ಬಸ್‌ ಸೇವೆಗಳ ಆಧುನೀಕರಣಕ್ಕೆ ಖಾಸಗಿ ಸಹಭಾಗಿತ್ವಕ್ಕೆ ಮುಂದಾದ ಬಿಎಂಟಿಸಿ

ಬೆಂಗಳೂರು: ಆರ್ಥಿಕ ಸಂಕಷ್ಟದಲ್ಲಿರುವ ಬೆಂಗಳೂರು ಮಹಾನಗರ ಸಾರಿಗೆ ಸಂಸ್ಥೆಯ (ಬಿಎಂಟಿಸಿ) ಸಾಂಸ್ಥಿಕ, ಕಾರ್ಯನಿರ್ವಹಣಾತ್ಮಕ ಮತ್ತು ಆಡಳಿತಾತ್ಮಕ ಸುಧಾರಣೆಗಾಗಿ ಖಾಸಗಿ ಮ್ಯಾನೇಜ್‌ಮೆಂಟ್‌ ಸಂಸ್ಥೆಯ ಸೇವೆ ಪಡೆದುಕೊಳ್ಳಲು ಮುಂದಾಗಿದೆ.

ಸಾರ್ವಜನಿಕ ಸಾರಿಗೆ ವಲಯದಲ್ಲಿ ಸಲಹಾ ಸಂಸ್ಥೆಯ ನೇಮಕಕ್ಕಾಗಿ ಬಿಎಂಟಿಸಿ ಇತ್ತೀಚೆಗೆ ಪ್ರಸ್ತಾವಗಳನ್ನು ಆಹ್ವಾನಿಸಿತ್ತು.

2013ರಲ್ಲಿ ಬಿಎಂಟಿಸಿ ಬುದ್ಧಿವಂತ ಸಾರಿಗೆ ವ್ಯವಸ್ಥೆ (ಐಟಿಎಸ್-ಇಂಟೆಲಿಜೆಂಟ್ ಟ್ರಾಫಿಕ್ ಸಿಸ್ಟಂಸ್) ಯೋಜನೆಗಾಗಿ ಪ್ರೈಸ್‌ವಾಟರ್‌ಹೌಸ್‌ಕೂಪರ್ಸ್ (ಪಿಡಬ್ಲ್ಯುಸಿ) ಸೇವೆಯನ್ನು ಪಡೆದುಕೊಂಡಿತ್ತು. ಆದರೆ ಸಂಪೂರ್ಣ ಕಾರ್ಯಾಚರಣೆ ನಿರ್ವಹಣೆಗಾಗಿ ಖಾಸಗಿ ಸಂಸ್ಥೆಯನ್ನು ಆಹ್ವಾನಿಸುತ್ತಿರುವುದು ಇದೇ ಮೊದಲು.

ಆಯ್ಕೆಯಾದ ಸಂಸ್ಥೆಯು ಐಟಿಎಸ್‌, ಬಸ್‌ ಕಾರ್ಯಾಚರಣೆಗಳು, ಬಸ್‌ ತಂತ್ರಜ್ಞಾನ ಮತ್ತು 2030ರ ದೂರದೃಷ್ಟಿ ಯೋಜನೆಗೆ ಅಗತ್ಯ ಖರೀದಿಗಳನ್ನು ಮಾಡಲು ನುರಿತ ತಜ್ಞರನ್ನು ಹೊಂದಿರಲಿದೆ' ಎಂದು ಹಿರಿಯ ಬಿಎಂಟಿಸಿ ಅಧಿಕಾರಿಯೊಬ್ಬರು ತಿಳಿಸಿದರು.