ಕೇಸರಿಗಿಂತ ಸಿದ್ದರಾಮಯ್ಯಗೆ ಟೋಪಿ ಮೇಲೆ ಪ್ರೀತಿ, ಪುಂಡರಿಗೆ ಬಿರಿಯಾನಿ ಬದಲು ಬುಲ್ಡೋಜರ್‌: ಸಿಟಿ ರವಿ

ವಿಜಯಪುರ: ಮಾಜಿ ಮುಖ್ಯಮಂತ್ರಿ ಸಿದ್ದರಾಮಯ್ಯ ಹೇಳ್ತಾರೆ ನಾನು ಹಿಂದೂ ಅಂತ. ಆದರೆ ಸಿದ್ದರಾಮಯ್ಯಗೆ ಕೇಸರಿ ಟೋಪಿ ಮಾತ್ರ ಬೇಡ. ನಾನು ಹಿಂದೂ ಆದ್ರೆ ಕೇಸರಿ ಟೋಪಿ ಹಾಕೋಕೆ ಬಂದಾಗ ಅದನ್ನು ಕಿತ್ತಾಕಿದ್ರು. ಇಂಥವರು ಹಿಂದೂಗಳ ಬಗ್ಗೆ ಮಾತನಾಡುತ್ತಾರೆ ಎಂದು ಬಿಜೆಪಿ ನಾಯಕ ಸಿಟಿ ರವಿ ಗುಡುಗಿದರು.

ದೇವನಹಳ್ಳಿ ಸಮೀಪದ ವಿಜಯಪುರದಲ್ಲಿ ನಡೆದ ಬಿಜೆಪಿ ಸಮಾವೇಶದಲ್ಲಿ ಮಾತನಾಡಿದರು.

ರಾಜ್ಯದಲ್ಲಿ ಗಲಭೆಕೋರರ ಮಟ್ಟ ಹಾಕಲು 'ಬುಲ್ಡೋಜರ್' ಬಂದ್ರೆ ಒಳ್ಳೆಯದು: ಸಚಿವ ಆಶೋಕ್

ಕುಂಕುಮ ಇಟ್ಟವರ ಕಂಡ್ರೆ ಹೆದರಿಕೆ ಆಗುತ್ತಂತೆ ಸಿದ್ದರಾಮಯ್ಯನವರಿಗೆ. ಅವರ ತಾಯಿ, ಹೆಣ್ಣುಮಕ್ಕಳು ಕುಂಕಮ‌ ಇಡ್ತಾರೋ ಇಲ್ವಾ..? ಕುಂಕಮ‌ ಇಟ್ಟವರು ಯಾರಾದ್ರೂ ಬಾಂಬ್ ಹಾಕಿದ್ರಾ..? ಬಾಂಬ್ ಹಾಕೋವರು ಯಾರು? ಟೋಪಿ ಹಾಕಿದವರು..!! ಅಂತ ಸನ್ನೆ ಮಾಡಿ ಸಿ ಟಿ ರವಿ ತೋರಿಸಿದರು.

ಟೋಪಿ ಕಂಡ್ರೆ ಸಿದ್ದರಾಮಯ್ಯಗೆ ಬಹಳ ಪ್ರೀತಿ. ಕೇಸರಿ ಪೇಟಾ ತೊಟ್ಟವರು ಯಾರು ಬಾಂಬ್ ಹಾಕಲಿಲ್ಲ. ಕೇಸರಿ ಶಾಲು ಹಾಕಿದವರು ಭಾರತ್ ಮಾತಾ ಕೀ ಜೈ ಅಂದರು ಎಂದು ಸಿಟಿ ರವಿ ತಿಳಿಸಿದರು.

