ಕೆ.ಆರ್‌.ಪುರ: ಕ್ಷೇತ್ರದ ಹೊರಮಾವು ವಾರ್ಡ್‌ನ ಸಾಯಿ ಬಡಾವಣೆಗೆ ನೆರೆ ಕಾಟದಿಂದ ಮುಕ್ತಿ ಸಿಗದಂತಾಗಿದೆ. ಎರಡೂವರೆ ತಿಂಗಳ ಅವಧಿಯಲ್ಲಿ ಮೂರನೇ ಬಾರಿ ಬಡಾವಣೆ ಜಲಾವೃತಗೊಂಡಿದೆ.
ಸಾಯಿ ಬಡಾವಣೆಯಲ್ಲಿ ಸೋಮವಾರ ಸುರಿದ ಸಾಧಾರಣ ಮಳೆಗೆ ಮತ್ತೆ ಪ್ರವಾಹ ಪರಿಸ್ಥಿತಿ ತಲೆದೋರಿದೆ. ಸುಮಾರು 20ಕ್ಕೂ ಹೆಚ್ಚು ಮನೆಗಳಿಗೆ ನೀರು ನುಗ್ಗಿದೆ. ಮನೆಗಳಲ್ಲಿ ಸುಮಾರು ಮೂರು ಅಡಿಯಷ್ಟು ಎತ್ತರ ನೀರು ನಿಂತಿತ್ತು. ರಸ್ತೆಗಳೂ ಹೊಳೆಯಂತಾಗಿತ್ತು.
ಸೋಮವಾರ ಸಂಜೆವರೆಗೂ ಎರಡು ಮೋಟಾರ್‌ ಪಂಪ್‌ ಬಳಸಿ ನೀರನ್ನು ಹೊರಹಾಕಲಾಯಿತು. ಜೆಸಿಬಿ ಮೂಲಕ ನೀರು ಸಾಗಲು ಅನುವು ಮಾಡಿಕೊಡಲಾಯಿತು. ಮಂಗಳವಾರ ಸಂಜೆ ಮತ್ತೆ ಮಳೆ ಬಂದಿದ್ದರಿಂದ ನೀರಿನ ಪ್ರಮಾಣ ಕಡಿಮೆಯಾಗಿಲ್ಲ. ನಿವಾಸಿಗಳು ಹೊರಗೂ ಹೋಗಲಾರದೆ, ಮನೆಯೊಳಗೂ ಇರಲಾಗದೆ ಪರದಾಡುವ ಪರಿಸ್ಥಿತಿ ಬಂದಿದೆ.
''ಮೇ ತಿಂಗಳಲ್ಲಿ ಉಂಟಾದ ನೆರೆಯಲ್ಲಿ ಟಿವಿ, ಫ್ರಿಡ್ಜ್‌, ವಾಷಿಂಗ್‌ ಮೆಷಿನ್‌ ಸೇರಿ ಹಲವು ವಸ್ತುಗಳ ಹಾಳಾಗಿವೆ. ಒಂದು ಲಕ್ಷ ರೂ.ಗೂ ಹೆಚ್ಚು ನಷ್ಟ ಅನುಭವಿಸಬೇಕಾಯಿತು. ಸರಕಾರದಿಂದ ಪರಿಹಾರವಾಗಿ ಸಿಕ್ಕಿದ್ದು ಕೇವಲ 25 ಸಾವಿರ ರೂ. ಮತ್ತೆ ಈಗ ಮನೆಗೆಳಿಗೆ ನೀರು ನುಗ್ಗಿದೆ. ಹೀಗೆ ಆದರೆ, ಜೀವನ ಮಾಡುವುದಾದರೂ ಹೇಗೆ,'' ಎಂದು ಶ್ರೀಸಾಯಿ ಲೇಔಟ್‌ ನಿವಾಸಿ ಸರಸ್ವತಿ ಅಳಲು ತೋಡಿಕೊಂಡರು.
ಸಮಸ್ಯೆ ಏನು ?
ಸಾಯಿ ಬಡಾವಣೆಯಲ್ಲಿ ಮೂಲಕ ಸಾಗುವ ರಾಜಕಾಲುವೆ ರೈಲ್ವೆ ಟ್ರ್ಯಾಕ್‌ ಸನಿಹಕ್ಕೆ ಬಂದಂತೆ ಕಿರಿದಾಗಿದೆ. ರೈಲ್ವೆ ಟ್ರ್ಯಾಕ್‌ನ ಅಡಿಭಾಗದಲ್ಲಿ ಪ್ಯಾಸೇಜ್‌ ಮೂಲಕ ನೀರು ಹೊರ ಹೋಗಲು ವ್ಯವಸ್ಥೆ ಮಾಡಲಾಗಿದೆ. ಈ ಭಾಗದಲ್ಲಿ ಇನ್ನಷ್ಟು ಪ್ಯಾಸೇಜ್‌ ನಿರ್ಮಿಸಿದಲ್ಲಿ ಅಥವಾ ವಿಸ್ತರಣೆ ಮಾಡಿದಲ್ಲಿ ನೀರು ಸರಾಗವಾಗಿ ಹರಿದು ಹೋಗಲಿದೆ. ರೈಲ್ವೆ ಟ್ರ್ಯಾಕ್‌ ಬಳಿ ಬಿಬಿಎಂಪಿ ಯಾವುದೇ ಕಾಮಗಾರಿ ಕೈಗೊಳ್ಳುವಂತಿಲ್ಲ. ರೈಲ್ವೆ ಇಲಾಖೆಯೇ ಕಾಮಗಾರಿ ನಡೆಸಬೇಕಿದೆ. ರೈಲ್ವೆ ಇಲಾಖೆಯೊಂದಿಗೆ ಮಾತುಕತೆ ನಡೆಸಿ, ಸಮಸ್ಯೆ ಬಗೆಹರಿಸುತ್ತೇವೆ ಎಂದು ಜನಪ್ರತಿನಿಧಿಗಳು, ಅಧಿಕಾರಿಗಳು ವರ್ಷಗಳಿಂದ ಹೇಳುತ್ತಲೇ ಇದ್ದಾರಾದರೂ ಪರಿಹಾರ ಸಿಕ್ಕಿಲ್ಲ.
ರೈಲ್ವೆ ಕಂಬಿ ಕೆಳಗಿನ ಪ್ಯಾಸೇಜ್‌ ವಿಸ್ತರಣೆ ಮಾಡಲು ರಾಜಕಾಲುವೆ ವಿಭಾಗದಿಂದ 40 ಕೋಟಿ ರೂ. ಮೀಸಲಿಡಲಾಗಿದೆ. ರೈಲ್ವೆ ಇಲಾಖೆ ಜತೆಗೂ ಈ ಬಗ್ಗೆ ಮಾತುಕತೆ ನಡೆದಿದೆ. ಜನವರಿಯಲ್ಲಿ ಕಾಮಗಾರಿ ನಡೆಯಲಿದೆ.
ರಮೇಶ್‌, ಬಿಬಿಎಂಪಿ ಇಂಜಿನಿಯರ್‌, ಹೊರಮಾವು ವಾರ್ಡ್‌
ವರ್ಷದಲ್ಲಿ ಮೂರ್ನಾಲ್ಕು ಬಾರಿ ಬಡಾವಣೆ ಜಲಾವೃತವಾಗುತ್ತಿದೆ. ಪದೇ ಪದೆ ಸಮಸ್ಯೆ ಉಂಟಾಗುತ್ತಿರುವುದರಿಂದ ನೆಲಮಹಡಿಯ ಮನೆಗಳಲ್ಲಿನ ಬಾಡಿಗೆದಾರರು ಮನೆ ತೊರೆದಿದ್ದಾರೆ. ಮನೆ ಕಟ್ಟಿಕೊಂಡು ವಾಸವಿರುವ ಮಾಲೀಕರು ಬೇರೆಡೆಗೆ ಹೋಗಲಾಗದೆ ಪರದಾಡುತ್ತಿದ್ದಾರೆ.
ಪುಷ್ಪರಾಜ್‌ , ಸಾಯಿ ಬಡಾವಣೆ ನಿವಾಸಿ
ಸಾಯಿ ಬಡಾವಣೆಯಲ್ಲಿ ಸೋಮವಾರ ಸುರಿದ ಸಾಧಾರಣ ಮಳೆಗೆ ಮತ್ತೆ ಪ್ರವಾಹ ಪರಿಸ್ಥಿತಿ ತಲೆದೋರಿದೆ. ಸುಮಾರು 20ಕ್ಕೂ ಹೆಚ್ಚು ಮನೆಗಳಿಗೆ ನೀರು ನುಗ್ಗಿದೆ. ಮನೆಗಳಲ್ಲಿ ಸುಮಾರು ಮೂರು ಅಡಿಯಷ್ಟು ಎತ್ತರ ನೀರು ನಿಂತಿತ್ತು. ರಸ್ತೆಗಳೂ ಹೊಳೆಯಂತಾಗಿತ್ತು.
ಸೋಮವಾರ ಸಂಜೆವರೆಗೂ ಎರಡು ಮೋಟಾರ್‌ ಪಂಪ್‌ ಬಳಸಿ ನೀರನ್ನು ಹೊರಹಾಕಲಾಯಿತು. ಜೆಸಿಬಿ ಮೂಲಕ ನೀರು ಸಾಗಲು ಅನುವು ಮಾಡಿಕೊಡಲಾಯಿತು. ಮಂಗಳವಾರ ಸಂಜೆ ಮತ್ತೆ ಮಳೆ ಬಂದಿದ್ದರಿಂದ ನೀರಿನ ಪ್ರಮಾಣ ಕಡಿಮೆಯಾಗಿಲ್ಲ. ನಿವಾಸಿಗಳು ಹೊರಗೂ ಹೋಗಲಾರದೆ, ಮನೆಯೊಳಗೂ ಇರಲಾಗದೆ ಪರದಾಡುವ ಪರಿಸ್ಥಿತಿ ಬಂದಿದೆ.
''ಮೇ ತಿಂಗಳಲ್ಲಿ ಉಂಟಾದ ನೆರೆಯಲ್ಲಿ ಟಿವಿ, ಫ್ರಿಡ್ಜ್‌, ವಾಷಿಂಗ್‌ ಮೆಷಿನ್‌ ಸೇರಿ ಹಲವು ವಸ್ತುಗಳ ಹಾಳಾಗಿವೆ. ಒಂದು ಲಕ್ಷ ರೂ.ಗೂ ಹೆಚ್ಚು ನಷ್ಟ ಅನುಭವಿಸಬೇಕಾಯಿತು. ಸರಕಾರದಿಂದ ಪರಿಹಾರವಾಗಿ ಸಿಕ್ಕಿದ್ದು ಕೇವಲ 25 ಸಾವಿರ ರೂ. ಮತ್ತೆ ಈಗ ಮನೆಗೆಳಿಗೆ ನೀರು ನುಗ್ಗಿದೆ. ಹೀಗೆ ಆದರೆ, ಜೀವನ ಮಾಡುವುದಾದರೂ ಹೇಗೆ,'' ಎಂದು ಶ್ರೀಸಾಯಿ ಲೇಔಟ್‌ ನಿವಾಸಿ ಸರಸ್ವತಿ ಅಳಲು ತೋಡಿಕೊಂಡರು.
ಸಮಸ್ಯೆ ಏನು ?
