ಚುನಾವಣೆ ಸಂದರ್ಭದಲ್ಲಿ ಬಾಲ ಬಿಚ್ಚಿದ್ರೆ ಕ್ರಮ; ರೌಡಿ ಶೀಟರ್‌ಗಳಿಗೆ ಪೊಲೀಸರ ವಾರ್ನಿಂಗ್‌

ದೊಡ್ಡಬಳ್ಳಾಪುರ: ಉತ್ತಮ ಜೀವನ ರೂಢಿಸಿ ಕೊಳ್ಳಲು ಪೊಲೀಸರು ಪದೇ ಪದೆ ಕರೆಸಿ ಕಿವಿಮಾತು ಹೇಳುತ್ತಾರೆ. ಇಲ್ಲಿ ಯಾರನ್ನು ಅವಮಾನ ಮಾಡುವ ಪ್ರಶ್ನೆ ಇಲ್ಲ. ಸಮಾಜದಲ್ಲಿ ಬದಲಾವಣೆ ಮಾಡಿಕೊಂಡು ಉತ್ತಮ ಜೀವನ ರೂಪಿಸಿಕೊಂಡರೆ ರೌಡಿ ಶೀಟರ್‌ ಪಟ್ಟಿಯಿಂದ ತೆಗೆದು ಹಾಕಲಾಗುವುದು ಎಂದು ಡಿವೈಎಸ್ಪಿ ಟಿ ರಂಗಪ್ಪ ರೌಡಿ ಪರೇಡ್‌ನಲ್ಲಿ ತಿಳಿಸಿದರು.

ನಗರ ಪೋಲೀಸ್‌ ಠಾಣಾ ಮುಂದೆ ರೌಡಿ ಶೀಟರ್‌ಗಳ ಪರೇಡ್‌ನಲ್ಲಿ ಮಾತನಾಡಿ, ಗ್ರಾಮ ಪಂಚಾಯತಿ ಚುನಾವಣೆಯಲ್ಲಿ ಇಲ್ಲಿರುವ ರೌಡಿ ಶೀಟರ್‌ಗಳು ಯಾವುದೇ ಅಕ್ರಮ ಚಟುವಟಿಕೆಗಳಲ್ಲಿ ಭಾಗವಹಿಸಬಾರದು. ರೌಡಿ ಶೀಟರ್‌ ಪಟ್ಟಿಯಲ್ಲಿಇರುವವರು ಚುನಾವಣೆ ಸ್ಪರ್ಧಿಸುವುದಾದದರೆ ನಮ್ಮ ಗಮನಕ್ಕೆ ತರಬೇಕು ಎಂದು ಸೂಚಿಸಿದರು.

ಚಳಿಗಾಲದ ಆರಂಭದಲ್ಲೇ ಬರಿದಾದ ಕೆರೆಗಳು..! ಬೇಸಿಗೆಕಾಲದಲ್ಲಿ ಉಂಟಾಗಲಿದೆ ನೀರಿನ ಅಭಾವ..!

ಅಲ್ಲದೇ ನೀವು ನಿಮಗೆ ಬೇಕಾದವರ ಮನವೊಲಿಸಲು ಅಥವಾ ಅವರಿಗೆ ಸಹಾಯ ಮಾಡಲು ಬೇರೆ ಅಭ್ಯರ್ಥಿಗಳ ಮೇಲೆ ದಬ್ಬಾಳಿಕೆ ಮಾಡುವುದು, ಅವರಿಗೆ ಬೆದರಿಕೆ ಹಾಕುವುದು ಮಾಡುವಂತಿಲ್ಲ. ಅಲ್ಲದೇ ಸ್ನೇಹಿತರ ಜತೆ ಸೇರಿ ಡಾಬಾ ಬಾರ್‌ಗಳಲ್ಲಿ ಗಲಾಟೆ ಮಾಡುವುದು ಮಾಡುವಂತಿಲ್ಲ ಎಂದು ರೌಡಿಶೀಟರ್‌ಗಳಿಗೆ ಎಚ್ಚರಿಕೆ ನೀಡಿದರು.

ಈ ಬಾರಿ ಹೊಸ ವರ್ಷ ಸಂಭ್ರಮಾಚರಣೆಗೆ ನಂದಿಬೆಟ್ಟಕ್ಕಿಲ್ಲ ಎಂಟ್ರಿ‌..!

ನಂತರ ಮಾತನಾಡಿದ ಸರ್ಕಲ್‌ ಇನ್ಸ್‌ಪೆಕ್ಟರ್‌ ಎಂ.ಬಿ. ನವೀನ್‌ ಕುಮಾರ್‌, ಇಲ್ಲಿರುವ ಯಾರೂ ಕಾನೂನು ಬಾಹಿರ ಚಟುವಟಿಕೆಯಲ್ಲಿ ಭಾಗವಹಿಸಬಾರದು. ಅಲ್ಲದೆ ಅಭ್ಯರ್ಥಿಗಳಿಗೆ ಬೆದರಿಕೆ ಹಾಕುವಂತಿಲ್ಲ ಎಂದು ಎಚ್ಚರಿಕೆ ನೀಡಿದರು.