ತಪ್ಪು ಮಾಡಿದವರನ್ನು ತಲೆ ಮೇಲೆ ಕೂರಿಸಿಕೊಳ್ಳುವ ಜನ ನಾವಲ್ಲ. ಅಖಂಡ ಶ್ರೀನಿವಾಸ ಮೂರ್ತಿ ‌ಮನೆ ಮೇಲೆ ದಾಳಿ ಬಗ್ಗೆ ಕಾಂಗ್ರೆಸ್ ಪಕ್ಷದ ನಿಲುವೇನು. ತಪ್ಪು ಮಾಡಿದವರು‌ ನೀರು ಕುಡಿಯಲೇ ಬೇಕು, ಶಿಕ್ಷೆ ಆಗಲೇ ಬೇಕು. ತಪ್ಪು ಮಾಡಿದರು ವೋಟಿನಾಸೆಗೆ ಓಲೈಸೋ ಕಾಲವಿಲ್ಲ ತಪ್ಪು ಮಾಡಿದವರು ಬಡವರು, ಶ್ರೀಮಂತರು ಅನ್ನೋ ಪ್ರಶ್ನೇ ಇಲ್ಲ ಎಂದು ತಿಳಿಸಿದರು.

ಶ್ರೀರಾಮ ನವಮಿಯಂದು ಯಾಕೆ ಕಲ್ಲು ಎಸೆಯುತ್ತಾರೆ. ನಾವು ಏನಾದ್ರು ಅವರ ಮೆರವಣಿಗೆ ವೇಳೆ ಕಲ್ಲು ಹಾಕ್ತೀವಾ. ಒಬ್ಬರು ಹೇಳ್ತಾರೆ ಮಸೀದಿ‌ ಮುಂದೆ ಇಳಿಹಾಕಬಿಡಬೇಕು ಅಂತಾ. ಇದು ಬಹುಸಂಖ್ಯಾತ ಹಿಂದೂ ಗಳಿರೋ ದೇಶ. ಇಲ್ಲಿ ‌ನಾವು ಮೆರವಣಿಗೆ ಮಾಡಬಾರದು ಅಂದ್ರೆ ಯಾವ ಮಾನಸಿಕತೆ ಇದೆ ಎಂಬುದು ಗೊತ್ತಾಗುತ್ತದೆ ಎಂದು ಹೇಳಿದರು.

'ಬುಲ್ಡೋಜರ್ ಬೊಮ್ಮಾಯಿ' ಆಗ್ಬೇಕಾ ಬಸವರಾಜ ಬೊಮ್ಮಾಯಿ..? ಕರ್ನಾಟಕಕ್ಕೆ ಬೇಕಾ ಯುಪಿ ಮಾದರಿ..?

ದೇಶದಲ್ಲಿ ಭಯೋತ್ಪಾದಕರಿಗೆ ಬಿರಿಯಾನಿ ತಿನಿಸೋ ಕಾಲ‌ ಇತ್ತು. ಈಗ ಬಿರಿಯಾನಿ ಗಿರಿಯಾನಿ ಇಲ್ಲ. ಈಗ ಯಾರಾದ್ರೂ ಬಾಲ ಬಿಚ್ಚಿದ್ರೇ ಜೆಸಿಬಿ ಹೋಗುತ್ತೆ. ಬುಲ್ಡೋಜರ್ ಹೋಗುತ್ತೆ. ಸರಿನೋ ತಪ್ಪೋ..? ಎಂದು ಬಿಜೆಪಿ ಕಾರ್ಯಕರ್ತರಿಗೆ ಸಿ ಟಿ ರವಿ ಪ್ರಶ್ನೆ ಮಾಡಿದರು.

ಭಯೋತ್ಪಾದನೆ ಮಾಡುವವರಿಗೆ ಬಿರಿಯಾನಿ ತಿನಿಸಲ್ಲ. ಬಂದೂಕಿನಿಂದ ದಾಳಿ ಮಾಡುವವರಿಗೆ ಸೈನಿಕರ ಬಂದೂಕಿನಿಂದಲೇ ಉತ್ತರ ಕೊಡ್ತೀವಿ. ಸರ್ಜಿಕಲ್ ಸ್ಟ್ರೈಕ್ ಮೂಲಕ ಉತ್ತರ ಕೊಡ್ತೇವೆ ಎಂದು ಸಿಟಿ ರವಿ ಗುಡುಗಿದರು.