ಬೆಂಗಳೂರು ತಾಪಮಾನ ಡಿಢೀರ್‌ ಏರಿಕೆ

ಬೆಂಗಳೂರು: ನಗರದಲ್ಲಿ ಗರಿಷ್ಠ ತಾಪಮಾನ 32 ಡಿಗ್ರಿ ಸೆಲ್ಸಿಯಸ್‌ಗೆ ತಲುಪಿದೆ. ಕೆಲ ದಿನಗಳ ಹಿಂದೆ ಇದ್ದ ತೀವ್ರವಾದ ಚಳಿ ಮಾಯವಾಗಿ ಸ್ವಲ್ಪ ಸೆಕೆ ಕಾಣಿಸಿಕೊಂಡಿದೆ.

ನಗರದಲ್ಲಿ ಒಂದು ತಿಂಗಳಿಂದ ಗರಿಷ್ಠ ತಾಪಮಾನ 25ರಿಂದ 27 ಡಿಗ್ರಿ ಸೆಲ್ಸಿಯಸ್‌ನಷ್ಟಿತ್ತು. ಕಳೆದ ಮೂರು ದಿನಗಳಲ್ಲಿ ತಾಪಮಾನ ಕ್ರಮೇಣ ಏರಿಕೆಯಾಗಿದೆ. ಶನಿವಾರ ಕೇಂದ್ರ ಭಾಗಗಳಲ್ಲಿ ಕೆಲ ಗಂಟೆವರೆಗೆ 33 ಡಿಗ್ರಿ ಸೆ. ತಾಪಮಾನ ದಾಖಲಾಗಿದೆ. ಭಾನುವಾರ ಇಡೀ ದಿನ 32 ಡಿಗ್ರಿ ಸೆ. ದಾಖಲಾಗಿದೆ. ಇದರಿಂದಾಗಿ ಚಳಿ ಕಡಿಮೆಯಾಗಿ ಸ್ವಲ್ಪ ಸೆಕೆ ಶುರುವಾಗಿದೆ. ಇನ್ನೂ ಕೆಲ ದಿನಗಳವರೆಗೆ ತಾಪಮಾನ 30ರಿಂದ 31 ಡಿಗ್ರಿ ಸೆ. ಆಸುಪಾಸಿನಲ್ಲೇ ಮುಂದುವರಿಯಲಿದೆ ಎಂದು ಹವಾಮಾನ ಇಲಾಖೆ ಮುನ್ಸೂಚನೆ ನೀಡಿದೆ.

ಎಚ್‌ಎಎಲ್‌ ನಲ್ಲಿ 31.6 ಡಿಗ್ರಿ ಸೆ. ಹಾಗೂ ಕೆಐಎಎಲ್‌ ನಲ್ಲಿ 32.2 ಡಿಗ್ರಿ ಸೆ.ದಾಖಲಾಗಿದೆ. ತಾಪಮಾನ ವಾಡಿಕೆ ಗಿಂತಲೂ ಹೆಚ್ಚಿರುವುದು ಮತ್ತೊಂದು ವಿಶೇಷ. ವಾಡಿಕೆಗೆ ಹೋಲಿಸಿದರೆ ಕೇಂದ್ರ ಭಾಗಗಳಲ್ಲಿ 2.9 ಡಿಗ್ರಿ ಸೆ.ನಷ್ಟು ತಾಪಮಾನ ಹೆಚ್ಚಿದೆ.

ಪರಿಸರ ರಕ್ಷಣೆ ನಮ್ಮೆಲ್ಲರ ಕರ್ತವ್ಯ: ಅನ್ವರ ಕೋಲಾರ

ಕಾರಣ ಏನು?
ಹಿಂದಿನ ವರ್ಷಗಳಲ್ಲೂಈ ತಿಂಗಳಲ್ಲಿ ತಾಪಮಾನ 34 ಡಿಗ್ರಿ ಸೆ.ಗೆ ಏರಿಕೆಯಾದ ಉದಾಹರಣೆ ಇದೆ ಎಂದು ರಾಜ್ಯ ನೈಸರ್ಗಿಕ ವಿಕೋಪ ಉಸ್ತುವಾರಿ ಕೇಂದ್ರದ ನಿರ್ದೇಶಕ ಡಾ.ಜಿ.ಎಸ್‌.ಶ್ರೀನಿವಾಸರೆಡ್ಡಿ ತಿಳಿಸಿದ್ದಾರೆ.

ಧಾರವಾಡ ರೈಲು ನಿಲ್ದಾಣ ಹಸಿರು ತೋರಣ

''ಶುಭ್ರ ಆಕಾಶ ಅಥವಾ ಮೋಡಗಳಿಲ್ಲದಿರುವುದು ಹಾಗೂ ಗಾಳಿ ಬೀಸುವುದು ಕಡಿಮೆಯಾಗಿರುವುದರಿಂದ ತಾಪಮಾನದಲ್ಲಿ ಏರಿಕೆಯಾಗಿದೆ. ಗರಿಷ್ಠ ಹಾಗೂ ಕನಿಷ್ಠ ತಾಪಮಾನಗಳೆರಡೂ ವಾಡಿಕೆಗಿಂತ ಹೆಚ್ಚೇ ಇದೆ. ಇನ್ನೂ ಕೆಲ ದಿನಗಳವರೆಗೆ ತಾಪಮಾನ ಇದೇ ರೀತಿ ಏರುಗತಿಯಲ್ಲೇ ಇರಲಿದೆ,'' ಎಂದು ಮಾಹಿತಿ ನೀಡಿದ್ದಾರೆ.

National Girl Child Day : ಸ್ಫೂರ್ತಿ ತುಂಬಿದ ಸಾಧಕಿಯ ಗುಣಗಾನ

ನಗರದಲ್ಲಿ ಎರಡು ದಿನ ಶುಭ್ರ ಆಕಾಶ ಹಾಗೂ ಮುಂಜಾನೆಯಲ್ಲಿ ಕೆಲವೆಡೆ ಮಂಜು ಕವಿದ ವಾತಾವರಣ ಕಂಡು ಬರಲಿದೆ ಎಂದು ಹವಾಮಾನ ಇಲಾಖೆ ಮುನ್ಸೂಚನೆ ನೀಡಿದೆ.