ದೇವನಹಳ್ಳಿ: ದೇವನಹಳ್ಳಿಯಲ್ಲಿ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣ ಆರಂಭಗೊಂಡ ನಂತರ ಜಿಲ್ಲೆಯಲ್ಲಿ ಗೋಮಾಳ, ರಾಜಕಾಲುವೆ ಸೇರಿದಂತೆ ಸರಕಾರಿ ಜಾಗ ಕಬಳಿಕೆ ಆಗುತ್ತಿರುವುದರ ನಡುವೆ ಇದೀಗ ಸಾರ್ವಜನಿಕ ಉದ್ದೇಶಕ್ಕೆಂದು ಮೀಸಲಿರಿಸಿದ್ದ ಉದ್ಯಾನವನದ ಜಾಗ ಖಾಸಗಿ ವ್ಯಕ್ತಿಗಳ ಪಾಲಾಗಿದೆ ಎಂಬ ಆರೋಪಗಳು ಸ್ಥಳೀಯವಾಗಿ ವ್ಯಕ್ತವಾಗಿವೆ.
ದೊಡ್ಡಬಳ್ಳಾಪುರ ತಾಲೂಕು ಬಾಶೆಟ್ಟಿಹಳ್ಳಿ ಕೈಗಾರಿಕಾ ಪ್ರದೇಶದ ಸುತ್ತಮುತ್ತ ರಿಯಲ್ ಎಸ್ಟೇಟ್ ಗರಿಗೆದರುತ್ತಿದ್ದಂತೆ ಇಲ್ಲಿನ ಬಡಾವಣೆಯಲ್ಲಿ ಉದ್ಯಾನಕ್ಕೆಂದು ಮೀಸಲಿರಿಸಿದ್ದ ಜಾಗ ಖಾಸಗಿ ವ್ಯಕ್ತಿಗಳ ಪಾಲಾಗಿದೆ ಎಂದು ಸ್ಥಳೀಯರು ಆರೋಪಿಸುತ್ತಿದ್ದಾರೆ. ವಿಪರ್ಯಾಸವೆಂದರೆ ಇಂತಹ ಯಾವುದೇ ಭೂಮಿ ಪರಭಾರೆಯಾಗಿಲ್ಲ ಎಂದು ಗ್ರಾಪಂ ಅಧಿಕಾರಿಗಳು ಹೇಳುತ್ತಿದ್ದಾರೆ, ಆದರೆ ವಾಸ್ತವದಲ್ಲಿ ಪಾರ್ಕ್ ಜಾಗ ಕಾಣದಿರುವುದು ಆರೋಪಕ್ಕೆ ಪುಷ್ಟಿ ನೀಡಿದಂತಿದೆ.
ಬಾಶೆಟ್ಟಿಹಳ್ಳಿ ಗ್ರಾಮ ಪಂಚಾಯಿತಿ ವ್ಯಾಪ್ತಿಗೆ ಸೇರಿದ ಸರ್ವೆ ನಂ.22/1, 52/1, 45/1ರಲ್ಲಿವಾಸದ ಉದ್ದೇಶಕ್ಕಾಗಿ 1987ರಲ್ಲಿ ಭೂಪರಿವರ್ತನೆಯಾಗಿದೆ. ಇಲ್ಲಿಖಾಸಗಿ ವ್ಯಕ್ತಿಯೊಬ್ಬರು ಬಡಾವಣೆ ನಿರ್ಮಿಸಿದ್ದು, ಲೇಔಟ್ ನಕ್ಷೆಯಂತೆ 133 ಅಡಿಗಳು ವಾಸದ ನಿವೇಶನಗಳನ್ನು ಗ್ರಾಮ ಪಂಚಾಯಿತಿಯಿಂದ ಅನುಮೋದಿಸಿ ಖಾತೆ ಕೂಡ ನೋಂದಣಿ ಮಾಡಿಕೊಡಲಾಗಿದೆ. ಒಟ್ಟಾರೆ ಬಡಾವಣೆಯಲ್ಲಿ 2,29,584 ಅಡಿಗಳು ವಾಸದ ನಿವೇಶನಕ್ಕೆಂದು, 34626 ಅಡಿಗಳು ಉದ್ಯಾನವನಕ್ಕೆಂದು ಮೀಸಲು ಮಾಡಲಾಗಿತ್ತು. ಆದರೆ ಬಡಾವಣೆ ಮಾಲೀಕರು ಉದ್ಯಾನವನಕ್ಕೆ ಮೀಸಲಿಟ್ಟಿರುವ ಜಾಗವನ್ನೂ ನಿವೇಶನಗಳನ್ನಾಗಿ ಮಾಡಿ ಮಾರಾಟ ಮಾಡಲು ಹೊರಟಿದ್ದಾರೆ. ಸಾರ್ವಜನಿಕರ ಬಳಕೆಗೆ ಮೀಸಲಿಡಲಾಗಿದ್ದ ಜಾಗವನ್ನು ಖಾಸಗಿ ವ್ಯಕ್ತಿಗಳು ಮಾರಾಟ ಮಾಡುತ್ತಿದ್ದರೂ ಈ ಬಗ್ಗೆ ಕ್ರಮಕೈಗೊಳ್ಳಲು ಅಧಿಕಾರಿಗಳು ಮುಂದಾಗುತ್ತಿಲ್ಲ ಎಂದು ಗ್ರಾಮಸ್ಥರು ಆರೋಪಿಸಿದ್ದಾರೆ.
ಹೊಣೆ ಮರೆತ ಗ್ರಾಮ ಪಂಚಾಯಿತಿ
ಯಾವುದೇ ಬಡಾವಣೆ ನಿರ್ಮಿಸಿದರೆ ಅಲ್ಲಿ ಉದ್ಯಾನವನಕ್ಕೆಂದು ಜಾಗ ಮೀಸಲಿಟ್ಟಿರುವುದನ್ನು ನೋಡಿಕೊಂಡು ಬಡಾವಣೆ ನಕ್ಷೆಗೆ ಮಂಜೂರು ಮಾಡಬೇಕು. ನಂತರದಲ್ಲಿ ಉದ್ಯಾನವನದ ಜಾಗವನ್ನು ತನ್ನ ಸುಪರ್ದಿಗೆ ತೆಗೆದುಕೊಂಡು ಅಭಿವೃದ್ಧಿಪಡಿಸಿ ಸಾರ್ವಜನಿಕ ಬಳಕೆಗೆ ಅವಕಾಶ ಕಲ್ಪಿಸಬೇಕು. ಆದರೆ ಬಾಶೆಟ್ಟಿಹಳ್ಳಿ ಗ್ರಾಪಂನಲ್ಲಿ ಈ ನಿಯಮ ಪಾಲನೆಯಾಗಿಲ್ಲ. ಬಡಾವಣೆಯಲ್ಲಿನ ಪಾರ್ಕ್ ಜಾಗವನ್ನು ಅನ್ಯರು ಆಕ್ರಮಿಸಿಕೊಂಡಿದ್ದಾರೆ ಎಂಬ ದೂರುಗಳು ಕೇಳಿಬಂದ ಹಿನ್ನೆಲೆಯಲ್ಲಿ ಕಳೆದ ವರ್ಷ ಪಾರ್ಕ್ ಜಾಗವೆಂದು ಬೋರ್ಡ್ ಹಾಕಲಾಗಿತ್ತು. ಆದರೆ ಈ ಜಾಗದಲ್ಲಿ ಉದ್ಯಾನವನಕ್ಕೆಂದು ಮೀಸಲಿಟ್ಟಿರುವ 34 ಸಾವಿರ ಅಡಿಗಳಷ್ಟು ಜಾಗವಿಲ್ಲಎಂದು ಅಧಿಕಾರಿಗಳ ವಿರುದ್ಧ ಆಕ್ರೋಶ ವ್ಯಕ್ತಪಡಿಸಿದ್ದಾರೆ.
