾಹನಗಳನ್ನು ಎತ್ತಿ ತುಂಬುತ್ತಾರೆ. ಇದರಿಂದ ಮಡ್ಗಾರ್ಡ್, ಹ್ಯಾಂಡಲ್ ಹಾಗೂ ಪೆಟ್ರೋಲ್ ಟ್ಯಾಂಕ್ಗಳಿಗೆ ಹಾನಿಯಾಗುತ್ತವೆ. ಕಾರುಗಳನ್ನು ಸಂಕೋಲೆ ಹಾಕಿ ಎಳೆದುಕೊಂಡು ಹೋಗುತ್ತಾರೆ. ಪ್ರಶ್ನಿಸಿದ ಜನರಿಗೆ ಅಧಿಕಾರಿಗಳು ದಬಾಯಿಸುವುದೇ ಜಾಸ್ತಿ ಎಂದು ಸಾರ್ವಜನಿಕರು ಆಕ್ಷೇಪಿಸಿದ್ದಾರೆ.
19 ಲಕ್ಷ ಜನರಿಂದ ವಿಡಿಯೋ ವೀಕ್ಷಣೆ, ವ್ಯಾಪಕ ಬೆಂಬಲ: ಸಂಚಾರ ಪೊಲೀಸರು ನಿಯಮ ಪಾಲಿಸದೇ ಖಾಸಗಿ ಏಜೆನ್ಸಿ ಸಿಬ್ಬಂದಿ ಮೂಲಕ ವಾಹನ ಎತ್ತಿ ಹಾಕಿಕೊಂಡು ಹೋದ ಘಟನೆಯನ್ನು ಮಹಿಳೆಯೊಬ್ಬರು ವಿಡಿಯೊ ಮಾಡಿ ಸಾಮಾಜಿಕ ಜಾಲತಾಣದಲ್ಲಿ ಎರಡು ದಿನದ ಹಿಂದೆ ಅಪ್ಲೋಡ್ ಮಾಡಿದ್ದರು. ಈ ವಿಡಿಯೋವನ್ನು ಮೂರೇ ದಿನಗಳಲ್ಲಿ 19 ಲಕ್ಷ ಜನ ವೀಕ್ಷಿಸಿದ್ದಾರೆ. 21 ಸಾವಿರ ಜನ ಲೈಕ್ ಮಾಡಿದ್ದಾರೆ. 4,500 ಕಮೆಂಟ್ಗಳು ಬಂದರೆ, 38 ಸಾವಿರ ಬಾರಿ ಶೇರ್ ಆಗಿದೆ.
ನಶೆಯಲ್ಲಿ ಸಿಬ್ಬಂದಿ: ಟೋವಿಂಗ್ ಮಾಡುವ ಸಿಬ್ಬಂದಿ ನಶೆಯಲ್ಲಿ ಇರುತ್ತಾರೆ. ಕೆಲವರು ಕಡಿಮೆ ದರ್ಜೆಯ ಅಮಲು ಪದಾರ್ಥಗಳನ್ನು ಬಳಸುತ್ತಾರೆ ಎಂದು ಕೆಲವರು ದೂರಿದ್ದಾರೆ.
ಎಸ್ಒಪಿ ವಿಡಿಯೋ: ಬೆಂಗಳೂರು ಟ್ರಾಫಿಕ್ ಪೊಲೀಸ್ ಯುಟ್ಯೂಬ್ ಪೇಜ್ನಲ್ಲಿ ಟೋವಿಂಗ್ ವೇಳೆ ಪಾಲಿಸಬೇಕಾದ ಎಸ್ಒಪಿ ಕುರಿತ ವಿಡಿಯೊ ಇದೆ. ಹಿಂದಿನ ಹೆಚ್ಚುವರಿ ಆಯುಕ್ತರು ಮತ್ತು ಡಿಸಿಪಿ ಈ ಕುರಿತು ಅದರಲ್ಲಿ ಮಾತನಾಡಿದ್ದಾರೆ.
