ಸೂಲಿಬೆಲೆ: ರೌಡಿ ಶೀಟರ್‌ಗಳಿಗೆ ವಾರ್ನಿಂಗ್‌, 586 ಕೆಜಿ ರಕ್ತ ಚಂದನ ವಶ

ಸೂಲಿಬೆಲೆ: ಗ್ರಾಪಂ ಚುನಾವಣೆ ಹಿನ್ನೆಲೆಯಲ್ಲಿ ಸೂಲಿಬೆಲೆ ಪೊಲೀಸ್‌ ಠಾಣೆ ವ್ಯಾಪ್ತಿಯ ರೌಡಿ ಶೀಟರ್‌ಗಳಿಗೆ ಹೊಸಕೋಟೆ ಉಪವಿಭಾಗದ ಸಿಪಿಐ ಶಿವರಾಜ್‌ ಕಾನೂನುಬಾಹಿರ ಚಟುವಟಿಕೆಗಳಲ್ಲಿ ತೊಡಗಿಸಿಕೊಳ್ಳದಂತೆ ವಾರ್ನಿಂಗ್‌ ನೀಡಿದ್ದಾರೆ.

ಸೂಲಿಬೆಲೆ ಪೊಲೀಸ್‌ ಠಾಣೆ ಆವರಣದಲ್ಲಿಸೋಮವಾರ ರೌಡಿಶೀಟರ್‌ಗಳ ಮೇಲಿರುವ ಪ್ರಕರಣಗಳ ವಿಚಾರಣೆ ನಡೆಸಿದರು.

ನಂತರ ಚುನಾವಣೆ ಸಮಯದಲ್ಲಿ ಗಲಾಟೆ, ಬೆದರಿಕೆಯಂತಹ ಚಟುವಟಿಕೆಗಳು ನಡೆಸುವುದು ಕಂಡುಬಂದರೆ ಸಹಿಸುವುದಿಲ್ಲ. ಶಾಂತಿ ಸುವ್ಯವಸ್ಥೆ ಕಾಪಾಡಿಕೊಳ್ಳಬೇಕು ಎಂದು ತಾಕೀತು ಮಾಡಿದರು. ಇದೇ ಸಂದರ್ಭದಲ್ಲಿ ಪಿಎಸ್‌ಐ ರಮೇಶ್‌ ಹಾಗೂ ಸಿಬ್ಬಂದಿ ಹಾಜರಿದ್ದರು.

ರಕ್ತ ಚಂದನ ವಶ, ಇಬ್ಬರ ಬಂಧನ

ಅಕ್ರಮವಾಗಿ ರಕ್ತಚಂದನ ಸಾಗಾಟ ಮಾಡುತ್ತಿದ್ದ ಇಬ್ಬರು ಆರೋಪಿಗಳನ್ನು ಬಂಧಿಸಿರುವ ಸೂಲಿಬೆಲೆ ಪೊಲೀಸರು ಇಬ್ಬರು ಆರೋಪಿಗಳನ್ನು ಬಂಧಿಸಿ, 586 ಕೆಜಿ ರಕ್ತ ಚಂದನ ವಶಪಡಿಸಿಕೊಂಡಿದ್ದಾರೆ.

ಆಂಧ್ರ ಪ್ರದೇಶದ ಕಡಪದಿಂದ ವಾಹನವೊಂದರಲ್ಲಿ ರಕ್ತಚಂದನ ತುಂಡಗಳನ್ನು ತುಂಬಿಕೊಂಡು ಹೊಸಕೋಟೆ ಕಡೆ ಹೋಗುತ್ತಿದ್ದಾಗ ಖಚಿತ ಮಾಹಿತಿ ಮೇರೆಗೆ ದಾಳಿ ಮಾಡಿದ ಸೂಲಿಬೆಲೆ ಪಿಎಸ್‌ಐ ರಮೇಶ್‌ ಮತ್ತು ಸಿಬ್ಬಂದಿ, ತಿಮ್ಮಸಂದ್ರ ಬಳಿ ಬಳಿ ವಾಹನ ತಡೆದು ಪರಿಶೀಲನೆ ಮಾಡಿದಾಗ 586 ಕೆಜಿ ರಕ್ತಚಂದನ ಪತ್ತೆಯಾಗಿದೆ. ರಕ್ತಚಂದನ ಸಾಗಿಸುತ್ತಿದ್ದ ಪಳನಿ ಹಾಗೂ ಮಹೇಶ್‌ನನ್ನು ಬಂಧಿಸಿದ್ದಾರೆ. ಸೂಲಿಬೆಲೆ ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.