ಸಾಯಿ ಬಡಾವಣೆಯಲ್ಲಿ ಮೂಲಕ ಸಾಗುವ ರಾಜಕಾಲುವೆ ರೈಲ್ವೆ ಟ್ರ್ಯಾಕ್‌ ಸನಿಹಕ್ಕೆ ಬಂದಂತೆ ಕಿರಿದಾಗಿದೆ. ರೈಲ್ವೆ ಟ್ರ್ಯಾಕ್‌ನ ಅಡಿಭಾಗದಲ್ಲಿ ಪ್ಯಾಸೇಜ್‌ ಮೂಲಕ ನೀರು ಹೊರ ಹೋಗಲು ವ್ಯವಸ್ಥೆ ಮಾಡಲಾಗಿದೆ. ಈ ಭಾಗದಲ್ಲಿ ಇನ್ನಷ್ಟು ಪ್ಯಾಸೇಜ್‌ ನಿರ್ಮಿಸಿದಲ್ಲಿ ಅಥವಾ ವಿಸ್ತರಣೆ ಮಾಡಿದಲ್ಲಿ ನೀರು ಸರಾಗವಾಗಿ ಹರಿದು ಹೋಗಲಿದೆ. ರೈಲ್ವೆ ಟ್ರ್ಯಾಕ್‌ ಬಳಿ ಬಿಬಿಎಂಪಿ ಯಾವುದೇ ಕಾಮಗಾರಿ ಕೈಗೊಳ್ಳುವಂತಿಲ್ಲ. ರೈಲ್ವೆ ಇಲಾಖೆಯೇ ಕಾಮಗಾರಿ ನಡೆಸಬೇಕಿದೆ. ರೈಲ್ವೆ ಇಲಾಖೆಯೊಂದಿಗೆ ಮಾತುಕತೆ ನಡೆಸಿ, ಸಮಸ್ಯೆ ಬಗೆಹರಿಸುತ್ತೇವೆ ಎಂದು ಜನಪ್ರತಿನಿಧಿಗಳು, ಅಧಿಕಾರಿಗಳು ವರ್ಷಗಳಿಂದ ಹೇಳುತ್ತಲೇ ಇದ್ದಾರಾದರೂ ಪರಿಹಾರ ಸಿಕ್ಕಿಲ್ಲ.
ರೈಲ್ವೆ ಕಂಬಿ ಕೆಳಗಿನ ಪ್ಯಾಸೇಜ್‌ ವಿಸ್ತರಣೆ ಮಾಡಲು ರಾಜಕಾಲುವೆ ವಿಭಾಗದಿಂದ 40 ಕೋಟಿ ರೂ. ಮೀಸಲಿಡಲಾಗಿದೆ. ರೈಲ್ವೆ ಇಲಾಖೆ ಜತೆಗೂ ಈ ಬಗ್ಗೆ ಮಾತುಕತೆ ನಡೆದಿದೆ. ಜನವರಿಯಲ್ಲಿ ಕಾಮಗಾರಿ ನಡೆಯಲಿದೆ.
ರಮೇಶ್‌, ಬಿಬಿಎಂಪಿ ಇಂಜಿನಿಯರ್‌, ಹೊರಮಾವು ವಾರ್ಡ್‌
ವರ್ಷದಲ್ಲಿ ಮೂರ್ನಾಲ್ಕು ಬಾರಿ ಬಡಾವಣೆ ಜಲಾವೃತವಾಗುತ್ತಿದೆ. ಪದೇ ಪದೆ ಸಮಸ್ಯೆ ಉಂಟಾಗುತ್ತಿರುವುದರಿಂದ ನೆಲಮಹಡಿಯ ಮನೆಗಳಲ್ಲಿನ ಬಾಡಿಗೆದಾರರು ಮನೆ ತೊರೆದಿದ್ದಾರೆ. ಮನೆ ಕಟ್ಟಿಕೊಂಡು ವಾಸವಿರುವ ಮಾಲೀಕರು ಬೇರೆಡೆಗೆ ಹೋಗಲಾಗದೆ ಪರದಾಡುತ್ತಿದ್ದಾರೆ.
ಪುಷ್ಪರಾಜ್‌ , ಸಾಯಿ ಬಡಾವಣೆ ನಿವಾಸಿ