ಬಡಾವಣೆ ನಿರ್ಮಿಸುವಾಗ 34 ಸಾವಿರ ಅಡಿ ಪಾರ್ಕ್ಗೆಂದು ಮೀಸಲಿಡಲಾಗುವುದು ಎಂದು ನಕ್ಷೆಯಲ್ಲಿ ತೋರಿಸಿದ್ದಾರೆ. ಆದರೆ ಈಗ ಪಾರ್ಕ್ಗೆಂದು ಕೇವಲ 11 ಸಾವಿರ ಅಡಿಗಳಷ್ಟು ಜಾಗವನ್ನೇ ಬಿಟ್ಟಿದ್ದು ಉಳಿದ ಜಾಗ ಮಾರಾಟ ಮಾಡುತ್ತಿದ್ದಾರೆ. ಈ ಹಿಂದೆ ಸಿಎ ಜಾಗ ಎಂದು ಬೋರ್ಡ್ ಹಾಕಿ ನಂತರ ತೆಗೆದುಹಾಕಿದ್ದಾರೆ. ಪಾರ್ಕ್ ಜಾಗಕ್ಕೆ ಅಕ್ರಮವಾಗಿ ಖಾತೆ ಮಾಡಿಸಿಕೊಂಡು ಇತರರಿಗೆ ಮಾರಾಟ ಮಾಡಿದ್ದಾರೆ. ಇದರಲ್ಲಿಗ್ರಾಪಂ ಅಧಿಕಾರಿಗಳು ಕೂಡ ಶಾಮೀಲಾಗಿದ್ದಾರೆ.
-ಬಿ.ಕೆ.ಶ್ರೀನಿವಾಸ್, ಬಾಶೆಟ್ಟಿಹಳ್ಳಿ ಗ್ರಾಮಸ್ಥ
ಪಾರ್ಕ್ಗೆಂದು ಮೀಸಲಿರಿಸಿದ ಜಾಗವನ್ನು ಯಾರು ಕಬಳಿಸಿಲ್ಲ. ಈ ಬಗ್ಗೆ ವರ್ಷಗಳಿಂದ ದೂರು ಕೇಳಿಬರುತ್ತಲೇ ಇದೆ. ಆದರೆ ಯಾವುದೇ ಅಕ್ರಮ ನಡೆದಿಲ್ಲ.
-ಶಶಿಧರ್, ಪಿಡಿಒ, ಬಾಶೆಟ್ಟಿಹಳ್ಳಿ ಗ್ರಾಪಂ
ದೊಡ್ಡಬಳ್ಳಾಪುರ ತಾಲೂಕು ಬಾಶೆಟ್ಟಿಹಳ್ಳಿ ಕೈಗಾರಿಕಾ ಪ್ರದೇಶದ ಸುತ್ತಮುತ್ತ ರಿಯಲ್ ಎಸ್ಟೇಟ್ ಗರಿಗೆದರುತ್ತಿದ್ದಂತೆ ಇಲ್ಲಿನ ಬಡಾವಣೆಯಲ್ಲಿ ಉದ್ಯಾನಕ್ಕೆಂದು ಮೀಸಲಿರಿಸಿದ್ದ ಜಾಗ ಖಾಸಗಿ ವ್ಯಕ್ತಿಗಳ ಪಾಲಾಗಿದೆ ಎಂದು ಸ್ಥಳೀಯರು ಆರೋಪಿಸುತ್ತಿದ್ದಾರೆ. ವಿಪರ್ಯಾಸವೆಂದರೆ ಇಂತಹ ಯಾವುದೇ ಭೂಮಿ ಪರಭಾರೆಯಾಗಿಲ್ಲ ಎಂದು ಗ್ರಾಪಂ ಅಧಿಕಾರಿಗಳು ಹೇಳುತ್ತಿದ್ದಾರೆ, ಆದರೆ ವಾಸ್ತವದಲ್ಲಿ ಪಾರ್ಕ್ ಜಾಗ ಕಾಣದಿರುವುದು ಆರೋಪಕ್ಕೆ ಪುಷ್ಟಿ ನೀಡಿದಂತಿದೆ.
