ಅಂತರ್ಜಾತಿ ವಿವಾಹ: ಗಂಡನ ಹತ್ಯೆ, ಹೆಂಡತಿ ನೇಣಿಗೆ ಶರಣು

ದೇವನಹಳ್ಳಿ: ಮೈದುನನಿಂದಲೇ ಗಂಡ ಕೊಲೆಗೀಡಾದ ದುಃಖವನ್ನು ತಾಳಲಾರದ ಹೆಂಡತಿ ಡೆತ್‌ನೋಟ್‌ ಬರೆದಿಟ್ಟು ನೇಣಿಗೆ ಶರಣಾಗಿರುವ ಘಟನೆ ನಡೆದಿದೆ.

ಪ್ರೀತಿಸಿ 8 ತಿಂಗಳ ಹಿಂದೆ ಅಂತರ್ಜಾತಿ ಮದುವೆಯಾಗಿದ್ದ ಮೀನಾಕ್ಷಿ ಹಾಗೂ ಹರೀಶ್‌ ಸುಖವಾಗಿ ಜೀವನ ನಡೆಸುತ್ತಿದ್ದರು. ಇದಕ್ಕೆ ಸಾಕ್ಷಿ ಎಂಬಂತೆ 3 ತಿಂಗಳ ಗರ್ಬಿಣಿಯಾಗಿದ್ದಳು. ಕಳೆದ ತಿಂಗಳು, ಮೀನಾಕ್ಷಿ ತಮ್ಮ ವಿನಯ್‌ ತನ್ನ ಭಾವ ಹರೀಶ್‌ನನ್ನು ಹತ್ಯೆ ಮಾಡಿದ್ದ. ಇದರಿಂದ ಮೀನಾಕ್ಷಿ ಮನನೊಂದ ತನ್ನ ಗಂಡ ಮದುವೆ ಸಮಯದಲ್ಲಿ ಕೊಡಿಸಿದ್ದ ಸೀರೆ ಉಟ್ಟು ಡೆತ್‌ ನೋಟ್‌ ಬರೆದಿಟ್ಟು ನೇಣಿಗೆ ಶರಣಾಗಿದ್ದಾಳೆ.

ವಿಶ್ವನಾಥಪುರ ಪೊಲೀಸ್‌ ಠಾಣೆ ಪೊಲೀಸರು ಪ್ರಕರಣವನ್ನು ದಾಖಲಿಸಿಕೊಂಡು ಮುಂದಿನ ಕ್ರಮ ಕೈಗೊಂಡಿದ್ದಾರೆ.

ಕಳೆದ ತಿಂಗಳು ನಲ್ಲೂರಿನಲ್ಲಿ ಹರೀಶ್‌ ಕೊಲೆಯಾಗಿದ್ದ. ಹರೀಶ್‌ ದೇವನಹಳ್ಳಿ ತಾಲೂಕಿನ ಬಿದಲೂರು ಗ್ರಾಮದ ಮುನಿನಾರಾಯಣಪ್ಪ ಎಂಬುವರ ಮಗ. ಮೀನಾಕ್ಷಿ ನಲ್ಲೂರು ಗ್ರಾಮದ ನಾರಾಯಣಸ್ವಾಮಿ ಎಂಬುವರ ಮಗಳು.

ಡೆತ್‌ನೋಟ್‌: ನನ್ನ ಸಾವಿಗೆ ನಾನೇ ಕಾರಣ. ದಯವಿಟ್ಟು ನನ್ನನ್ನು ಎಲ್ಲರೂ ಕ್ಷ ಮಿಸಿಬಿಡಿ. ಅಪ್ಪ, ಅಮ್ಮ ನಿಮ್ಮನ್ನು ಬಿಟ್ಟು ಮೋಸ ಮಾಡಿ ಹೋಗುತ್ತಿದ್ದೇನೆ. ಹರೀಶ್‌ನನ್ನು ಬಿಟ್ಟು ಇರುವ ಪ್ರತಿ ದಿನವೂ ನನಗೆ ನರಕವಾಗುತ್ತಿದೆ. ನಾನು ಹರೀಶನ ಬಳಿ ಹೋಗುತ್ತಿದ್ದೇನೆ. ನೀವೆಲ್ಲರೂ ನನ್ನ ಮಗಳಂತೆ ನೋಡಿಕೊಂಡಿದ್ದೀರಿ. ತವರು ಮನೆಯ ನೆನಪನ್ನೇ ಕಳೆದಿದ್ದೀರಿ ಎಂದು ಡೆತ್‌ ನೋಟ್‌ ಬರೆದಿಟ್ಟು ಆತ್ಮಹತ್ಯೆ ಮಾಡಿಕೊಂಡಿದ್ದಾಳೆ.

ದಯವಿಟ್ಟು ಯಾರು ಅಂತರ್ಜಾತಿಯ ವಿವಾಹವನ್ನು ಆಗಬೇಡಿ, ಮನೆಯವರನ್ನು ಒಪ್ಪಿಸಿ ಮದುವೆಯಾಗಿ, ಮಿಸ್‌ಯೂ ಎವೆರಿಒನ್‌ : ಇದು ಆತ್ಮಹತ್ಯೆಗೂ ಮೊದಲು ಮೀನಾಕ್ಷಿ ಬರೆದಿಟ್ಟ ಮರಣಪತ್ರ.