ಟೋವಿಂಗ್ ಸಿಬ್ಬಂದಿ ವಿರುದ್ಧ ನಿರಂತರ ದೂರುಗಳು ಬರುತ್ತಿವೆ. ನಿಯಮಾನುಸಾರ ವಾಹನ ಟೋವಿಂಗ್ ಮಾಡಲು ಶುಕ್ರವಾರ ವೈರ್ಲೆಸ್ ಮೂಲಕ ಎಲ್ಲ ಸಿಬ್ಬಂದಿಗೆ ಸೂಚಿಸಿದ್ದೇನೆ.
- ಪಿ.ಹರಿಶೇಖರನ್, ಹೆಚ್ಚುವರಿ ಪೊಲೀಸ್ ಆಯುಕ್ತ
ಟೋವಿಂಗ್ ನಿಯಮಗಳು ಏನು (ಎಸ್ಒಪಿ)
- ನೋ ಪಾರ್ಕಿಂಗ್ನಲ್ಲಿ ನಿಲ್ಲಿಸಿದ ವಾಹನದ ಫೋಟೊ ತೆಗೆಯಬೇಕು.
- ಟ್ರಾಫಿಕ್ ಪೊಲೀಸರು ಮೇಲ್ವಿಚಾರಣೆ ಮಾಡಬೇಕು
- 2 ಬಾರಿ ವಾಹನ ಸಂಖ್ಯೆಯನ್ನು ಘೋಷಣೆ ಮಾಡಬೇಕು.
- ವಾಹನ ಚಾಲಕ, ಸವಾರ ಬಂದರೆ ಸ್ಥಳದಲ್ಲೇ ದಂಡ ವಿಧಿಸಬೇಕು.
- ವಾಹನಗಳು ಜಖಂ ಆಗದಂತೆ ನೋಡಿಕೊಳ್ಳಬೇಕು.
-ನಿಯಮ ಉಲ್ಲಂಘಿಸಿದ ವಾಹನ ಚಾಲಕರ ಜೊತೆ ಟೋವಿಂಗ್ ಸಿಬ್ಬಂದಿ ಮಾತನಾಡುವಂತಿಲ್ಲ.
- ಟೋವಿಂಗ್ ಸಿಬ್ಬಂದಿ ನೀಲಿ ಅಂಗಿ ಧರಿಸಿರಬೇಕು, ಹೆಸರಿನ ಫಲಕ ಹಾಕಿಕೊಂಡಿರಬೇಕು.
- ಪರ್ಸನಲ್ ಅಸಿಸ್ಟೆಂಟ್ ಡಿವೈಸ್ (ಪಿಡಿಎ) ಹೊಂದಿರುವ ಪೊಲೀಸ್ ಸಿಬ್ಬಂದಿ ಮಾತ್ರ ಟೋವಿಂಗ್ ಮಾಡಬೇಕು.
ಚಾಲಕರು ಪಾಲಿಸಬೇಕಾದ ನಿಯಮ
- ಪೊಲೀಸರ ಜೊತೆ ಜವಾಬ್ದಾರಿಯಿಂದ ವರ್ತಿಸಬೇಕು.
- ರಸ್ತೆಯಲ್ಲಿ, ರಸ್ತೆ ಅಕ್ಕ-ಪಕ್ಕದಲ್ಲಿ ಇತರ ವಾಹನಗಳ ಸಂಚಾರಕ್ಕೆ ಅಡೆತಡೆಯಾಗುವಂತೆ ವಾಹನ ನಿಲ್ಲಿಸಬಾರದು.
- ಏಕಮುಖ ರಸ್ತೆಗಳಲ್ಲಿ ವಿರುದ್ಧ ದಿಕ್ಕಿನಿಂದ ಹೋಗಬಾರದು.
- ಪೊಲೀಸರು ಕೇಳುವ ಸಂಬಂಧಪಟ್ಟ ದಾಖಲೆ ಒದಗಿಸಿ ನಿಯಮ ಉಲ್ಲಂಘನೆಯ ದಂಡ ಪಾವತಿ ಮಾಡಬೇಕು.