ಹೊಸದೇನಾದರೂ ಶುರು ಮಾಡಬೇಕಾದರೆ ಅದಕ್ಕೊಂದು ಮುಹೂರ್ತ ಬೇಕು. ಎಲ್ಲರೂ ಮುಹೂರ್ತಕ್ಕೆ ಹುಡುಕುತ್ತಾರೆ. ನಾಳೆಯಿಂದ ಶುರು ಮಾಡ್ತೀನಿ ಮುಂದಿನ ವಾರದಿಂದ ಶುರು ಮಾಡ್ತೀನಿ ಮುಂದಿನ ತಿಂಗಳು... ಹೀಗೆ ಮುಂದೆ ಹಾಕುತ್ತೇವೆ. ಈಗ ಮತ್ತೊಂದು ಅವಕಾಶವಿದೆ. ಮುಂದಿನ ವರುಷದಿಂದ ಹೊಸದಾಗಿ ಏನಾದರೂ ಶುರು ಮಾಡಬಹುದು. ನಮಗೆಲ್ಲರಿರೂ ಅದೇನೋ ಒಂದು ತರಹ ಉತ್ಸಾಹ. ಹಳೆಯ ವರ್ಷದನ್ನು ಬಿಟ್ಟು ಹೊಸ ಮನಸ್ಸಿನಿಂದ ಏನಾದರೂ ಮಾಡುವುದು. ಆ ಹುಮ್ಮಸ್ಸಿನಿಂದಾಗಿ ಯಶಸ್ವಿಯಾಗಬಹುದು ಅನ್ನೋ ಒಂದು ಆಸೆ. ನಮ್ಮ ಸರಕಾರವು ಕೂಡ ಇದೆ ಜೋಶ್ನಲ್ಲಿ ಕೆಲವೊಂದು ಚಟುವಟಿಕೆಗಳನ್ನು ಆಯೋಜಿಸಿದ್ದಾರೆ . ಫೆಬ್ರವರಿಯಿಂದ ಪ್ರತಿ ಎರಡನೇ ಭಾನುವಾರ 'ಲೆಸ್ ಟ್ರಾಫಿಕ್ ಡೇ' ಆಚರಿಸಬೇಕಂತಿದ್ದಾರೆ. ಅವತ್ತಿನ ದಿನ ಸ್ವಂತ ವಾಹನ ಬಿಟ್ಟು ಸಾರ್ವಜನಿಕ ವಾಹನಗಳನ್ನು ಬಳಸಬೇಕು. ನಮ್ಮ ಮೆಟ್ರೊದಲ್ಲಿ ಹೆಂಗಸರಿಗೆ ಪ್ರತ್ಯೇಕ ಕೋಚ್ ವ್ಯವಸ್ಥೆ, ಎಲ್ಇಡಿ ಬಲ್ಬ್ಗಳ ಅಳವಡಿಕೆ....ಹೀಗೆ ಹಲವು ಹೊಸ ಪ್ರಯತ್ನಗಳು ನಡೆಯಲಿದೆ. 2018ರ ಕುರಿತು ಚಿತ್ರರಂಗದ ತಾರೆಗಳನ್ನು ಮಾತನಾಡಿಸಿದೆ. ನಟಿ ಮಾನ್ವಿತಾ ಹರೀಶ್ ''ಹೊಸ ಹೊಸ ತಪ್ಪುಗಳನ್ನು ಮಾಡಬೇಕು ಅಂತಿದ್ದೇನೆ. ಅದರಿಂದ ಕಲಿಯೋದು ಸಾಕಷ್ಟು ಇದೆ,'' ಎಂದಿದ್ದಾರೆ. ನಟ ವಿಜಯ್ ರಾಘವೇಂದ್ರ ಮಾತನಾಡಿ ''ಗೊತ್ತಿಲ್ಲದೇ ಕೆಲವೊಮ್ಮೆ ತೊಂದರೆಯಲ್ಲಿ ಸಿಲುಕಿಕೊಳ್ಳತ್ತೇನೆ. ಆದುದರಿಂದ 2018ರಲ್ಲಿ ಎಚ್ಚರಿಕೆಯಿಂದ ಹೆಜ್ಜೆ ಇಡಬೇಕು ಅಂಥ ಇದ್ದೇನೆ'' ಎಂದಿದ್ದಾರೆ. ಗಾಯಕಿ ಸುಪ್ರಿಯಾ ಲೋಹಿತ್ ''ಆರೋಗ್ಯದ ಕಡೆ ಗಮನ ಕೊಟ್ಟು ಫಿಟ್ ಆಗಬೇಕು ಎಂದು ಇದ್ದೇನೆ,'' ಎಂದು ಹೇಳಿದ್ದಾರೆ. ನಟಿ ಪಾರುಲ್ ಯಾದವ್ ಹೊಸ ಚಿತ್ರ ಬಟರ್ಫ್ಲೈಗಾಗಿ ತಾವು ಪಟ್ಟ ಶ್ರಮದ ಬಗ್ಗೆ ಮಾತನಾಡುತ್ತಾ,''ನಾಳೆ ಮಾಡುವ ಕೆಲಸ ಇಂದೇ ಮಾಡಬೇಕೆಂದು ಇದ್ದೇನೆ,'' ಎಂದು ಹೇಳಿದರು. ಹೀಗೆ ಹೊಸ ವರುಷದ ಜತೆ ಹೊಸ ಹೊಸ ಆಲೋಚನೆಗಳಿವೆ. ಈ 2018ರಲ್ಲಿ ನಾನು ಫಿಟ್ನೆಸ್ ಬಗ್ಗೆ ಹೊಸ ಹೆಜ್ಜೆ ಇಡಬೇಕು ಎನ್ನುವ ಆಲೋಚನೆ ಮಾಡಿದ್ದೇನೆ. ಕಿಕ್ ಬಾಕ್ಸಿಂಗ್ ಕಲಿಬೇಕು ಅನ್ನೋ ಆಸೆ ಇದೆ. ಅದರ ಜತೆಗೆ ಟ್ರೆಕಿಂಗ್ ಕೂಡ ಮಾಡುವ ಯೋಚನೆ ಇದೆ. ಅದೇ ರೀತಿ ನೀವು ಕೂಡ ಒಂದು ಹೊಸ ನಂಟು ಬೆಳೆಸಿಕೊಳ್ಳಿ. ಒಂದು ಹೊಸ ಕಲೆ, ಒಂದು ಹೊಸ ಹವ್ಯಾಸ , ಒಂದು ಹೊಸ ಆಲೋಚನೆ ಮಾಡಿ. ಈ 2018 ನಮ್ಮೆಲ್ಲರಿಗೂ ಹೊಸ ಅವಕಾಶಗಳು ಸಿಗಲಿ. ಈ ಹೊಸ ವರ್ಷದಲ್ಲಿ ನಿಮ್ಮೆಲ್ಲರನ್ನು ರಂಜಿಸಲು ನಾನು ಮತ್ತೆ ಹಾಜರಾಗುತ್ತೇನೆ. ಕೇಳೋದು ಮರಿಯಬೇಡಿ 7-11aಞ ಮಿರ್ಚಿ 98.3... ಹ್ಯಾಪಿ ನ್ಯೂ ಇಯರ್.
ಹೊಸ ಯೋಚನೆಗಳೊಂದಿಗೆ 2018ಕ್ಕೆ ಕಾಲಿಡಿ
ಹೊಸದೇನಾದರೂ ಶುರು ಮಾಡಬೇಕಾದರೆ ಅದಕ್ಕೊಂದು ಮುಹೂರ್ತ ಬೇಕು. ಎಲ್ಲರೂ ಮುಹೂರ್ತಕ್ಕೆ ಹುಡುಕುತ್ತಾರೆ. ನಾಳೆಯಿಂದ ಶುರು ಮಾಡ್ತೀನಿ ಮುಂದಿನ ವಾರದಿಂದ ಶುರು ಮಾಡ್ತೀನಿ ಮುಂದಿನ ತಿಂಗಳು... ಹೀಗೆ ಮುಂದೆ ಹಾಕುತ್ತೇವೆ.
Vijaya Karnataka Web 30 Dec 2017, 9:19 am