ಸ್ವಚ್ಛತೆ ಕಾಯ್ದುಕೊಂಡರೆ ರೋಗದ ಭಯವಿಲ್ಲ

ದೊಡ್ಡಬಳ್ಳಾಪುರ : ಸ್ವಚ್ಛತೆ ಇದ್ದ ಕಡೆ ರೋಗವಿರುವುದಿಲ್ಲ. ಹೀಗಾಗಿ ದೈಹಿಕ ಮತ್ತು ಪರಿಸರ ಸ್ವಚ್ಛತೆಯಿಂದ ಮಾತ್ರ ಉತ್ತಮ ಆರೋಗ್ಯ ಗಳಿಸಲು ಸಾಧ್ಯ ಎಂದು ಭಾರತೀಯ ವೈದ್ಯಕೀಯ ಸಂಘದ ರಾಜ್ಯ ಸಮಿತಿ ಸದಸ್ಯ ಡಾ.ಎಚ್‌.ಜಿ.ವಿಜಯ ಕುಮಾರ್‌ ತಿಳಿಸಿದರು.

ತಾಲೂಕಿನ ಬಾಶೆಟ್ಟಿಹಳ್ಳಿ ಸರಕಾರಿ ಹಿರಿಯ ಪ್ರಾಥಮಿಕ ಶಾಲೆಯಲ್ಲಿ ಶಿಕ್ಷ ಣ ಪೌಂಡೇಷನ್‌ ವತಿಯಿಂದ ನಡೆದ ಆರೋಗ್ಯ ಮತ್ತು ಪರಿಸರ ಜಾಗೃತಿ ಕಾರ್ಯಕ್ರಮ ಹಾಗೂ ಪ್ರಥಮ್‌ ಸಂಸ್ಥೆಯಿಂದ ನೀಡಲಾದ ಮಕ್ಕಳಿಗೆ ಉಚಿತ ಪುಸ್ತಕಗಳ ವಿತರಣಾ ಸಮಾರಂಭದಲ್ಲಿ ಅವರು ಮಾತನಾಡಿದರು.

ಸ್ವಚ್ಛತೆ ಕಾಯ್ದುಕೊಂಡರೆ ದೇಹ ಪ್ರವೇಶಿಸುವ ಬ್ಯಾಕ್ಟೀರಿಯಾ ಹಾಗೂ ಕ್ರಿಮಿಗಳನ್ನು ತಡೆಗಟ್ಟಬಹುದಾಗಿದೆ. ಮಕ್ಕಳು ಪ್ರತಿನಿತ್ಯ 2 ಲೀಟರ್‌ ಶುದ್ದ ಅಥವಾ ಕುದಿಸಿ ಆರಿಸಿದ ನೀರು ಸೇವನೆ ಮಾಡಬೇಕು. ಮಕ್ಕಳು ಟಿವಿ, ಕಂಪ್ಯೂಟರ್‌ ಚಟಗಳನ್ನು ಅಂಟಿಸಿಕೊಳ್ಳದೇ ದೈಹಿಕ ಚಟುವಟಿಕೆಗಳಿಗಾಗಿ ಆಟಗಳನ್ನು ಆಡುವುದನ್ನು ಅಭ್ಯಾಸ ಮಾಡಿಕೊಳ್ಳಬೇಕು ಎಂದು ತಿಳಿಸಿದರು.

ಶಿಕ್ಷ ಣ ಪೌಂಡೇಷನ್‌ ತಾಲೂಕು ಸಂಯೋಜಕ ವಸಂತ್‌ ಕುಮಾರ್‌ ಮಾತನಾಡಿ, ಶಿಕ್ಷ ಣ ಪೌಂಡೇಷನ್‌ ವತಿಯಿಂದ ತಾಲೂಕಿನ 62 ಶಾಲೆಗಳಲ್ಲಿ ಪ್ರೇರಣಾ 2.0 ಮೊದಲಾಗಿ ವಿಭಿನ್ನ ಕಾರ‍್ಯಕ್ರಮಗಳನ್ನು ರೂಪಿಸಲಾಗಿದ್ದು, ಮಕ್ಕಳಿಗೆ ಓದುವ ಹವ್ಯಾಸ ಬೆಳೆಸಲು ಪ್ರಥಮ್‌ ಪುಸ್ತಕ ವಿತರಣೆ ಮಾಡಲಾಗುತ್ತಿದೆ ಎಂದರು.

ಅನಿಕೇತನ ಟ್ರಸ್ಟ್‌ ಕಾರ್ಯದರ್ಶಿ ಡಿ.ಶ್ರೀಕಾಂತ ಮಾತನಾಡಿದರು. ಶಾಲೆಯ ಮುಖ್ಯ ಶಿಕ್ಷ ಕ ಟಿ.ವೆಂಕಟರವಣಪ್ಪ ಕಾರ್ಯಕ್ರಮದ ಅಧ್ಯಕ್ಷ ತೆ ವಹಿಸಿ ಮಾತನಾಡಿದರು. ಕ್ಲಸ್ಟರ್‌ ಸಂಪನ್ಮೂಲ ವ್ಯಕ್ತಿ ವೆಂಕಟೇಶ್‌, ಶಿಕ್ಷ ಣ ಪೌಂಡೇಷನ್‌ ಸಂಯೋಜಕರಾದ ನಾರಾಯಣಸ್ವಾಮಿ, ಕುಮಾರ ನಾಯಕ್‌ ಮೊದಲಾದವರು ಭಾಗವಹಿಸಿದ್ದರು.