ನಗರದಲ್ಲಿ ತಾಪಮಾನ ಮತ್ತೆ 37 ಡಿಗ್ರಿಗೆ ಏರಿಕೆ

ಬೆಂಗಳೂರು : ನಗರದಲ್ಲಿ ತಾಪಮಾನ ಮತ್ತಷ್ಟು ಏರಿಕೆಯಾಗಿದ್ದು, ಶುಕ್ರವಾರ ಗರಿಷ್ಠ ತಾಪಮಾನ ಮತ್ತೆ 37 ಡಿಗ್ರಿ ತಲುಪಿದೆ. ಇದರಿಂದ ವಿಪರೀತ ಸೆಕೆ ಕಾಣಿಸಿಕೊಂಡಿದೆ.

ಕಳೆದ ತಿಂಗಳು (ಮಾ.7ರಂದು) ಗರಿಷ್ಠ ತಾಪಮಾನ 37 ಡಿಗ್ರಿ ಸೆಲ್ಸಿಯಸ್‌ಗೆ ಏರಿಕೆಯಾಗಿತ್ತು. ಒಂದು ತಿಂಗಳ ಬಳಿಕ ನಗರದಲ್ಲಿ ಮತ್ತೆ ತಾಪಮಾನ ಏರಿಕೆಯಾಗಿದೆ. ಇದು ಈ ವರ್ಷದ ಅತ್ಯಧಿಕ ತಾಪಮಾನ ಎನಿಸಿದೆ.

ತಾಪಮಾನ ಏರಿಕೆಯಿಂದಾಗಿ ಒಂದೆರಡು ದಿನಗಳಲ್ಲಿ ನಗರದಲ್ಲಿ ಬೇಸಿಗೆ ಮಳೆ ಬರುವ ನಿರೀಕ್ಷೆ ಇದೆ. ರಾಜ್ಯದ ಕೆಲವು ಕಡೆಗಳಲ್ಲಿ ಮಳೆಯಾಗುತ್ತಿದ್ದು, ಅದೇ ರೀತಿ ಬೆಂಗಳೂರಿನಲ್ಲಿಯೂ ಮಳೆಯಾಗುವ ಸಾಧ್ಯತೆ ಇದೆ. ಇನ್ನು ಮುಂದಿನ ಎರಡು ದಿನಗಳಲ್ಲಿ ತಾಪಮಾನ ಏರಿಕೆಯಾಗುವ ಸಾಧ್ಯತೆ ಇಲ್ಲ. ಶನಿವಾರ (ಏ.13ರಂದು) ತಾಪಮಾನ 36 ಡಿಗ್ರಿಗೆ ಇಳಿಕೆಯಾಗಬಹುದು ಎಂದು ಹವಾಮಾನ ಇಲಾಖೆ ತಿಳಿಸಿದೆ.