ಬೆಂಗಳೂರಲ್ಲಿ ಕರ್ಫ್ಯೂ: ಶನಿವಾರ ಸಂಜೆ 7ರಿಂದ ಸೋಮವಾರ ಬೆಳಗ್ಗೆ 7ರ ವರೆಗೆ, ಏನಿದೆ-ಏನಿಲ್ಲಾ?
ಲಾಕ್‌ಡೌನ್‌-1 ಮತ್ತು 2ರಲ್ಲಿ ಇದ್ದ ಕಟ್ಟುನಿಟ್ಟಿನ ನಿಯಮಗಳು ಭಾನುವಾರವೂ ಜಾರಿಯಲ್ಲಿ ಇರುತ್ತವೆ. ಆದ್ದರಿಂದ ಅನಗತ್ಯವಾಗಿ ಯಾರೂ ವಾಹನಗಳಲ್ಲಿ ಓಡಾಡಬಾರದು. ಅಗತ್ಯ ಹಾಗೂ ತುರ್ತು ಸೇವೆಗಳಿಗೆ ವಿನಾಯಿತಿ ನೀಡಲಾಗಿದೆ
Vijaya Karnataka Web 23 May 2020, 12:57 pm
ಬೆಂಗಳೂರು: ಲಾಕ್‌ಡೌನ್‌ ವಿಸ್ತರಣೆ ಹಿನ್ನೆಲೆಯಲ್ಲಿ ಶನಿವಾರ ಸಂಜೆ 7ರಿಂದ ಸೋಮವಾರ ಬೆಳಗ್ಗೆ 7 ಗಂಟೆವರೆಗೂ ನಗರದಾದ್ಯಂತ ಕರ್ಫ್ಯೂ ಜಾರಿಯಲ್ಲಿರುತ್ತದೆ. ಈ ಅವಧಿಯಲ್ಲಿ ಅನಗತ್ಯವಾಗಿ ಓಡಾಡುವ ವಾಹನ ಸವಾರರು, ಸಾರ್ವಜನಿಕರ ವಿರುದ್ಧ ಪೊಲೀಸರು ಕೇಸು ದಾಖಲಿಸುವುದಾಗಿ ಎಚ್ಚರಿಸಿದ್ದಾರೆ.
ಕರ್ಫ್ಯೂ ನಿಯಮಗಳು
ಯಾವುದು ಬಂದ್‌?
ಕರ್ಫ್ಯೂ ನಿಯಮಗಳು
- ಹಣ್ಣು- ತರಕಾರಿ, ಮಾಂಸ- ದಿನಸಿ, ಹಾಲು ಖರೀದಿಗೆ ಅವಕಾಶ.
- ವೈದ್ಯರು, ನರ್ಸ್‌, ಆ್ಯಂಬುಲೆನ್ಸ್‌, ಮಾಧ್ಯಮ ಪ್ರತಿನಿಧಿಗಳು ಓಡಾಡಬಹುದು.
- ಭಾನುವಾರ ಸಂಪೂರ್ಣ ಲಾಕ್‌ಡೌನ್‌ನಿಂದ ಬ್ಯಾರಿಕೇಡ್‌ ಹಾಕಿ ರಸ್ತೆಗಳ ಬಂದ್‌.
- ಅನಗತ್ಯವಾಗಿ ವಾಹನಗಳು ರಸ್ತೆಗಿಳಿದರೆ ಜಪ್ತಿ ಮಾಡಿ ಕಾನೂನು ಕ್ರಮ.
- ನಿಗದಿಯಾಗಿರುವ ಮದುವೆ ಕಾರ್ಯಕ್ರಮಗಳಿಗೆ ಯಾವುದೇ ಅಡ್ಡಿಯಿಲ್ಲ.
- ಆಸ್ಪತ್ರೆ, ಮೆಡಿಕಲ್‌ ಸ್ಟೋರ್‌ ತೆರೆಯಲು ಅವಕಾಶ.
- ಡಯಾಲಿಸಿಸ್‌,ಅನಾರೋಗ್ಯ ಸಮಸ್ಯೆ ಇದ್ದವರ ಓಡಾಟಕ್ಕೆ ಅನುಮತಿ.
- ಗರ್ಭಿಣಿಯರು, ಹಿರಿಯ ನಾಗರಿಕರು ತುರ್ತು ಚಿಕಿತ್ಸೆಗೆ ಆಸ್ಪತ್ರೆಗೆ ತೆರಳಬಹುದು.
- ಹೋಟೆಲ್‌, ದರ್ಶಿನಿಗಳಿಂದ ಪಾರ್ಸೆಲ್‌ ಕೊಂಡೊಯ್ಯಬಹುದು.
ಯಾವುದು ಬಂದ್‌?
- ಅಗತ್ಯ ವಸ್ತು ಹೊರತುಪಡಿಸಿ ಉಳಿದ ಅಂಗಡಿ ಮುಂಗಟ್ಟು ತೆರೆಯಲು ಅವಕಾಶವಿಲ್ಲ.
- ಬ್ಯೂಟಿ ಪಾರ್ಲರ್‌, ಸಲೂನ್‌, ಸ್ಪಾ, ಬಟ್ಟೆ ಅಂಗಡಿ,ಚಪ್ಪಲಿ ಅಂಗಡಿ ಮುಂಗಟ್ಟುಗಳು ಬಂದ್‌.
- ಮದ್ಯ ಮಾರಾಟಕ್ಕೆ ಅವಕಾಶ ಇಲ್ಲ.
- ಗಾರ್ಮೆಂಟ್ಸ್‌ ,ಫ್ಯಾಕ್ಟರಿ ಸೇರಿದಂತೆ ಎಲ್ಲಾ ಕಾರ್ಖಾನೆಗಳು ಬಂದ್‌.
- ಖಾಸಗಿ ಕಂಪನಿಗಳೂ ಕೂಡ ಬಂದ್‌
- ಎಲ್ಲ ಪಾರ್ಕ್‌ಗಳಿಗೂ ಬೀಗ. ಜಾಗಿಂಗ್‌, ವಾಕಿಂಗ್‌ಗೆ ಅವಕಾಶವಿಲ್ಲ.
- ಚಿನ್ನದ ಅಂಗಡಿಗಳು ಕೂಡ ಬಂದ್‌.
- ಆಟೊ, ಕ್ಯಾಬ್‌ಗಳು ರಸ್ತೆಗೆ ಇಳಿಯುವಂತಿಲ್ಲ
- ಖಾಸಗಿ ವಾಹನ ಬಳಸಿ ಓಡಾಡುವಂತಿಲ್ಲ.
- ಬೇರೆ ಜಿಲ್ಲೆಗೆ ಹೋಗಲು ಅನುಮತಿ ಇಲ್ಲವೇ ಇಲ್ಲ.
- ಗಲ್ಲಿ ಗಲ್ಲಿಗಳಲ್ಲೂ ಪೊಲೀಸರ ನಿಯೋಜನೆ.