ಒಂಟಿ ಪಕ್ಷಿಗಳಿಗೆ ಸಿಕ್ಕಿದವು ಸಂಗಾತಿಗಳು

ಬನ್ನೇರುಘಟ್ಟ : ಬನ್ನೇರುಘಟ್ಟ ಜೈವಿಕ ಉದ್ಯಾನದಲ್ಲಿ ಒಂಟಿಯಾಗಿದ್ದ ಹಲವು ಪಕ್ಷಿಗಳಿಗೆ ಜತೆಗಿರಲು ತೆಲಂಗಾಣದಿಂದ ಸಂಗಾತಿಗಳನ್ನು ಕರೆ ತರಲಾಗಿದೆ.

ಉದ್ಯಾನದಲ್ಲಿ ಹಲವು ಪ್ರಭೇದಗಳ ಪಕ್ಷಿಗಳು ಏಕಾಂಗಿಯಾಗಿದ್ದವು. ಬೋನಿನಲ್ಲಿ ಒಂಟಿಯಾಗಿ ಇರುತ್ತಿದ್ದ ಕಾರಣ ಹೆಚ್ಚಿನ ಸಂದರ್ಭದಲ್ಲಿ ಮಂಕಾಗಿರುತ್ತಿದ್ದವು. ಅಂತಹ ಪಕ್ಷಿಗಳನ್ನು ಗುರುತಿಸಿ ಅವುಗಳಿಗೆ ಜೊತೆಯಾಗುವಂತೆ ಅದೇ ಪ್ರಭೇದದ ಪಕ್ಷಿಗಳನ್ನು ಕರೆ ತರಲಾಗಿದೆ.

''ಆರೆಂಜ್‌ ವಿಂಗ್ಡ್‌ ಅಮೆಜಾನ್‌ ಪ್ಯಾರೆಟ್‌ (3), ಸಂಕೆನ್‌ ಬರ್ಡ್‌ (3), ಆಫ್ರಿಕನ್‌ ಗ್ರೇ ಪ್ಯಾರಟ್‌ (3), ರೈನ್‌ಬೋ ಲೋರಿ(1) ಪಕ್ಷಿಗಳನ್ನು ಉದ್ಯಾನಕ್ಕೆ ಹೊಸದಾಗಿ ತರಲಾಗಿದೆ. ಈ ಪ್ರಭೇದ ಪಕ್ಷಿಗಳು ಉದ್ಯಾನದಲ್ಲಿ ಒಂಟಿಯಾಗಿದ್ದವು. ಪಕ್ಷಿಗಳು ಒಟ್ಟಾಗಿದ್ದಲ್ಲಿ ಸಂತಾನೋತ್ಪತ್ತಿಯಿಂದ ಸಂಖ್ಯೆಯೂ ವೃದ್ಧಿಯಾಗಲಿದೆ,'' ಎಂದು ಉದ್ಯಾನವನದ ಕಾರ್ಯ ನಿರ್ವಾಹಕ ನಿರ್ದೇಶಕ ಸಂಜಯ್‌ ಬಿಜೂರ್‌ ತಿಳಿಸಿದರು.