ಆ್ಯಪ್ನಗರ

ಎಂಜಿ ರಸ್ತೆ ಪಕ್ಕದ ಪ್ರಿಮ್‌ ರೋಸ್‌ ರಸ್ತೆ ತುಂಬ ಹೊಂಡ, ಗುಂಡಿಗಳೇ!

ಬೆಂಗಳೂರಿನ ಜನನಿಬಿಡ ಹಾಗೂ ಅತ್ಯಂತ ಹೆಚ್ಚು ಆಕರ್ಷಣೆಯ ರಸ್ತೆಗಳಲ್ಲಿ ಒಂದಾಗಿರುವ ಎಂಜಿ ರಸ್ತೆ ಈಗ ತನ್ನ ಅಂದವನ್ನು ಕಳೆದುಕೊಳ್ಳುತ್ತಿದೆ. ಇದಕ್ಕೆ ಕಾರಣ ರಸ್ತೆ ಕಾಮಗಾರಿ.

Vijaya Karnataka Web 13 Aug 2019, 7:32 pm
ಬೆಂಗಳೂರು: ಸಿಲಿಕಾನ್‌ ಸಿಟಿ. ಇಡೀ ವಿಶ್ವದಲ್ಲಿಯೇ ಈಗ ಬೆಂಗಳೂರು ತನ್ನ ಛಾಪು ಮೂಡಿಸಿದೆ. ಆದರೆ ಈಗ ಬೆಂಗಳೂರು ಎಂದರೆ ಎಲ್ಲರೂ ಮೂಗು ಮುರಿಯುವವರೇ ಹೆಚ್ಚಾಗಿದೆ. ಇದಕ್ಕೆ ಕಾರಣವೂ ಇಲ್ಲದಿಲ್ಲ.

ಬೆಂಗಳೂರಿನ ಯಾವುದೇ ರಸ್ತೆಗೆ ತೆರಳಿದರೂ ಈಗ ನಿಮ್ಮನ್ನು ಬರ ಮಾಡಿಕೊಳ್ಳುವುದು ಜೆಸಿಬಿ ಇಲ್ಲವೇ ರಸ್ತೆ ರಿಪೇರಿ ಮಾಡುವವರು.

ರಸ್ತೆ ದುರಸ್ತಿ ಪ್ರಗತಿಯಲ್ಲಿದೆ


ಸಿಲಿಕಾನ್‌ ಸಿಟಿಯ ಎಲ್ಲ ರಸ್ತೆಗಳಲ್ಲೂ ಈಗ ರಸ್ತೆ ರಿಪೇರಿ ಮಾಡುವುದು ಸಾಮಾನ್ಯವಾಗಿ ಬಿಟ್ಟಿದೆ. ಇರುವ ರಸ್ತೆಯನ್ನು ಅಗೆದು ಅದಕ್ಕೆ ಸ್ವಲ್ಪ ಮೇಕಪ್‌ ಮಾಡಿದಂತೆ ಸಿಮೆಂಟ್‌ ಜಲ್ಲಿ ಹಾಕುವುದೇ ದೊಡ್ಡ ಕಾಮಗಾರಿ ಆಗಿದೆ.

ಬೆಂಗಳೂರಿನ ಅತ್ಯಂತ ಐಷಾರಾಮಿ ಪ್ರದೇಶವಾಗಿರುವುದು ಎಂಜಿ ರಸ್ತೆ. ಇದರ ಅಕ್ಕಪಕ್ಕದ ರಸ್ತೆಗಳು ಎಂದರೆ ಹೇಗಿರಬೇಕು. ಫಳಫಳ ಹೊಳೆಯುತ್ತಿರಬೇಕು. ಆದರೆ ಎಂಜಿ ರಸ್ತೆಗೆ ಹೊಂದಿಕೊಂಡಿರುವ ಪ್ರಿಮ್‌ ರೋಸ್‌ ರಸ್ತೆ ಕೂಡ ಇದಕ್ಕೆ ಹೊರತಾಗಿಲ್ಲ. ಎಂಜಿ ರಸ್ತೆಯಿಂದ ಗರುಡಾ ಮಾಲ್‌ಗೆ ಹಾಗೂ ಹಾಸ್‌ಮ್ಯಾಟ್‌ ಆಸ್ಪತ್ರೆ ಹಾಗೂ ಫುಟ್ಬಾಲ್‌ ಮೈದಾನಕ್ಕೆ ಹೋಗಲು ಪ್ರಮುಖ ಸಂಪರ್ಕ ಮಾರ್ಗ ಇದಾಗಿದೆ.

