ಬೆಂಗಳೂರು: ವಿಕ್ಟೋರಿಯಾ ಆಸ್ಪತ್ರೆಯ ಲ್ಯಾಬ್‌ ಪುನರಾರಂಭ!

ಬೆಂಗಳೂರು: ಸಿಬ್ಬಂದಿಗೆ ಕೊರೊನಾ ಸೋಂಕು ತಗಲಿದ್ದರಿಂದ ಮುಚ್ಚಿದ್ದ ವಿಕ್ಟೋರಿಯಾ ಆಸ್ಪತ್ರೆ ಆವರಣದ ಪ್ರಯೋಗಾಲಯ ಭಾನುವಾರದಿಂದ ಮತ್ತೆ ಕಾರ್ಯಾರಂಭಿಸಿದೆ. ನಿಮ್ಹಾನ್ಸ್‌ನ ಲ್ಯಾಬ್‌ ಸೋಮವಾರದಿಂದ ತೆರೆಯಲಿದೆ. ವಿಕ್ಟೋರಿಯಾ ಲ್ಯಾಬ್‌ನ ಸಿಬ್ಬಂದಿಗೆ ಸೋಂಕು ತಗಲಿದ್ದರಿಂದ ತಾತ್ಕಾಲಿಕವಾಗಿ ಮುಚ್ಚಿ ಸ್ವಚ್ಛತಾ ಕಾರ್ಯ ಕೈಗೊಳ್ಳಲಾಗಿತ್ತು. ಪರ್ಯಾಯವಾಗಿ ಸಿಬ್ಬಂದಿ ವ್ಯವಸ್ಥೆ ಮಾಡಿ ಕಾರ್ಯಾರಂಭಿಸಲಾಗಿದೆ.

ನಿಮ್ಹಾನ್‌ ಲ್ಯಾಬ್‌ ಸಿಬ್ಬಂದಿಗೆ ಸೋಂಕಿನ ಶಂಕೆ ಇದ್ದುದರಿಂದ ಕ್ವಾರಂಟೈನ್‌ಗೆ ಒಳಪಡಿಸಲಾಗಿತ್ತು. ಸಿಬ್ಬಂದಿ ಕೊರತೆ ಉಂಟಾಗಿದ್ದರಿಂದ ಲ್ಯಾಬ್‌ಗಳನ್ನು ತೆರೆಯಲು ಸಾಧ್ಯವಾಗಿರಲಿಲ್ಲ. ಎಲ್ಲ ಸಿಬ್ಬಂದಿಯ ಗಂಟಲ ದ್ರವ ಮಾದರಿಯ ಪರೀಕ್ಷೆ ನಡೆಸಿದ್ದು, ಯಾರಿಗೂ ಸೋಂಕು ಇಲ್ಲಎಂಬುದು ದೃಢಪಟ್ಟಿದೆ. ಈ ಹಿನ್ನೆಲೆಯಲ್ಲಿಅದೇ ಸಿಬ್ಬಂದಿಯೊಂದಿಗೆ ಲ್ಯಾಬ್‌ ಪುನರಾರಂಭಗೊಳ್ಳಲಿದೆ.

ಎರಡೂ ಲ್ಯಾಬ್‌ಗಳಿಗೆ ಪ್ರತಿದಿನ ತಲಾ 1,000 ಗಂಟಲ ದ್ರವ ಮಾದರಿಗಳನ್ನು ಕಳುಹಿಸಲಾಗುತ್ತಿದೆ. ಬೆಂಗಳೂರು ಮಾತ್ರವಲ್ಲದೆ, ಬೇರೆ ಜಿಲ್ಲೆಗಳಿಂದಲೂ ಕೆಲವೊಮ್ಮೆ ಮಾದರಿಗಳನ್ನು ಕಳುಹಿಸಲಾಗುತ್ತದೆ. ಇವೆರಡೂ ಲ್ಯಾಬ್‌ ಮುಚ್ಚಿದ್ದರಿಂದ ಗಂಟಲ ದ್ರವದ ಮಾದರಿಗಳನ್ನು ಎನ್‌ಐವಿ ಘಟಕ, ಕಿದ್ವಾಯಿ ಮೊದಲಾದ ಲ್ಯಾಬ್‌ಗಳಿಗೆ ಕಳುಹಿಸಲಾಗುತ್ತಿತ್ತು. ಆದರೆ, ಇದರಿಂದ ಲ್ಯಾಬ್‌ಗಳ ಮೇಲಿನ ಹೊರೆ ಹೆಚ್ಚಾಗಿತ್ತು.

ವಿಐಪಿ ದರ್ಪ..! ಪಾಸ್ ಕೇಳಿದ ಪೊಲೀಸ್‌ ಅಧಿಕಾರಿಗೆ ಜಾಡಿಸಿ ಒದ್ದ ಮಾಜಿ ಸಂಸದ..!