ಬಾಶೆಟ್ಟಿಹಳ್ಳಿ ಗ್ರಾಮ ಪಂಚಾಯಿತಿ ವ್ಯಾಪ್ತಿಗೆ ಸೇರಿದ ಸರ್ವೆ ನಂ.22/1, 52/1, 45/1ರಲ್ಲಿವಾಸದ ಉದ್ದೇಶಕ್ಕಾಗಿ 1987ರಲ್ಲಿ ಭೂಪರಿವರ್ತನೆಯಾಗಿದೆ. ಇಲ್ಲಿಖಾಸಗಿ ವ್ಯಕ್ತಿಯೊಬ್ಬರು ಬಡಾವಣೆ ನಿರ್ಮಿಸಿದ್ದು, ಲೇಔಟ್ ನಕ್ಷೆಯಂತೆ 133 ಅಡಿಗಳು ವಾಸದ ನಿವೇಶನಗಳನ್ನು ಗ್ರಾಮ ಪಂಚಾಯಿತಿಯಿಂದ ಅನುಮೋದಿಸಿ ಖಾತೆ ಕೂಡ ನೋಂದಣಿ ಮಾಡಿಕೊಡಲಾಗಿದೆ. ಒಟ್ಟಾರೆ ಬಡಾವಣೆಯಲ್ಲಿ 2,29,584 ಅಡಿಗಳು ವಾಸದ ನಿವೇಶನಕ್ಕೆಂದು, 34626 ಅಡಿಗಳು ಉದ್ಯಾನವನಕ್ಕೆಂದು ಮೀಸಲು ಮಾಡಲಾಗಿತ್ತು. ಆದರೆ ಬಡಾವಣೆ ಮಾಲೀಕರು ಉದ್ಯಾನವನಕ್ಕೆ ಮೀಸಲಿಟ್ಟಿರುವ ಜಾಗವನ್ನೂ ನಿವೇಶನಗಳನ್ನಾಗಿ ಮಾಡಿ ಮಾರಾಟ ಮಾಡಲು ಹೊರಟಿದ್ದಾರೆ. ಸಾರ್ವಜನಿಕರ ಬಳಕೆಗೆ ಮೀಸಲಿಡಲಾಗಿದ್ದ ಜಾಗವನ್ನು ಖಾಸಗಿ ವ್ಯಕ್ತಿಗಳು ಮಾರಾಟ ಮಾಡುತ್ತಿದ್ದರೂ ಈ ಬಗ್ಗೆ ಕ್ರಮಕೈಗೊಳ್ಳಲು ಅಧಿಕಾರಿಗಳು ಮುಂದಾಗುತ್ತಿಲ್ಲ ಎಂದು ಗ್ರಾಮಸ್ಥರು ಆರೋಪಿಸಿದ್ದಾರೆ.
