ಹೊಸಕೋಟೆಯಲ್ಲಿ ಪೊಲೀಸರಿಂದ ಚುನಾವಣಾ ಅಕ್ರಮ, ಎಂಟಿಬಿ ಪರ ಸ್ಲಿಪ್‌ ವಿತರಣೆ

ಹೊಸಕೋಟೆ (ಬೆಂಗಳೂರು ಗ್ರಾಮಾಂತರ): ರಾಜ್ಯದಲ್ಲಿ 15 ಕ್ಷೇತ್ರಗಳಿಗೆ ನಡೆಯುತ್ತಿರುವ ಉಪ ಚುನಾವಣೆಯಲ್ಲಿ ಬಿಜೆಪಿ ಆಡಳಿತ ಯಂತ್ರವನ್ನು ದುರುಪಯೋಗ ಪಡಿಸಿಕೊಳ್ಳುತ್ತಿದೆ ಎಂಬ ಆರೋಪದ ನಡುವೆ ಹೊಸಕೋಟೆಯಲ್ಲಿ ಪೊಲೀಸರೇ ಬಿಜೆಪಿ ಅಭ್ಯರ್ಥಿ ಪರ ಮತಯಾಚನೆಯನ್ನು ತೊಡಗಿಕೊಂಡಿದ್ದಾರೆ.

ಹೊಸಕೋಟೆ ಕ್ಷೇತ್ರದ ಬಿಜೆಪಿ ಅಭ್ಯರ್ಥಿ ಎಂಟಿಬಿ ನಾಗರಾಜ್‌ ಪರ ಮತಗಟ್ಟೆ ಭದ್ರತೆಗೆ ನಿಯೋಜನೆಗೊಂಡ ಪೊಲೀಸ್ ಸಿಬ್ಬಂದಿ ಮತಯಾಚನೆಯಲ್ಲಿ ತೊಡಗಿದ್ದಾರೆ. ಮತಗಟ್ಟೆಗೆ ಬರುವ ಜನರಿಗೆ ಬಿಜೆಪಿ ಅಭ್ಯರ್ಥಿ ಎಂಟಿಬಿ ನಾಗರಾಜ್‌ ಪರ ಸ್ಲಿಪ್ ನೀಡುತ್ತಿದ್ದಾರೆ.

ಇವೆಲ್ಲಾ ಕ್ಯಾಮರಾದಲ್ಲಿ ಸೆರೆಯಾಗಿದೆ. ಹೊಸಕೋಟೆ ಪಟ್ಟಣದ ಮತಗಟ್ಟೆ ಸಂಖ್ಯೆ 163 ಮತ್ತು 164ರಲ್ಲಿ ಕಾರ್ಯ ನಿರ್ವಹಿಸುತ್ತಿರುವ ಪೊಲೀಸರು ಈ ಸ್ಲಿಪ್‌ ಹಂಚಿಕೆಯಲ್ಲಿ ತೊಡಗಿದ್ದಾರೆ.

ವಿಡಿಯೋ: 4 ಗಂಟೆ ಅವಧಿಯಲ್ಲಿ 20% ಮತದಾನ: ಮತಯಂತ್ರ ಕೈಕೊಟ್ಟಿದ್ದಕ್ಕೆ ಗರಂ ಆದ ಎಂಟಿಬಿ ನಾಗರಾಜ್‌

ಕೈಯಲ್ಲಿ ಬಿಜೆಪಿ ಸ್ಲಿಪ್ ಹಿಡಿದುಕೊಂಡಿರುವ ಸಿಬ್ಬಂದಿಗಳು ಮತಗಟ್ಟೆಗೆ ಆಗಮಿಸುತ್ತಿರುವ ಮತದಾರರಿಗೆ ನೀಡಿ ಮತಯಾಚನೆ ನಡೆಸುತ್ತಿದ್ದಾರೆ. ಇದು ಚುನಾವಣಾ ನೀತಿ ಸಂಹಿತಿಯ ಸ್ಪಷ್ಟ ಉಲ್ಲಂಘನೆಯಾಗಿದೆ.