ಏರ್‌ಪೋರ್ಟ್‌ನಲ್ಲಿ ‘ಸೀಸನ್‌ ಆಫ್‌ ಸ್ಮೈಲ್‌’

ಬೆಂಗಳೂರು ಗ್ರಾಮಾಂತರ: ಕೆಂಪೇಗೌಡ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ ಡಿ.15ರಿಂದ ವಾರ್ಷಿಕ ಮನರಂಜನೆ ಮತ್ತು ಶಾಪಿಂಗ್‌ ಉತ್ಸವ 'ಸೀಸನ್‌ ಆಫ್‌ ಸ್ಮೈಲ್‌'ಆರಂಭವಾಗಿದ್ದು, ಜನವರಿ 15 ರವರೆಗೆ ನಡೆಯಲಿದೆ.

ಕ್ರಿಸ್‌ಮಸ್‌ ರಜೆಯಲ್ಲಿ ವಿಮಾನ ನಿಲ್ದಾಣಕ್ಕೆ ಭೇಟಿ ನೀಡುವವರಿಗೆ ಹಬ್ಬದ ಸಂಭ್ರಮವನ್ನು ಹರಡುವ ಉದ್ದೇಶ 'ಸೀಸನ್‌ ಆಫ್‌ ಸ್ಮೈಲ್ಸ್‌ ' ನದ್ದಾಗಿದೆ. ದೀಪಗಳಿಂದ ಅಲಂಕೃತ ಮರಗಳು ಮತ್ತು ಸೆಲ್ಫಿ ಝೋನ್‌ಗಳು ಮುಂತಾದ ಹಬ್ಬದ ಅಲಂಕಾರಗಳಿಂದ ಟರ್ಮಿನಲ್‌ ಕಂಗೊಳಿಸುತ್ತಿದೆ.

ವಿಮಾನ ನಿಲ್ದಾಣದ ನಿರ್ವಹಣೆ ಹೊಣೆ ಹೊತ್ತಿರುವ ಬೆಂಗಳೂರು ಇಂಟರ್‌ನ್ಯಾಷನಲ್‌ ಏರ್‌ಪೋರ್ಟ್‌ ಲಿಮಿಟೆಡ್‌(ಬಿಐಎಎಲ್‌) ಈ ಉತ್ಸವವನ್ನು ಆಯೋಜಿಸಿದೆ. ಉತ್ಸವದಲ್ಲಿ ಸಾಕಷ್ಟು ಕಾರ್ಯಕ್ರಮಗಳನ್ನು ಆಯೋಜಿಸಿರುವುದು ಮಾತ್ರವಲ್ಲದೆ ಪ್ರಯಾಣಿಕರಿಗೆ ಬಹುಮಾನ ಗೆಲ್ಲುವ ಅವಕಾಶ ಕಲ್ಪಿಸಲಾಗಿದೆ.