ಈ ರಸ್ತೆಯು ಕಳೆದ ಕೆಲವು ತಿಂಗಳುಗಳಿಂದ ನಡೆಯಲು ಕೂಡ ಸಾಧ್ಯವಾಗದಷ್ಟು ಹಾಳಾಗಿದೆ. ಮೊದಲು ಒಳಚರಂಡಿಗೆ ರಿಪೇರಿ ನಡೆಯುತ್ತಿದೆ ಎಂದು ಹೇಳಿದ ಗುತ್ತಿಗೆದಾರರು ನಂತರ ಅನಿಲ ಪೈಪ್‌ಲೈನ್‌ಗೆ ರಿಪೇರಿ ಆಗುತ್ತಿದೆ ಎಂದು ಸಬೂಬು ಹೇಳಿದರು.

ಗುಂಡಿ


ಆದರೆ ಎಷ್ಟು ದಿನಕ್ಕೆ ಕಾಮಗಾರಿ ಮುಗಿಯುತ್ತದೆ ಎಂಬುದಕ್ಕೆ ಮಾತ್ರ ಉತ್ತರ ಕೇಳಿದರೆ ಪ್ರಶ್ನಾರ್ಥಕ ಚಿಹ್ನೆಯೇ ಉತ್ತರವಾಗಿರುತ್ತದೆ.

ಪ್ರಿಮ್‌ ರೋಸ್‌ ರಸ್ತೆಯಲ್ಲಿ ಹಲವಾರು ಕಂಪನಿಗಳ, ಬ್ಯಾಂಕ್‌ಗಳ ಕಚೇರಿ ಕೂಡ ಇದೆ. ನೌಕರರು ವಾಹನಗಳಲ್ಲಿ ಕಚೇರಿಗೆ ಬರುತ್ತಿದ್ದರು. ಆದರೆ ಈಗ ನಡೆದುಕೊಂಡು ಬರಲು ಕೂಗ ಆಗದಷ್ಟು ಹದಗೆಟ್ಟಿದೆ. ದಿನವೂ ಆಡಳಿತ ವರ್ಗದವರ ಮೇಲೆ ಶಾಪ ಹಾಕಿಕೊಂಡೇ ಹೆಜ್ಜೆ ಮೇಲೆ ಹೆಜ್ಜೆ ಇಡುತ್ತಿದ್ದಾರೆ.

ಇನ್ನು ಕಚೇರಿಗೆ ಭೇಟಿ ನೀಡುವವರ ಸಂಖ್ಯೆ ಕೂಡ ಕಡಿಮೆಯಾಗಿದೆ. ಏಕೆಂದರೆ ವಾಹನಕ್ಕೆ ರಸ್ತೆಯ ಎರಡೂ ಬದಿಯಲ್ಲಿ ನೋ ಎಂಟ್ರಿಯಾಗಿದೆ.

ಸ್ಥಳೀಯರು, ಕಚೇರಿಯವರು ದಿನವೂ ಈ ಬಗ್ಗೆ ಪಶ್ನಿಸುತ್ತಿದ್ದರಿಂದ ಈಗ ಒಂದೆರಡು ವಾಹನ ಹೋಗುವಷ್ಟು ಜಾಗ ಮಾಡಿಕೊಡಲಾಗಿದೆ. ಆದರೂ ರಸ್ತೆ ಸಮಪರ್ಕವಾಗಿಲ್ಲ. ಹಳ್ಳಕೊಳ್ಳಗಳ ನಡುವೆಯೇ ಸಾಗಿಕೊಂಡು ಬರಬೇಕಾಗಿದೆ. ಪ್ರಿಮ್‌ ರೋಸ್‌ ರಸ್ತೆ ಅಲ್ಲ ಈ ಮುಳ್ಳಿನ ರಸ್ತೆಯಂತಾಗಿದೆ ಎಂದು ನಾಗರಿಕರು ಶಪಿಸುತ್ತಿದ್ದಾರೆ.

ಮುಂದಿನ ಲೇಖನ

Vijay Karnataka News App: ನಿಮ್ಮ ಸುತ್ತಮುತ್ತಲು ನಡೆಯುವ ವಿದ್ಯಮಾನಗಳನ್ನುಹಂಚಿಕೊಳ್ಳಲು ಬಯಸುತ್ತೀರಾ? ಹಾಗಿದ್ದಲ್ಲಿ ವಿಜಯ ಕರ್ನಾಟಕ ಆ್ಯಪ್‌ಡೌನ್‌ಲೋಡ್‌ ಮಾಡಿಕೊಳ್ಳಿ ಹಾಗೂ ರಿಪೋರ್ಟ್‌ ಕಳಿಸಿ
ಲೇಟೆಸ್ಟ್‌ ನ್ಯೂಸ್‌ ಅಪ್‌ಡೇಟ್‌ಗಳನ್ನು ಪಡೆಯಿರಿ, Vijay Karnataka ಫೇಸ್‌ಬುಕ್‌ಪೇಜ್‌ ಲೈಕ್‌ ಮಾಡಿರಿ