10 ರಿಂದ 15 ನಿಮಿಷಕ್ಕೊಂದು ರೈಲು
ವಿಸ್ತರಿಸಿದ ಅವಧಿಯಲ್ಲಿ10 ರಿಂದ 15 ನಿಮಿಷಕ್ಕೊಂದು ರೈಲು ಕಾರ್ಯಾಚರಿಸಲಾಗುತ್ತಿದೆ. ಭಾನುವಾರ ಸಾಮಾನ್ಯ ವೇಳೆಯಲ್ಲೂ10 ರಿಂದ 15 ನಿಮಿಷಕ್ಕೆ ಒಂದು ರೈಲು ಕಾರ್ಯಾಚರಿಸಲಾಗುತ್ತದೆ. ಕೆಲ ವೇಳೆ ಪ್ರಯಾಣಿಕರ ಸಂಖ್ಯೆ ಹೆಚ್ಚಿದ್ದರೆ ಮಾತ್ರ ಸಮಯದ ಅಂತರ ಕಡಿಮೆ ಮಾಡಲಾಗುತ್ತದೆ.
ಕೈಗಾರಿಕಾ ಪ್ರದೇಶದ ಕಾರ್ಮಿಕರಿಗೆ ಅನುಕೂಲ
ಪೀಣ್ಯ ಕೈಗಾರಿಕಾ ಪ್ರದೇಶದ ಕಾರ್ಮಿಕರಿಗೆ ವಿಸ್ತರಿಸಿದ ಸೇವೆಯಿಂದ ಹೆಚ್ಚು ಲಾಭವಾಗಿದೆ. ಈ ಹಿಂದೆ ರಾತ್ರಿ ಪಾಳಿಯಲ್ಲಿ ಕೆಲಸ ಮಾಡುವವರು 11 ಗಂಟೆ ಕಳೆದರೆ ಆಟೊರಿಕ್ಷಾ, ಕ್ಯಾಬ್‌ ಅಥವಾ ಸ್ವಂತ ವಾಹನಗಳ ಮೊರೆ ಹೋಗಬೇಕಾಗುತ್ತಿತ್ತು.''ಪೀಣ್ಯ ಕೈಗಾರಿಕಾ ಪ್ರದೇಶದಲ್ಲಿ ಸುಮಾರು 8 ಲಕ್ಷ ಕಾರ್ಮಿಕರು ಕೆಲಸ ಮಾಡುತ್ತಿದ್ದು, ಅನೇಕರು ಮೆಟ್ರೊ ಬಳಸಿಕೊಳ್ಳುತ್ತಿದ್ದಾರೆ. ಕೆಲ ಕಾರ್ಖಾನೆಗಳು 24 ಗಂಟೆಯೂ ಕಾರ್ಯನಿರ್ವಹಿಸುತ್ತದೆ. ವಿಸ್ತರಿಸಿದ ಸೇವೆಯು ಎರಡು, ಮೂರನೇ ಪಾಳಿಯಲ್ಲಿ ಕಾರ್ಯನಿರ್ವಹಿಸುವ ಕಾರ್ಮಿಕರಿಗೆ ಸುಲಭ ಸಾರಿಗೆ ಒದಗಿಸಿದೆ'' ಎಂದು ಪೀಣ್ಯ ಕೈಗಾರಿಕಾ ಸಂಘದ ಅಧ್ಯಕ್ಷ ಶ್ರೀನಿವಾಸ ಅಸ್ರಣ್ಣ ತಿಳಿಸಿದ್ದಾರೆ.
ಮೆಟ್ರೊ ನಿಲ್ದಾಣಕ್ಕೆ ಬಿಎಂಟಿಸಿ ಬಸ್‌ ಸಂಪರ್ಕ ಬೇಕು
ಅವೇಕ್‌ ಸಂಘಟನೆ ಅಧ್ಯಕ್ಷೆ ಡಾ.ರಾಜೇಶ್ವರಿ, ''ಮಹಿಳಾ ಕಾರ್ಮಿಕರು ರಾತ್ರಿ ಪಾಳಿಯಲ್ಲಿಕೆಲಸ ಮಾಡಿದ ಬಳಿಕ ಸುರಕ್ಷಿತವಾಗಿ ಮನೆ ಸೇರಲು ಮೆಟ್ರೊ ನೆರವಾಗಿದೆ. ಆದರೆ, ಮೆಟ್ರೊ ನಿಲ್ದಾಣಗಳಿಗೆ ಬಿಎಂಟಿಸಿ ಬಸ್‌ಗಳ ಮೂಲಕ ಸರಿಯಾದ ಸಂಪರ್ಕ ದೊರೆಯಬೇಕು. ಆಗ ಪ್ರಯಾಣ ಇನ್ನಷ್ಟು ಸುಲಭವಾಗುತ್ತದೆ'' ಎಂದು ಅಭಿಪ್ರಾಯಪಟ್ಟಿದ್ದಾರೆ.
ಉದ್ಯೋಗಿಗಳಿಗೆ ಸುಲಭ
ವೈಟ್‌ಫೀಲ್ಡ್‌ನ ಐಟಿ ಕಂಪನಿಗಳ ಉದ್ಯೋಗಿಗಳು ಕೂಡ ಈ ಸೇವೆಯನ್ನು ಬಳಸಿಕೊಳ್ಳುತ್ತಿದ್ದಾರೆ. ಕೆಲ ವೇಳೆ ಅತಿಯಾದ ಕೆಲಸದಿಂದ ಮನೆಗೆ ಹೊರಡುವುದು ತಡವಾಗುತ್ತದೆ. ಇಂತಹ ಸಂದರ್ಭಗಳಲ್ಲಿ ಮೆಟ್ರೊದಲ್ಲಿ ಪ್ರಯಾಣಿಸಬಹುದಾಗಿದೆ. ಜೆ.ಪಿ.ನಗರ, ಜಯನಗರ, ಬನಶಂಕರಿ ಮೊದಲಾದ ಭಾಗಗಳಲ್ಲಿ ನೆಲೆಸಿರುವ ಉದ್ಯೋಗಿಗಳು ಹಸಿರು ಮಾರ್ಗ ಬಳಸಿಕೊಳ್ಳುತ್ತಿದ್ದಾರೆ.
ಸರಾಸರಿ 1000ಕ್ಕೂ ಅಧಿಕ ಪ್ರಯಾಣಿಕರಿಂದ ಬಳಕೆ
ವಿಸ್ತರಿಸಿದ ಅವಧಿಯಲ್ಲಿ ಪ್ರಯಾಣಿಕರ ಸಂಖ್ಯೆ ಸೋಮವಾರದಿಂದ ಶನಿವಾರ ಪ್ರತಿ ದಿನ: 1,000 ಇತ್ತು. ಭಾನುವಾರ 800 ಪ್ರಯಾಣಿಕರು ಇದ್ದರು.