ಡೆಡ್ಲಿ ವ್ಹೀಲಿಂಗ್‌: ಆರೋಪಿ ವಶಕ್ಕೆ

ಬೆಂಗಳೂರು: ವೀಲಿಂಗ್‌ ಮಾಡಿ ಸಾರ್ವಜನಿಕರಿಗೆ ಕಿರಿಕಿರಿಯ ಉಂಟು ಮಾಡುತ್ತಿದ್ದ ಆರೋಪಿಯನ್ನು ಎಲೆಕ್ಟ್ರಾನಿಕ್‌ ಸಿಟಿ ಸಂಚಾರ ಠಾಣೆ ಪೊಲೀಸರು ವಶಕ್ಕೆ ಪಡೆದಿದ್ದಾರೆ.

ಸೈಯದ್‌ ಬಷೀರ್‌ (19) ಬಂಧಿತ ಆರೋಪಿ. ಮೆಕ್ಯಾನಿಕ್‌ ಕೆಲಸ ಮಾಡಿಕೊಂಡಿರುವ ಈತ, ಸ್ನೇಹಿತನನ್ನು ಬೈಕ್‌ ಮೇಲೆ ಕೂರಿಸಿಕೊಂಡು ವ್ಹಿಲಿಂಗ್‌ ಮಾಡುತ್ತಿರುವುದನ್ನು ಸಾರ್ವಜನಿಕರೊಬ್ಬರು ವಿಡಿಯೊ ಮಾಡಿ ಪೊಲೀಸರಿಗೆ ರವಾನಿಸಿದ್ದರು. ದಿನಕ್ಕೊಂದು ಬೈಕಿನಲ್ಲಿ ವೀಲಿಂಗ್‌ ಮಾಡುವ ಚಟ ಇಟ್ಟುಕೊಂಡಿದ್ದ ಆರೋಪಿ ತಾನೂ ವಿಡಿಯೋ ಮಾಡಿಸಿಕೊಂಡು ಸಾಮಾಜಿಕ ತಾಣಗಳಲ್ಲಿ ಪೋಸ್ಟ್‌ ಮಾಡಿದ್ದ.

ಈ ಎಲ್ಲಾ ವಿಡಿಯೋಗಳ ಆಧಾರದ ಮೇಲೆ ಆರೋಪಿ ಬಗ್ಗೆ ಸುಳಿವು ಹಿಡಿದ ಸಂಚಾರ ಠಾಣೆ ಪೊಲೀಸರು ಮಫ್ತಿಯಲ್ಲಿ ಕಾದು ವಶಕ್ಕೆ ಪಡೆದಿದ್ದು ವಿಚಾರಣೆ ನಡೆಸಿದ್ದಾರೆ.