‘ವಾಹನ್‌- 4’ ತಂತ್ರಾಂಶ ಅಳವಡಿಕೆ: ಸೇವೆ ಸ್ಥಗಿತ

ಬೆಂಗಳೂರು : ಬೆಂಗಳೂರು ಪೂರ್ವದ ಕಸ್ತೂರಿನಗರ ಪ್ರಾದೇಶಿಕ ಸಾರಿಗೆ ಕಚೇರಿಯಲ್ಲಿ 'ವಾಹನ್‌-4' ತಂತ್ರಾಂಶವನ್ನು ಅಳವಡಿಸುತ್ತಿದ್ದು, ಜ. 30ರಿಂದ ಫೆ. 4ರವರೆಗೆ ವಾಹನ ನೋಂದಣಿ ಸೇರಿದಂತೆ ಇನ್ನಿತರ ಸೇವೆಗಳನ್ನು ಸ್ಥಗಿತಗೊಳಿಸಲಾಗುತ್ತಿದೆ.

ಹೊಸ ವಾಹನ ನೋಂದಣಿ, ವರ್ಗಾವಣೆ, ವಿಳಾಸ ಬದಲಾವಣೆ, ಕಂತು ಕರಾರು ನಮೂದು, ರದ್ದತಿ, ಎಫ್‌ಸಿ, ನೋಂದಣಿ ಪತ್ರ ನವೀಕರಣ, ಸಿಸಿ, ಎನ್‌ಒಸಿ, ವಾಹನ ಸಂಖ್ಯೆ ಮರು ನೋಂದಣಿ, ನಕಲು ನೋಂದಣಿ, ರಹದಾರಿ ನೀಡುವಿಕೆ, ನವೀಕರಣ ಮತ್ತು ಇನ್ನಿತರೆ ಸೇವೆಗಳಿಗೆ ಜ. 28ರೊಳಗೆ ಅರ್ಜಿ ಸಲ್ಲಿಸಿ, ಕೆಲಸ ಕಾರ್ಯಗಳನ್ನು ಪೂರ್ಣಗೊಳಿಸಿಕೊಳ್ಳಬೇಕು. ಆನಂತರ ಬಂದ ಅರ್ಜಿಗಳನ್ನು ಸ್ವೀಕರಿಸುವುದಿಲ್ಲ.

ಜ. 30 ರಿಂದ ಫೆ. 7ರವರೆಗೆ' ವಾಹನ್‌-1' ಎಲ್ಲ ಸೇವೆಗಳನ್ನು ಸ್ಥಗಿತಗೊಳಿಸಲಾಗುತ್ತಿದೆ ಎಂದು ಪ್ರಾದೇಶಿಕ ಸಾರಿಗೆ ಅಧಿಕಾರಿ ಮಾಲತೇಶ ವೈ.ಅಣ್ಣಿಗೇರಿ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.