ಹೊಣೆ ಮರೆತ ಗ್ರಾಮ ಪಂಚಾಯಿತಿ
ಯಾವುದೇ ಬಡಾವಣೆ ನಿರ್ಮಿಸಿದರೆ ಅಲ್ಲಿ ಉದ್ಯಾನವನಕ್ಕೆಂದು ಜಾಗ ಮೀಸಲಿಟ್ಟಿರುವುದನ್ನು ನೋಡಿಕೊಂಡು ಬಡಾವಣೆ ನಕ್ಷೆಗೆ ಮಂಜೂರು ಮಾಡಬೇಕು. ನಂತರದಲ್ಲಿ ಉದ್ಯಾನವನದ ಜಾಗವನ್ನು ತನ್ನ ಸುಪರ್ದಿಗೆ ತೆಗೆದುಕೊಂಡು ಅಭಿವೃದ್ಧಿಪಡಿಸಿ ಸಾರ್ವಜನಿಕ ಬಳಕೆಗೆ ಅವಕಾಶ ಕಲ್ಪಿಸಬೇಕು. ಆದರೆ ಬಾಶೆಟ್ಟಿಹಳ್ಳಿ ಗ್ರಾಪಂನಲ್ಲಿ ಈ ನಿಯಮ ಪಾಲನೆಯಾಗಿಲ್ಲ. ಬಡಾವಣೆಯಲ್ಲಿನ ಪಾರ್ಕ್ ಜಾಗವನ್ನು ಅನ್ಯರು ಆಕ್ರಮಿಸಿಕೊಂಡಿದ್ದಾರೆ ಎಂಬ ದೂರುಗಳು ಕೇಳಿಬಂದ ಹಿನ್ನೆಲೆಯಲ್ಲಿ ಕಳೆದ ವರ್ಷ ಪಾರ್ಕ್ ಜಾಗವೆಂದು ಬೋರ್ಡ್ ಹಾಕಲಾಗಿತ್ತು. ಆದರೆ ಈ ಜಾಗದಲ್ಲಿ ಉದ್ಯಾನವನಕ್ಕೆಂದು ಮೀಸಲಿಟ್ಟಿರುವ 34 ಸಾವಿರ ಅಡಿಗಳಷ್ಟು ಜಾಗವಿಲ್ಲಎಂದು ಅಧಿಕಾರಿಗಳ ವಿರುದ್ಧ ಆಕ್ರೋಶ ವ್ಯಕ್ತಪಡಿಸಿದ್ದಾರೆ.
ಬಡಾವಣೆ ನಿರ್ಮಿಸುವಾಗ 34 ಸಾವಿರ ಅಡಿ ಪಾರ್ಕ್ಗೆಂದು ಮೀಸಲಿಡಲಾಗುವುದು ಎಂದು ನಕ್ಷೆಯಲ್ಲಿ ತೋರಿಸಿದ್ದಾರೆ. ಆದರೆ ಈಗ ಪಾರ್ಕ್ಗೆಂದು ಕೇವಲ 11 ಸಾವಿರ ಅಡಿಗಳಷ್ಟು ಜಾಗವನ್ನೇ ಬಿಟ್ಟಿದ್ದು ಉಳಿದ ಜಾಗ ಮಾರಾಟ ಮಾಡುತ್ತಿದ್ದಾರೆ. ಈ ಹಿಂದೆ ಸಿಎ ಜಾಗ ಎಂದು ಬೋರ್ಡ್ ಹಾಕಿ ನಂತರ ತೆಗೆದುಹಾಕಿದ್ದಾರೆ. ಪಾರ್ಕ್ ಜಾಗಕ್ಕೆ ಅಕ್ರಮವಾಗಿ ಖಾತೆ ಮಾಡಿಸಿಕೊಂಡು ಇತರರಿಗೆ ಮಾರಾಟ ಮಾಡಿದ್ದಾರೆ. ಇದರಲ್ಲಿಗ್ರಾಪಂ ಅಧಿಕಾರಿಗಳು ಕೂಡ ಶಾಮೀಲಾಗಿದ್ದಾರೆ.
-ಬಿ.ಕೆ.ಶ್ರೀನಿವಾಸ್, ಬಾಶೆಟ್ಟಿಹಳ್ಳಿ ಗ್ರಾಮಸ್ಥ
ಪಾರ್ಕ್ಗೆಂದು ಮೀಸಲಿರಿಸಿದ ಜಾಗವನ್ನು ಯಾರು ಕಬಳಿಸಿಲ್ಲ. ಈ ಬಗ್ಗೆ ವರ್ಷಗಳಿಂದ ದೂರು ಕೇಳಿಬರುತ್ತಲೇ ಇದೆ. ಆದರೆ ಯಾವುದೇ ಅಕ್ರಮ ನಡೆದಿಲ್ಲ.
-ಶಶಿಧರ್, ಪಿಡಿಒ, ಬಾಶೆಟ್ಟಿಹಳ್ಳಿ ಗ್ರಾಪಂ